RITEAYDA 6:4 - Bibliyeeda Ghaydit

⁴ Ak gaydasin neajeedeanyu sea saawa, ak gaydaadaw saawa ng'eanyiida Ganaani, ng'eanyiida abiida saawa nea gawuurji rabasta.

RITEAYDA 6:4 Mawu Ofanana

GIING'EETA 12:7

Hean gabussa NG'UTAMIIDA Abramu ak gwayeesha, “Ng'eanyiini gaydagoonyi ea jeacheangaagu.” Ng'ata gwasissa NG'UTAMIIDA heeda wagiida aba hoowa, nea dea busiinyi sea niny.

GIING'EETA 15:13

Ng'ata gwayeesha NG'UTAMIIDA Abramu, “Nala aba huumwa gideaba jeataang'u gayghoah rabasta aba ng'eanyiida mii daanyaawa; ak gayghoah soomjooga aba ng'eanyiita, ak gajeesawan gweanyeew bughalaji ang'wan;

GIING'EETA 15:18

Aba eaweedida gwasin NG'UTAMIIDA neajeeda sea Abramu nea gwayi, “Ng'eanyiini gaydaadaw jeacheangaagu, ghang'eada eenda Misri ea ghwahita eenda haw, was eenda Furati,

GIING'EETA 17:13

ea dea sijiilsa jeedeaba gheang'u ea dea ishaahi lapiyeadaang'u, gajaada ghasmeahooda eeyiil. Ak abeeda neajeedeanyu aba headaang'u ea maygwanda muudeanooda.

GIING'EETA 17:4

“Ng'ula, neajeedeanyu eagoonyeey ang'iing'i, gayhuuwa ghweanda eemoojiga saang'a.

GIING'EETA 23:4

“Aniini geawooschi rabascheanda mida jeedeang'wa; agoonean ng'eanyiini aashaayi, jea dabung'sa gatmoodeanyu.”

GIING'EETA 26:3

Abiidana ng'eang'i, ak gajeendeayeena sea ang'iing'i, ak gaydagoonyi ghawooda; aba gideaba gaydagoonyi darooraksu ang'iing'i ea jeacheangaagu, ak gaydanung' gwasa habeawoodeanyu ghayi eayeaksi ghweandaang'u was Abrahamu.

GIING'EETA 26:4

Gaydanung' ghwasaang'ayiit jeacheangaagu ea gwadeena miinga humng'eeda, ak gaydaadaw jeacheangaagu darooraksu seaniin; nea aba jeacheangaagu gaydaadaw ghawooda eemoojiga sean bea muunda ng'eanyiida:

GIING'EETA 28:13

Asi ng'ula, NG'UTAMIIDA ghamiinaada aba uhuuda ak gwayeesha, “Aniini geawooschi NG'UTAMIIDA, ASEETA Abrahamu was gweanu ea ASEETA Isaka; ng'eanyiini iwiiligeawiin gaydagoonyi ang'iing'i ea jeacheangaagu;

GIING'EETA 28:4

Gagasa ASEETA ghayi adaw Abrahamu ghawooda gagoonyi sea jeacheangaagu ghawooda, ak googeandi ng'eanyiida oondi ghayi adaw ASEETA Abrahamu!”

GIING'EETA 6:18

Ak gaydasin neajeeda sea ang'iing'i; ak gajuna jeeda maleambooda, ang'iing'i ea orjoagaagu, ea gatmoadaang'u, ea gadeemga orjoagaagu.

2 SAMWELI 23:5

Ak nih ea mii giduurji gheenyu aba madeeda ASEETA? Aba gideaba nisinuudayeewean neajeeda manda muudeanooda, ak gwandeawa deascheeda aba haleanjeeda sean nea ghwahit. Aba gideaba nih lealeanoodeanyu sean eagasayi?

NYIIGHEEGA 105:11

nea gwayeesha, “Ang'iing'i gaydagoonyi ng'eanyiida Ganaani ghoah heedeang'wa jea ahearana.”

NYIIGHEEGA 105:12

Nea damanda duu ea ng'ayeewa mooneeda nyaawa, fuga ng'ay, mida jeenyaawa rabasta,

RITEAYDA 13:4

Agooga gooriti nea geeng'usha sheeda, bea damanda heasa boogean.

RITEAYDA 13:5

Inyas gweaneegwa NG'UTAMIIDA ea ghoahiineegwa ng'eanyiida fuga Ganaani, ea fuga Hiti, ea Amori, ea fuga Hafiti, ea Yebusi, ghayi heeleesa sea ghweanigeagwa gideaba gaygagoneegwa, ng'eanyiida nyiit eanooga ea maleeda, asi gilakweay gagasa oopkeata sheeni ghayi ooriniin.

RITEAYDA 6:8

Ak gaydeaneegwa ea daahiineegwa ng'eanyiida ghayi eayeaksi habeawooda gideaba gaydaadaw Abrahamu, ea Isaka, ea Yakobo, gaydagooneegwa ahearana. Aniini geawooschi NG'UTAMIIDA.’”

ISAYA 55:3

Oaleaydiit ak ghoapkaanyi heedeanyu; ayiinya, ak gajanyasa giibinda; ak gaydasin neajeeda manda muudeanooda sea agooga, asaha ea baydeayda majeek bea Dawdi.

IITOODA 10:29

Ng'ata ghwalamda Musa ak gwayeesha Hobabu, orjeeda Reueli was siida Midiyani, agweaji Musa, “Aseasa geeweayi ng'eanyiida ayi NG'UTAMIIDA, ‘gaydagooneegwa’; beeni eeteayeena ak gajeesineey ng'asheega miyaas; aba gideaba gwayi NG'UTAMIIDA gaydaadaw Israeli ng'asheega miyaas.”

Gadiyeeda Giijasoodiga 7:5

ak ea moadawa hearaniischooda aba ng'eanyiita, eara hiji ayang'da baneakta geeshta, ak gwaheeleesa gideaba gayghoadaw niny ak ghoah daanyi sea diibigaaschi jea gweadu geeshteaba niny, earapeadi mandeawana baleanda.