SAKARIYA 10:1 - Bibliyeeda Ghaydit

¹ Amwaasha NG'UTAMIIDA roopta, aba damani bea muweedean, NG'UTAMIIDA gwasina shamooghuutka, ak gaygagooneegwa shiishiiyda roopta, nea gaba siisi siitaw nyeega.

SAKARIYA 10:1 Mawu Ofanana

1 SUGOODIGA 17:1

Hean Eliya bea eemeeda Dishbi, bea ng'eanyiida Dishbi mida Gileyadi, gwayeesha Ahabu, “Gidamideata NG'UTAMIIDA was ASEETA Israeli, aamiinaadi aba madeedaanyiin, maygwanda rahooda ea roopta aba gweanyeeksu, ea eaghus aba ng'asheandeanyu.”

AYUBU 29:23

Abeeda saawa gafurdeayda gili furda roopta; ak ghwajaata ghuusiga nyaawa roopta doomeelda.

NYIIGHEEGA 104:13

Nea aba humng'eeda gwaroobassa giijeega roopta nea gwalang'u ng'eanyiida aba miyeenoadaang'u.

NYIIGHEEGA 135:7

Niny dea iissa ghwanung' gwascheeng'na shamooghuutka muudeanooda ng'eanyiida, was dea sin dadamanduutka roopta ak goong'eena jeameeda gijigoongaaschi.

NYIIGHEEGA 65:9

Gihidu jeeda ng'eanyiida ak ginung' gwaroobassa ak ea ninung' gabaruur muuchi; eenda ASEETA ghwanyiit beega; ak ginung' ghwanyas ng'eanyiida booga, aba gideaba ang'iing'i guwoosi dea sin ng'eanyiida.

NYIIGHEEGA 72:6

Gaygwashuubeanda roopta roobassa nyeega gajeami, gawuurji shishiyjeanda roobassa ng'eanyiida!

GHWASIILDEANGA 16:15

Gheamamda sugoocheanda iiweeshiit abeeda gwanda eaweega, alooheadaanyi gawuurji shamooghooda muweeda.

ISAYA 30:23

Ak gaygagooneegwa Ng'utamiida roopta iyoohisti boogeagwa, ak gayghwaheas ak gajanyasa booga saang'a. Nea eara dugweagwa gayghwanyas nyeega saang'a.

ISAYA 44:3

Aba gideaba gaydeadalealsa beega uhuuda ng'eanyiida gasa beega, nea ghaanung' gwarina ghealooniga beega jeeda ng'eanyiida ghajaam, ak gaydeadalealsa gurooroodeanyu jeacheengaagu nea ghaadawji ghawoodeanyu giika jea jiilean.

ISAYA 5:6

Ak gaydanung' ghoah raghwata; ak ea majeesuuy nea majeebarsa, ak gaygwardu ng'eamga ea halaghweenga; ak gaydayeesha shamooghuutka adiidu ghwaroabwan aba badayda ng'eanyiida.

YEREMIYA 10:13

Iissa iinyaa ghuutaanyi gwaduumduum beega mida humng'eeda, ak ghwanung' ghang'eat dung'usta aba muudeanooda ng'eanyiida ak ghwanung' ghwahidu dadamandeeda roopta, nea ghwanung' gwariteawa jeedeaba gheanyi jeameeda.

YEREMIYA 14:22

Aba jeeda aseecheeka ng'uyeega bea eemoojiga, gwanda gea jea ghoamu gweadu roopta? Nea eara humng'eeda ghoamu ghwahiing'u shishiyda? Heapi ang'iing'i, Ea NG'UTAMIIDA ea muwoosi ASEETEANYA? Aseasa geedukuseeyi aba gideaba ang'iing'i gisinayi haleanjeeni seaniini.

YEREMIYA 5:24

Nea jeesinga nyaawa ea mayeena, ‘Anung' eawala gheang'da NG'UTAMIIDA was ASEETEANYA, was dea goona roopta aba damandaanyi, roopta doomeelda ea dea meahooda, nea gwanyakneasa damanyoojiga lajita booga.’

YEREMIYA 51:16

Asi iinya daghataanyi gwasim geat beega aba humng'eeda, ak gwasin dung'usta siyeeng'na muudeanooda ng'eanyiida. Ak gwasin dadamandeeda roopta, nea ghwanung' ghwahidu jeameeda leabu ghoorajeega siitiiwiisa.

ESEKIELI 34:26

Gaydanung' goobiida murdeeda giijeedeanyu ghaydit ak ghaadawji ghawooda. Ak gaydanung' ghwanyas roopta aba damandaanyi ak gajea roopta mideawa ghawooda gil.

ESEKIELI 36:37

“Gwayi NG'UTAMIIDA was ASEETA, gaygamusan fuga Israeli danung' ghwasaang'ayiit saawa ea gwadeena hawanda gisilga.

HOSEYA 10:12

Histeaysiina geaw doobiiwnata, laja haghweega bariinyeega huumwa; aweawa madamnyeandaanyi lil, aba gideaba nihita damanda jea eegasa NG'UTAMIIDA, ak abeeda ghwahidu ak gwaroobassa badahuukeagwa lealeanooda.

HOSEYA 6:3

Anung' eanala, eesisiina uurda nalita NG'UTAMIIDA; hinoadaanyi gawuurji muchuunooda; gayghwahitaayda roopta doomeelda, gawuurji roopta girjeanda gida iissa gwaroobassa ng'eanyiida.”

AMOSI 4:7

“Ak ghabwada nih naadealaneegwa roopta hean nea gudughwashoada sheeh samwagu aba lajita booga; gaydanung' gwaroobassa roopta mujiineanagi, ak ghaanung' ea maroobasiina roopta mujiineeda niirja; ghwanyas hijagi roopta, nea heeda mwanyasa roopta ghaghajaamiit;

MIKA 5:7

Nea gheaptanga Yakobo gaygoobiida bugusta fuga saang'a gawuurji rahooda leabu heeda NG'UTAMIIDA, gawuurji shiishiiyda aba badayda nyeega, nea makghusa buuneeda ak ea mwoamu ukghuna orjooga buuneeda.

Yohaana 16:23

Eaweedida manda ng'asheanda jea oanyaashaan. Aba huumwa, aba huumwa, geayeeshiineegwa, gida wassean oomuschi Bwaabwa gaygagoneegwa aba gheawungeasu.

1 Goriinto 3:6

Aniini ghayi geahisti, ak ghwayiin Apolo beega, nea dea aruudu ea ASEETA.

GIIPKEATA DIIGHEANDA 28:23

Nea humng'eeda laabwaneey heeda diyeada gaygawuurji lagheanga duwas, nea ng'eanyiida laabwaneey ng'eanyi gaygawuurji gharinyeanda.

Yakkobo 5:7

Asi fuga eaduupcheewi, amilikghta ea ghwahita damanda jea ghwahina Ng'utamiida. Ang'ula, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huuydean.