RITEAYDA 7:4 - Bibliyeeda Ghaydit

⁴ ak Farao ea maygooleeyseegwa iit, ak gaydayiin geatindeanyu badayda Misri ak gearuudu lugoodeanyu, nea gearuuni fugeasu was fuga Israeli jeeda ng'eanyiida Misri aba girgweaksiinda haw.

RITEAYDA 7:4 Mawu Ofanana

RITEAYDA 10:1

Ghwalamda NG'UTAMIIDA ak gwayeesha Musa, “Una gheeh Farao aba gideaba naahang'waanyi gurooroadaanyi ea gurooruunatka fugaaschi bea gadiyeeda, ak gaydaahiimda gwadeagwajeesu ikeasuun aba bugusta nyaawa,

RITEAYDA 11:9

Hean ghwalamda NG'UTAMIIDA ak gwayeesha Musa, “Farao maygooleeyseey iit aba gideaba gayghaghayda ng'asheegeasu deamdeameadi aba ng'eanyiida Misri.”

RITEAYDA 12:51

Ak eaweedida gooruudu NG'UTAMIIDA fuga Israeli aba ng'eanyiida Misri sea lugoanyaawa.

RITEAYDA 13:3

Ghwalamda Musa ak gwayeesha buuneeda, “Oapkaada eaweeda ghayi ooriteawi aba ng'eanyiida Misri aba gheeda soomjeandumeeda, gooruunaneegwa NG'UTAMIIDA hoowa aba uurdaanyi haw, ak ea adoayaaji mukaateeyda simwatawiit.

RITEAYDA 13:9

Ak gayghoah gwadeagooda aba geatindaang'u, nea ghoah giipkeata aba gheanyangaagu, nea gwanda ghuutaang'u deaweedeeda NG'UTAMIIDA aba gideaba gooruunaneey NG'UTAMIIDA ng'eanyiida Misri aba geatinda mideawa uurda.

RITEAYDA 18:8

Hean gwarukusa Musa ghweanda gatmoadaanyi ng'asheega sean sissa NG'UTAMIIDA Farao ea fuga Misri aba badayda fuga Israeli, ea ng'asheega hang'oonyi sean nyas aba naweeda, ea gidaweata NG'UTAMIIDA saawa.

RITEAYDA 3:19

Ghaanali gideaba sugoocheanda Misri maygwasikseegwa aweayeena, geaghus aba geatinda hoauur.

RITEAYDA 3:20

Ak gaydamiinda geatindeanyu dalas ng'eanyiida Misri aba ng'asheega deamdeameadi sean jea dasisa, ng'ata abeeda gagwasikseegwa aweayeena.

RITEAYDA 6:1

Ghwalamda NG'UTAMIIDA ak gwayeesha Musa, “Asi ghamneawa gaydaaha gichea dahinda Farao, aba geatinda mideawa uurda gaygooruuta saawa jarooda, ak aba geatinda mideawa uurda gayghahoana saawa ng'eanyiidaanyi.”

RITEAYDA 6:26

Nih Haruni gil ea Musa ghayi eesha NG'UTAMIIDA, “Ooruunana fuga Israeli ng'eanyiida Misri sea fuga nyaawa.”

RITEAYDA 6:6

Eeshiina fuga Israeli, ‘Aniini geawooschi NG'UTAMIIDA, ak gaydearuuteawaneegwa jeeda sareeni bea fuga Misriin, ak gaydearuuteawaneey jeedeaba gadiyeeni hang'waay iisini bea fuga Misrihiin, ak gaydalealneegwa aba jeeda soomjeandumeeda nyaawa, ak gaydalealneegwa aba geatinda doabiiwaat ea biissa girgweaksinda haw,

RITEAYDA 7:13

Hean ghoahang'waay Farao gurooroadaanyi, ak ea mooleeysiiniit saawa, gawuurji gidanyaashta NG'UTAMIIDA.

