SAKARIYA 1:4 - Bibliyeeda Ghaydit

⁴ Adoowuurjeewi ghweanigeagwa ghayi rukusa sibanga giijasteanyu nea gwayeesha, ‘Gwayi NG'UTAMIIDA bea lugweega, Anung'waada naweadingeagwa munyas, ea gadiyoojigeagwa munyas.’ Ak ea mayiing'shi nea mooleeysean iit gwarugu NG'UTAMIIDA.

SAKARIYA 1:4 Mawu Ofanana

2 DAMANYOOJIGA 30:6

Ng'ata gaweay fuga siicheakta jeeda ng'eanyiida sean bea Israeli ea Yuda nea gweata geadi barawajeega leabu heeda sugoocheanda ea fugaaschi hees, gawuurji gidarukuta sugoocheanda, nea gwayeesha, “Ea fuga Israeli, abiiksiina NG'UTAMIIDA, was ASEETA Abrahamu, ea Isaka, ea Israeli, ak gwadeepa gwayamseegwa geat agoogeeda oowooschi boosteanga ghayi oawaptaawi geatinga sugoodiga ng'eanyiida Ashuru.

2 DAMANYOOJIGA 30:7

Adiidu goowuurjeewi ghweanigeagwa ea buweadeegeagwa; ghayi mandeawana masaweega aba heeda NG'UTAMIIDA was ASEETA ghweaniga nyaawa, ak ghoadayda ghoah fuga nibur iheenga, gawuurji gidoong'uliidi.

2 DAMANYOOJIGA 34:21

“Aweayeena ak goopearsi NG'UTAMIIDA ng'asheegeasu ea gea fuga siipuut aba Israeli ea Yuda, aba ng'asheega gitaabooda sinyas; aba gideaba nyarasta NG'UTAMIIDA aahaw dea hidu badaydeanya, aba gideaba ghweanigaasa ghayi mwaang'waanya ng'asheega NG'UTAMIIDA, ak gwasin gawuurji gising'waarda aba jeedeaba gitaaboani.”

ESRA 9:7

Ghang'eada damanda ghayi bea ghweanigaasa ea ghwahidu damani geendeawi giidiinyeanda haw; aba badayda giidiinyeanyeekaasa ea sugoodigaasa, ea ashoohoodigaasa siyiineasa geatinda sugoodigeaba ng'eang'i; ak geabwareasa aba ng'uta, nea geahuuyi fuga ng'uta, nea geereadeasa haleanjeedeanya, nea geapwaaspwaseasa, gawuurji gideaba ghamneawa.

NEHEMIYA 9:16

“Nea saawa ea ghweanigaasa ghang'ut ghwarjeeda nea ghoahang'waay iheenga nyaawa ak ea masisiina mureeda diigheanyeekaaschi;

NEHEMIYA 9:26

“Ak ea miigwasineey mureeda nea ghaheawaneey ak gwajaksa deaweedeadaang'u mureeda badahuuka nyaawa, nea ghabwar sibangaagu, ghayi rukwiisa saawa ng'asheega gabiigu saawa headaang'u, ak geesin ng'asheega hees munyas.

NEHEMIYA 9:30

Nea nimilikghti gweanyeeka saang'a aba badaydeaba saawa, ak ea nireekusi saawa aba gurooroadaang'u aba naweeda sibangaagu; ak ea mooleeyseey iit. Ak aba nih ginung' goobissa saawa geatinda fuga eemoojiga suurja.

NYIIGHEEGA 78:8

ak abeeda ea mawuurji ghweaniga nyaawa, seaygeeda ng'ooweata biissa ea nisach geat, seaygeeda mandeawana bariinyeega aba gurooruunatka nyaawa, nea gurooruunatka nyaawa ea mii doobiiweadi aba heeda ASEETA.

ISAYA 31:6

Ea fuga Israeli, abiiksiina diita ghayi oaheawiin.

YEREMIYA 18:11

Ng'ata gwayi, fuga Yahudi ea gea abiita Yerusalemu: ‘Gwayi NG'UTAMIIDA, Ng'ula ghaang'waaniichi munyinda aba badahuukeagwa nea ghaadapchi munyinda aba badahuukeagwa. Daba siisi yamwa geaw naweadinga munyas, ak goobiikti ooweeshiida naweadingeagwa ea sinaweegeagwa.’

YEREMIYA 23:22

Inyeeda ghwanya ea nupka madeeda girgweageedeanyu, abeeda ghwanya gaygwarukwiisa fugeasu ng'asheegeasu, ak abeeda gaygwasachna jeeda naweadinga nyaawa munyas, ea jeeda sinaweega nyaawa munyas.

