SAKARIYA 1:3 - Bibliyeeda Ghaydit

³ Asi rukusiina saawa, gideaba gwayi NG'UTAMIIDA bea lugweega: Abiikni heedeanyu, aba girugu NG'UTAMIIDA bea lugweega, ak gaydabiigu heedeang'wa, gwarugu NG'UTAMIIDA bea lugweega.

SAKARIYA 1:3 Mawu Ofanana

2 DAMANYOOJIGA 15:2

ng'ata gawa jarooda gwaroonyi Asa, ak gwayeesha, “Aleeysean iita, ea Asa, sea fuga sean bea Yuda ea Benjamini. NG'UTAMIIDA gwandeayi sea agooga, nea eara agooga goondeayi sea niny. Nea iyoogaseadi niny, gajanyasa, ama inyas gajajakta niny, abeeda eara niny gaygwajaktaneegwa.

2 DAMANYOOJIGA 15:4

hean nea gwanda jeeda hang'weanidooda gwayamsa geat NG'UTAMIIDA, was ASEETA fuga Israeli, aba ng'ata gagaseada niny, ak hean ghwanyas saawa.

NEHEMIYA 9:28

Iidu nea niihiit fuufta, gwasin ng'asheega munyas gicha aba madeadaang'u, hean ginung'waadi saawa goobiida geatinda weajoodiga nyaawa, amang'ata goombal saawa ak iidu nea gabiigu ak gooyeawuseey hean giileeysiit aba humng'eeda ak giweadi saawa nyaamoana aba baydeaydaang'u.

AYUBU 22:23

Ak iibiiksi ASEETA hoauur nea giyaadi geaw ng'eanyi, ak googeandi ng'asheega mwadoabiiwa gwasheagiida maheemajeegeagwa,

ISAYA 31:6

Ea fuga Israeli, abiiksiina diita ghayi oaheawiin.

ISAYA 44:22

Neabuuschi giidiinyeanyeekaagu ea gawuurji shamooghooda, eara riing'eagaagu ea gawuurji dung'usta; biikni heedeanyu, aba gideaba nealealneey.

YEREMIYA 12:15

Iinearuuteawi saawa jeedida, abeeda gaydabwayda ak gaygaba nih eadeelsi headaanyi bea hearaniischooda ea ng'eanyiidaanyi.

YEREMIYA 25:5

nea gwayeena, ‘Daba siisi yamna geaw aba jeeda naweadingaaschi munyas ea sinaweagaaschi munyas, ak abeeda gajanyas giibinda jeeda ng'eanyiida ghayi nigooneegwa NG'UTAMIIDA, agooga sea ghweanigeagwa aba garayi ak gayghoah deang'wa ghang'eada garayi ea ghoah damanda manda muudeanooda;

YEREMIYA 3:1

“Inyas gang'ada gatmooda sea siyeadaanyi, ak ghang'amwa headaanyi, ak ghoah gatmoomba sih nuut, abeeda gayghoamu gabiiksa gatmoadaanyi? abeeda ng'eanyiita majeang'uda ririnnyeanda muuchi? gwayi NG'UTAMIIDA Ang'iing'i niyaagi hiseadayeanduumeeda sea ng'wasanga saang'a; abeeda ghamneawa gaygudu biikni heedeanyu?

YEREMIYA 3:22

“Abiikni, Ea orjooga manda mureeda, gaydageandeawaneegwa nyoota bea mureeda.” “Ng'ula, aseasa geapkaanyi headaang'u; aba gideaba ang'iing'i guwoosi NG'UTAMIIDA was ASEETEANYA.

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

YEREMIYA 4:1

Gwayi NG'UTAMIIDA, “Inyas gajabiikni, Ea Israeli gajabiikni heedeanyu. Inyas gajageanda munyindeang'wa aba madeedeanyu, abeeda ea majeanyasnyi.

ESEKIELI 18:19

“Nea agooga gooyeenyi, ‘Ghwasaan anda orjeeda gayghwasar munyinda ghwaan?’ Nea orjeedida iisin gea hit nea doabiiwaat nea ghoang'waay deaweedajeegeasu sean ak gwasin, abeeda gayghwanyas eaweega.

ESEKIELI 18:31

Ahisana hoowa sheagiin giidiinyeanyeekeagwa sean ghayi oosinyi ak ghoanyaschi jeeda miy ea guroorooda miy, ghwasaan anda googasayi ameawa Ea fuga Israeli?

ESEKIELI 18:32

Aba gideaba aniini mii dahoosan aba miyeeda siida was sean, gwarugu NG'UTAMIIDA was ASEETA, asi abiikni ak gajanyasa eaweega.”

ESEKIELI 33:11

Eeshiina aba gideabideati, gwarugu NG'UTAMIIDA was ASEETA, meahoosani aba miyeeda siida muy, geagasayi gideaba siida muy ghoabuut naweadingaaschi munyas, ak ghwanyas giibinda. Aduukuunana, aduukuunana, ak ghoanung'waadi naweadingeagwa munyas, ghwasaan anda googasayi ameewa, Ea fuga Israeli.

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

HOSEYA 14:4

Ak gaydaahaap nyoota nyaawa bea masaweega; ak gaydabwariiy saawa mwadaagha, aba gideaba nyarasteanyu ning'amwa heanyaawa.

HOSEYA 6:1

“Apkaani, eebiiksiina NG'UTAMIIDA; niny nibwareasa, ak gay ghoahaabeasa; niny nisawaneasa, ak gayghwarat deaneaduutkaasa.

YOELI 2:12

“Ak eara ghamneawa,” gwayi NG'UTAMIIDA, “abiiksean aba gurooruunatkeagwa sean, aba giiluuldeaydeaba geat, aba shooka, nea googutu heareega;

MALAKI 3:7

Gidang'eada damanda ghweanigeagwa noayami geat diigheanyeekeasu ak ea moang'waanyi. Ayamsean geat, ak gaydayamseegwa geaw, gwarugu NG'UTAMIIDA bea lugweega. Ak gooyeenyi agooga, ‘Gajeebiiktaaydan?’