RITEAYDA 7:16

Ak giyeeshi niny, ‘Goojeaknean NG'UTAMIIDA was ASEETA bea fuga Ebraniya headaang'u nea gwayi, “Siksiina fugeasu gaweay, ghaghadoawan aba jeeda dareapcheeda, ak eara ghamneawa ea mii mwasa.”

RITEAYDA 8:15

Daah Farao gideaba ning'wana, ghoahang'waay gurooroadaanyi, ak ea mooleeysiiniit saawa, gawuurji gidanyaashta NG'UTAMIIDA.

RITEAYDA 8:19

Ghwalamda meanga ak gwayeesha Farao, “Nih geatinda ASEETA, ghoahiimu uurdaanyi.” Ak geahang'waay guroorooda Farao, ak ea mooleeysiiniit saawa, gawuurji gidanyaashta NG'UTAMIIDA.

RITEAYDA 9:12

Hean ghoahang'waay NG'UTAMIIDA guroorooda Farao ak ea mooleeysiiniit saawa, gawuurji gidarukusiinda NG'UTAMIIDA Musa.

RITEAYDA 9:3

ng'ula, geatinda NG'UTAMIIDA gaygoobisa badayda haleanjeadaang'u aba dawneeda haw, ak ghoang'waay haleanjeeda mida madamnyeanda, ea faraasajeega, ea digeeniga, ea ngamiyajeega, ea dugwa, ea hawanda nooga.

GHWASIILDEANGA 19:29

Ghoorjooda geesin aba heeda fuga machiida buuneeda, ak eara bayiiga ea nihit aba badahuuka fuga dasheahi.

ISAYA 26:9

Gagaseey gurooroodeanyu eawa, ak geagaseey aba gurooroodeanyu. Inyeessa giirgweaksi ng'eanyiida, abeeda gayghwanal fuga sean bea ng'eanyiida doobiiwnata.

HEAREEGA 3:3

aba huumwa ghwayam geatindaanyi aba badaydeanyu gicha gicha askwearda sean.

ESEKIELI 14:21

“Aba gideaba gwayi NG'UTAMIIDA was ASEETA, gaydalas Yerusalemu aba bayi ang'wan bea girgweaksiinda ng'waan aba ng'ucheeda, ea jalooda, ea diyeanga ng'weani, ea geeyooda dawni, ak gaydanung' goosha buuneeda aba diyeanga.

ESEKIELI 25:11

Ak gaydeargweaksa Moabu, ak gayghwanal gideaba aniini geawooschi NG'UTAMIIDA.

ESEKIELI 30:14

Ak gaydanung' ghoah ng'eanyiida Batirosi raghoonyeanda, ak gaydajaksa beasta jeeda Soani, nea geargweaksi ng'eanyiida Debesi.

ESEKIELI 30:19

Ak nih ea gichea deargweaksiinda Misri gil. Ak saawa gayghwanal gideaba aniini geawooschi NG'UTAMIIDA.”

Giidaheechta 15:4

Ng'eaha gil dea moawalnyi ak ghoaghaambiit gheawungaagu, Ea Ng'utamiida? Aba gideaba ang'iing'i guwoosi ghaydit nea gibwaageaw. Aba gideaba gayghapka eemoojiga sean ak ghaghadoawanyi, aba gideaba girgweageadaang'u siitaajiit.”

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”

Giidaheechta 19:2

aba gideaba girgweageadaanyi dea huumwa gil nea doabiiwaat; aba gideaba niirgweaksa hiseadaydida hawiin ghayi datas ng'eanyiida aba hiseadayeanduumeadaanyiin, ak ea niwalda aba badaydaanyi foojeanda soomjoagaaschi.”

FUGA LAJA GIRGWEAGUUTKA 2:15

Iinyo gaweay, inyeesa geatinda NG'UTAMIIDA gwanda badayda nyaawa aba munyinda, gawuurji gidaghayi rukuteayda NG'UTAMIIDA, ea gidaghayi aksiinda saawa NG'UTAMIIDA habeawooda; hean ng'ata ghang'eat giiseaneega.