RITEAYDA 8:8 - Bibliyeeda Ghaydit

⁸ Ng'ata gaguursa Farao Musa ea Haruni ak gwayeesha, “Amusa NG'UTAMIIDA gageanda udagheambagajeamajeega aba heedeanyu ea heeda fugeasu, ak abeeda gaydasiksa buuneeda gaweay ghoadaw NG'UTAMIIDA lukghumeeda.”

RITEAYDA 8:8 Mawu Ofanana

1 SUGOODIGA 13:6

Gwayeesha sugoocheanda siida ASEETA, “Mwaasha NG'UTAMIIDA was ASEATAANG'U, ak gimusiischooweani, gabiikseani geatindeanyu.” Hean ghamwaash siida ASEETA NG'UTAMIIDA; ak gabiiksa heedida geatinda sugoocheanda, ak gawuurji gida ghayi bea mwadi.

NYIIGHEEGA 66:3

Ayeeshiina ASEETA, “Gadiyoojigaagu ea deamdeameatiidaan! Aba giteena hawunda uurdaang'u gayghapka weajoodigaagu ak ghwaat geat ng'eanyi aba madeadaang'u.

RITEAYDA 10:16

Hean ghwalamwach gaguursa Farao Musa ea Haruni ak gwayeesha, “Neasissi riing'eeda NG'UTAMIIDA was ASEETEANG'WA ea agooga,

RITEAYDA 10:17

Eaniyean asamsiina riing'eedeanyu, geamuscheegwa eaghus nih asagiin amusa NG'UTAMIIDA was ASEETEANG'WA gageandeawanean miyeeni.”

RITEAYDA 10:18

Ng'ata ghabeawa Musa heeda Farao, ak gamus NG'UTAMIIDA.

RITEAYDA 14:5

Iidu nea geerukusa Sugoocheanda Misri gideaba buuneeda niwapiida, hean ghwayamwa fughareeda Farao ea dea fugaaschi bea gadiyeeda aba badayda buuneeda, ak geeyi, “Nih geesinyi naaha, aba siksiinda fuga Israeli ea magadiyeeseasa?”

RITEAYDA 32:11

Hean gamearmearani Musa NG'UTAMIIDA was ASEATAANYI nea gwayeesha, “Ea NG'UTAMIIDA, ghwasaan anda nyarastaang'u ghwayeat aba badayda fugaagu, ghayi iiruuni ng'eanyiida Misri aba giimuustaang'u haw ea geatinda mideawa uurda?

RITEAYDA 5:2

Ghwalamda Farao ak gwayeesha, “NG'UTAMIIDA ng'eaha, jea dayiiy ghuutaanyi ea dasiksa fuga Israeli gaweay? Aniini NG'UTAMIIDA mwaanali, ak ea maydasiksa fuga Israeli gaweay.”

RITEAYDA 8:15

Daah Farao gideaba ning'wana, ghoahang'waay gurooroadaanyi, ak ea mooleeysiiniit saawa, gawuurji gidanyaashta NG'UTAMIIDA.

RITEAYDA 8:29

Ghwalamda Musa ak gwayeesha, “Ng'ula, gaydarita jarooda dang'amwa headaang'u ak gaydamwaash NG'UTAMIIDA ghang'amwa heeda Farao ghasheang'ang'su, ea heeda fugaaschi bea gadiyeeda, ea heeda fugaaschi numuji; ak abeeda ea mareengana Farao buuneeda gicha ak ea masiksiina gaweay gwasissa NG'UTAMIIDA lukghumeeda.”

RITEAYDA 8:32

Gabiikta gicha Farao ghoahang'waay gurooroadaanyi aba damani, ak ea masiksiina buuneeda gaweay.

RITEAYDA 8:9

Ghwalamda Musa ak gwayeesha Farao, “Aghaambiida geaw aba badaydeanyu ak gaydamus ASEETA aba badahuukeagwa, ea fugaagu bea gadiyeeda ea aba badayda buuneadaang'u, goosha udagheambagajeamajeesu aba headaang'u, ea aba gealgaagu ak gabeachi jeeda Nayli.”

RITEAYDA 9:27

Hean goojeakta Farao buuneeda eeguursa Musa ea Haruni, ak gwayeesha, “Asi ghamneawa aniini geabeayi riing'a; NG'UTAMIIDA ea doabiiwaat, nea aniini ea fugeasu geendi jeeda giidiinyeanda.

RITEAYDA 9:28

Amusa NG'UTAMIIDA aba gideaba nideay giighweendandeeni ea roobi bea lagheangean, gaydasikseegwa aweayeena, majagudoopiidana hiji.”

RITEAYDA 9:33

Hean gwariteawa Musa gheeh Farao ak gawa Mujiini ak ghamiinda geatingaaschi googeal heeda NG'UTAMIIDA, ak ghwasiinda gighweendandeeda ea rooptida bea lagheangean, ak ea mutghwaroabwan aba badayda ng'eanyiida.

IITOODA 21:7

Ak gaweay buuneeda heeda Musa, ak gwayeesha, “Sisinyi riing'eeda aba gideaba geeniiksi ASEETA ea ang'iing'i; musiischoaweasa aba heeda NG'UTAMIIDA, gageandeawaneasa ichipkeesu.” Hean gamusiischeesa Musa buuneeda.

Gadiyeeda Giijasoodiga 8:24

Ghwalamda Simon ak gwayeesha, “Eaniyean amwaasha ASEETA aba badaydeanyu aba heeda Ng'utamiida, ak ea adaghwanyasan gida wassean aba jeedeaba ng'asheesu ooruguun.”

1 SAMWELI 12:19

Hean gwayeesha buuneesean Samweli, “Mwaasha ASEETA aba badahuuka fugaagu bea gadiyeeda aba heeda NG'UTAMIIDA was ASEETEANG'WA, gideaba adiidu geemeewayi; aba gideaba siihaachi aba riing'eegaasa sean ng'asheanji muyiin, ak geegasayi aseasa sugoocheanda.”