YEREMIYA 25:8

“Ng'ata gwayi NG'UTAMIIDA bea lugweega: “Aba gideaba mii asisiina mureeda ng'asheegeasu,

YEREMIYA 26:5

ghana iimoosissiini mureeda ng'asheega fugeasu bea gadiyeeda was sibaneeda eajeaku heedeang'wa galeagasean, earapeadi mooduupi,

YEREMIYA 3:12

Asi una, ak girukuti ng'asheesu nea gigali wiilooda ng'eanyiida ghayeawa nea giyeeshi ‘Biikni, Israeleeda mandeawana masaweega, gwarugu NG'UTAMIIDA. Maydang'uleeweey nyarasta, aba gideaba aniini geawooschi inya jih, gwarugu NG'UTAMIIDA, maydanyareas damanda manda muudeanooda.

YEREMIYA 3:14

Abiikni, Ea diibiga mandeawana mureeda, gwarugu NG'UTAMIIDA; aba gideaba aniini geawooschi siidaang'u haw; gaydageandaneey, siyagi aba giliwas mujiini ea fih iyeenya aba giliwas ghoah, ak gaydeaneegwa ea ahiini Sayuni.

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

YEREMIYA 4:1

Gwayi NG'UTAMIIDA, “Inyas gajabiikni, Ea Israeli gajabiikni heedeanyu. Inyas gajageanda munyindeang'wa aba madeedeanyu, abeeda ea majeanyasnyi.

YEREMIYA 44:16

“Ng'asheandida ghayi irugu aba gheawunga NG'UTAMIIDEAN, majeeleeyseey iit.

ESEKIELI 14:6

“Aba badaydeaba nih eeshiina fuga Israeli, gwayi NG'UTAMIIDA was ASEETA; Aduukuunana, ak ghoanung'waadi badita sanaamajeegeagwa. Anung'waada sinooda gichea ghoanyareasan.

ESEKIELI 20:18

“Hean geayeeshi diibiga nyaawa aba dareapcheeda, ‘Adoayaachi geeshta deaweedajeega ghweanigeagwa nea adoang'waanyi hamurajeega nyaawa, nea adoang'udi geat ririnnyeanda sanaamajeega nyaawa.

ESEKIELI 33:11

Eeshiina aba gideabideati, gwarugu NG'UTAMIIDA was ASEETA, meahoosani aba miyeeda siida muy, geagasayi gideaba siida muy ghoabuut naweadingaaschi munyas, ak ghwanyas giibinda. Aduukuunana, aduukuunana, ak ghoanung'waadi naweadingeagwa munyas, ghwasaan anda googasayi ameewa, Ea fuga Israeli.

ESEKIELI 33:4

Asi giliwas sih iiyiiy ghuuta durumbeati, ak ea maduupa gil, asi iihidu ng'ucheeda ak geabwar, abeeda foojeandaanyi gaygwanda badaydaanyi nea gaba geaw.

DANIELI 9:6

ak ea meeleeysiini iit fugaagu bea gadiyeeda was sibanga, rukwiisa sugoodigaasa, ea fuga hees jea ghoah sugoodiga ea ghweanigaasa gheawungaagu, ea aba heeda fuga sean bea jeeda ng'eanyiida.

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

AMOSI 5:24

Ak ginung'waadi doobiiwnata ghwararang'aanda beega, nea gawuurji alooheeda gheang'deenda mwaghajamiida.

MIKA 2:6

“Adoorukwiidi ng'asheega”–saawa gwarukwiida– “manda siida jea gwarukwiida ng'asheesu; ak ea mwahineasa baspaseega.”

SAKARIYA 1:3

Asi rukusiina saawa, gideaba gwayi NG'UTAMIIDA bea lugweega: Abiikni heedeanyu, aba girugu NG'UTAMIIDA bea lugweega, ak gaydabiigu heedeang'wa, gwarugu NG'UTAMIIDA bea lugweega.

SAKARIYA 7:7

Heapi! Suh mii ng'asheega rugu NG'UTAMIIDA aba ghuuta sibangeaba garayi damanda ghayi abiideewa Yerusalemu buuneeda nea ghwanyagaada nea abeeda geeneaweesa mujiinajeagaaschi, nea abeeda ng'eanyiida Negebu ea Shefela goobiida buuneeda?”

Gadiyeeda Giijasoodiga 26:20

ak aba madeeda ghaang'eachi rukwiideayda ng'asheega ASEETA aba ng'eanyiida Dameski, ea Yerusalemu ea ng'eanyiisean bea Yahudi, ea heeda fuga Eemoojiga, gideaba gwaduukuuna ak gwayamsa geat ASEETA ak ghoahiimu aba gadiyoojiga nyaawa gideaba niduukuuna.

Gadiyeeda Giijasoodiga 3:19

Asi aduukuunana, ak goobiikti ayamni geat, ak abeeda geegeanda riing'eegeagwa, ak abeeda ghwahidu damanda hawdeayda jea gwaleabu heeda Ng'utamiida,

1 Betro 1:18

Agooga ghoanali gideaba leendeedeang'wa meawalda aba haleanjeeda ghayi oohearanyi aba ghweanigeagwa, nea mii aba haleanjeeda jea ghwadatasa gil uurji lapiya ghana dahaabu,