RITEAYDA 6:2 - Bibliyeeda Ghaydit

² Ak gwayeesha ASEETA Musa, “Aniini geawooschi NG'UTAMIIDA,

RITEAYDA 6:2 Mawu Ofanana

GIING'EETA 15:7

Ak gwayeesha NG'UTAMIIDA Abramu, “Aniini geawooschi NG'UTAMIIDA ghayi eananeey ng'eanyiida Uru mida ng'eanyiida Galdayo, ak geagoonyeey ng'eanyiini ambala.”

RITEAYDA 12:12

Aba gideaba gaydasik bugusta ng'eanyiida Misri eaweedida, ak gaydabwar duweachajeega sean bea ng'eanyiida Misri, bea siida ea diyeanga, ak geargweaksi aseecheeka sean bea Misri aniini geawooschi NG'UTAMIIDA.

RITEAYDA 14:18

Ak gayghwanal fuga Misri gideaba aniini geawooschi NG'UTAMIIDA, iyaanyaschi giigheambiita aba heeda Farao, ea aba heeda mutukwajeagaaschi, ea aba heeda fuga faraasajeega.”

RITEAYDA 15:3

NG'UTAMIIDA siida ng'ucheeda, NG'UTAMIIDA gheawungaaschi.

RITEAYDA 17:1

Hean ghang'eada eemeesean bea Israeli dareapcheeda Sini aba bareanyeeka nyaawa, gawuurji gidaghayi rukusiinda NG'UTAMIIDA, ak gawus aba Refidimu, ak ea manda beega jea ghwali buuneeda aba hoowa.

RITEAYDA 20:2

“Aniini geawooschi NG'UTAMIIDA was ASEATAANG'U, ghayi aruunaneey ng'eanyiida Misri, aba gheeda soomjeandumeeda.

RITEAYDA 3:14

Gwayeesha ASEETA Musa, “ANIINI GEANDI WAS DIITA BEAN GWANDEAN.” Ak gwayeesha, “Nih gichea rukusiinda fuga Israeli gil, ‘ANIINI GEANDI goojeaknean heedeang'wa.’”

RITEAYDA 3:15

Gabiikta ASEETA gwayeesha Musa, “Rukusiina ng'asheanji fuga Israeli, gideaba, ‘NG'UTAMIIDA, was ASEETA ghweanigeagwa, ASEETA Abrahamu, ea ASEETA Isaka, ea ASEETA Yakobo, goojeaknean heedeang'wa’; nih gheawungeasu gil ea gagul damanda manda muudeanooda, nih gayghoah gichea eepkeateewean ea gagul seaygoojiga sean.

RITEAYDA 6:29

Ghwalamda NG'UTAMIIDA ak gwayeesha Musa, “Aniini geawooschi NG'UTAMIIDA, rukusiina Farao was sugoocheanda Misri ng'asheega sean jea darukuneey.”

RITEAYDA 6:6

Eeshiina fuga Israeli, ‘Aniini geawooschi NG'UTAMIIDA, ak gaydearuuteawaneegwa jeeda sareeni bea fuga Misriin, ak gaydearuuteawaneey jeedeaba gadiyeeni hang'waay iisini bea fuga Misrihiin, ak gaydalealneegwa aba jeeda soomjeandumeeda nyaawa, ak gaydalealneegwa aba geatinda doabiiwaat ea biissa girgweaksinda haw,

RITEAYDA 6:8

Ak gaydeaneegwa ea daahiineegwa ng'eanyiida ghayi eayeaksi habeawooda gideaba gaydaadaw Abrahamu, ea Isaka, ea Yakobo, gaydagooneegwa ahearana. Aniini geawooschi NG'UTAMIIDA.’”

ISAYA 42:8

Aniini geawooschi NG'UTAMIIDA, nih gheawungeasu gil; giigheambiiteanyu maydaadaw siinuut, nea eara giigheambiiteanyu ea maydaadaw sanaamu.

ISAYA 43:11

Aniini geawooschi NG'UTAMIIDA, ak geakghusan manda lealnoocheanda nuut.

ISAYA 43:15

Aniini geawooschi NG'UTAMIIDA, was dea Asagi Ghaydit, ghayi geasineegwa agooga fuga Israeli ak geawooschi sugoocheandeang'wa.”

ISAYA 44:6

Gwayi NG'UTAMIIDA was sugoocheanda Israeli was lealnoocheandaang'u was NG'UTAMIIDA lugweega: “Aniini geawooschi dea madeeda ak geawooschi dea huuydean; ak ea manda aseeta nuut geakghusan.

YEREMIYA 9:24

Gwayi NG'UTAMIIDA, siida ghwar geaw ea daghwara geaw aba ng'asheanji, gideaba ghwanal gideaba geawooschi NG'UTAMIIDA ahiimu bariinyeega huumwa, ea doobiiwnata, ea alooheeda aba badayda ng'eanyiida, aba gideaba suh gea ahoosaneani gil.”

ESEKIELI 20:5

Eeshiina gwayi NG'UTAMIIDA was ASEETA, eaweeda ghayi aaloadi fuga Israeli, ak geayeaksi habeawooda jeata Yakobo. Ak geahiimsi geaw saawa aba ng'eanyiida Misri, ak geayeaksi habeawooda nea geayeeshi, Aniini geawooschi NG'UTAMIIDA was ASEETEANG'WA.

MALAKI 3:6

“Aba gideaba aniini NG'UTAMIIDA meayami geaw; asi agooga, Ea orjooga Yakobo, nih gidamiyealasa uhuudeang'wa.