RITEAYDA 7:16 - Bibliyeeda Ghaydit

¹⁶ Ak giyeeshi niny, ‘Goojeaknean NG'UTAMIIDA was ASEETA bea fuga Ebraniya headaang'u nea gwayi, “Siksiina fugeasu gaweay, ghaghadoawan aba jeeda dareapcheeda, ak eara ghamneawa ea mii mwasa.”

RITEAYDA 7:16 Mawu Ofanana

RITEAYDA 10:3

Hean gawa Musa ea Haruni gheeh Farao, ak gwayeesha, “Gwayi NG'UTAMIIDA was ASEETA fuga Ebraniya, ‘Gayheewacheena ea ghoah eeju, ak ea miyaadi geaw ng'eanyi aba madeedeanyu? Siksiina fugeasu gaweay gagadiyeesean.

RITEAYDA 13:15

Damandideani heaweewa Farao gwasikseasa eeweayeena ak ghabwar NG'UTAMIIDA duweachajeega sean bea ng'eanyiida Misri, duweacheeda siida ea dea dugwa. Ak ghoah gideabaysiini daadaw NG'UTAMIIDA duweachajeega sean bea heewga sighus duweachajeega sean bea orjoogeasu gaydeatin.’

RITEAYDA 14:5

Iidu nea geerukusa Sugoocheanda Misri gideaba buuneeda niwapiida, hean ghwayamwa fughareeda Farao ea dea fugaaschi bea gadiyeeda aba badayda buuneeda, ak geeyi, “Nih geesinyi naaha, aba siksiinda fuga Israeli ea magadiyeeseasa?”

RITEAYDA 3:12

Ghwalamda ak gwayeesha, “Manda gajeendeayeena sea ang'iing'i ak nih gajea gwadeagooda gil aba headaang'u, gideaba geajeaktaneey: iiruudu buuneeda aba ng'eanyiida Misri, abeeda gajabata ASEETA aba uhuudeaba giijeeni.”

RITEAYDA 3:13

Ghwalamda Musa ak gwayeesha ASEETA, “Iyaahiiti heeda fuga Israeli ak geayeeshi saawa, ‘Goojeaknean ASEETA ghweanigeagwa heedeang'wa,’ ak ghoanyaashan, ‘Gheawungaaschi ng'eaha?’ Abeeda gaydayeeshaan saawa?”

RITEAYDA 3:18

Ak saawa gayghwayiiy ghuutaang'u, ak gajadeayeewana gweargwa Israeli iyooweayi heeda sugoocheanda Misri ak giyeeshi niny, ‘Siroonyeewi NG'UTAMIIDA was ASEETA fuga Ebraniya, ak ghamneawa geemuscheey eeweaya eawooji samwagu jeeda dareapcheeda eatayda lukghumeeda aba heeda NG'UTAMIIDEANYA was ASEETA.’

RITEAYDA 4:22

Ak giyeeshi Farao, ‘Gwayi NG'UTAMIIDA Israeli orjeedeanyu was duweacheeda gil.

RITEAYDA 4:23

Ak geayeeshiineey, “Siksiina orjeedeanyu gawa gagadiyeesean.” Ak inyas giheawi siksiina niny gawa, ng'ula, abeeda gaydabwar orjeedang'u was duweacheeda.’”

RITEAYDA 7:4

ak Farao ea maygooleeyseegwa iit, ak gaydayiin geatindeanyu badayda Misri ak gearuudu lugoodeanyu, nea gearuuni fugeasu was fuga Israeli jeeda ng'eanyiida Misri aba girgweaksiinda haw.

RITEAYDA 8:1

Hean ghwalamda NG'UTAMIIDA ak gwayeesha Musa, “Una gheeh Farao ak giyeeshi niny, ‘Gwayi NG'UTAMIIDA, “Siksiina fugeasu gaweay gagadiyeesean.

RITEAYDA 8:20

Hean ghwalamda NG'UTAMIIDA ak gwayeesha Musa, “Ng'eada nea gudea sakteayda duw gil ak giimuughu Farao, damanda beawa eenda, ak giyeeshi niny, Gwayi NG'UTAMIIDA, ‘Siksiina fugeasu gaweay gagadiyeesean.

RITEAYDA 9:1

Hean ghwalamda NG'UTAMIIDA ak gwayeesha Musa, “Una heeda Farao ak giyeeshi niny, ‘Gwayi NG'UTAMIIDA, was ASEETA Ebraniya, “Siksiina fugeasu gaweay gagadiyeesean.

RITEAYDA 9:13

Ghwalamda NG'UTAMIIDA ak gwayeesha Musa, “Ng'eada nea gudea sakteayda duw gil ak gimiinaadi aba madeeda Farao ak giyeeshi niny, ‘Gwayi NG'UTAMIIDA was ASEETA fuga Ebraniya, “Siksiina fugeasu gaweay gagadiyeesean.

ISAYA 45:13

Ghaamiindi niny aba doobiiwnata, ak gaydaadoabiiw naweadingaaschi sean; ak gayghwadeas mujiineedeanyu was Yerusalemu, nea ghoadaw giibaldeaba geat fugeasu ghayi siipaleak, nea mii gideaba gajeataw lapiya ghana haleanjeeda guskuseega,” gwarugu NG'UTAMIIDA bea lugweega.

YEREMIYA 50:33

“Asi gwayi NG'UTAMIIDA bea lugweega: Fuga Israeli sisawan, sea fuga Yuda sisawanuudayi sea saawa; nea fuga ghayi ang'waay saawa ea niing'waay muuchi, ak ghaheawa gwasiksa gaweay.