RITEAYDA 32:4 - Bibliyeeda Ghaydit

⁴ Ng'ata gageanda Haruni dahaabu aba geatinga nyaawa, ak gwasin gili uurji meayda jea eebada, ak gwayeesha, “Suh aseecheekeagwa, Ea Israeli, ghayi aruunaneegwa ng'eanyiida Misri!”

RITEAYDA 32:4 Mawu Ofanana

1 SUGOODIGA 12:28

Hean ghwalach girgweageeda sugoocheanda, ak gwasin muhoow iyeenya bea dahaabu. Ama ng'ata gwayeesha buuneeda, “Nooweayi Yerusalemu gil geaw. Ang'ula aseecheekeagwa, Ea Israeli, aruunaneegwa ng'eanyiida Misri.”

1 SUGOODIGA 12:32

Ak Yeroboamu gwasin ghweelmeeda eaweeteaba damanamuut bea sheedeaba sis gawuurji ghweelmeeda mida ng'eanyiida Yuda, ak ghoadayda haleanjeeda sisabwa geadi aba heeda wagiida; ak gwasin aba Beteli, ghoadaw haleanjeeda sisabwa geadi muhooga ghayi sin. Ak ghwayiin ashoohoodiga Beteli heeda sigatgat ghayi sin.

2 SUGOODIGA 10:20

Ghwalamda Yehu ak gwayeesha, “Oatawa iita buuneeda ghapka ghabwat Baali.” Hean geatayda iita.

2 SUGOODIGA 10:29

Ak Yehu ea mii ghwanung'waada riing'eega sin Yeroboamu was orjeeda Nebati nung' goodiiy fuga Israeli aba badita meayda dahaabu siguura dahaabu bea ng'eanyiida Beteli ea Dani.

2 DAMANYOOJIGA 11:15

ng'ata gwaloosa geaw ashoohoodigaaschi was gea jea gagadiiy aba heetiyeada was heeda wagiida, ea gea jea gagadiiyeesa maloonghajeega, ea gea muhooga ghayi sin niny.

2 DAMANYOOJIGA 13:8

“Ak ghamneawa iyoong'ulayi gajoamuusa oateala gheambalmeeda NG'UTAMIIDA, aba jeeda geatinga orjooga Dawdi, aba gideaba goowooschi eemeetuw nea goondeawi meayda ghayi sineegwa Yeroboamu.

NEHEMIYA 9:18

Eara damanda sissa geat sanaamu uurji meayda nea gwayi, ‘Nih ASEETEANG'WA gil ghayi aruunaneegwa ng'eanyiida Misri,’ aba damanda ghayi sina ng'asheega hees munyas,

RITEAYDA 20:2

“Aniini geawooschi NG'UTAMIIDA was ASEATAANG'U, ghayi aruunaneey ng'eanyiida Misri, aba gheeda soomjeandumeeda.

RITEAYDA 20:23

Adoosinyi aseecheeka sisna lapiya jea dandeayi sea aniini, ghana adoosisi geat aseecheeka sisna dahaabu.

RITEAYDA 20:4

“Adisissi geaw sanaamu, ghana gisigala gida wassean mida humng'eeda ghana gida wassean mida badayda ng'eanyiida, ghana gida wassean mida jeeda beega aba badayda ng'eanyiida

RITEAYDA 28:11

Gawuurji siida sina ghunoojiga ak gang'oora, eara agooga gajang'oorsiina lagheanga asiyeenya gheawunga orjooga Israeli; ak gajakwealsiina dahaabu nea ginung' gwajip geat.

RITEAYDA 28:9

Ak gaygeani laghean iyeenya beari, ak ging'oorsi badahuuka nyaawa gheawunga orjooga Israeli,

RITEAYDA 32:1

Iidu nea ghwadaah buuneeda gideaba Musa nishing'da ghwararang'aan aba uhuuda giijeeda, hean ghabwat geat buuneeda ak geeweesa Haruni, ak geeyeesha niny, “Ng'eada, sinneasa aseecheeka, jea gaweay madeedeanya, aba gideaba Musaheeda ghayi aruunaneasa aba ng'eanyiida Misri, meanali gida niibussa niny.”

RITEAYDA 32:24

Ak geayeeshi saawa, ‘Gilinyoo gwandeawa dahaabu deaheaknean’; hean ak geajaksi jeeda beasta, ak gwardu meawi.”

RITEAYDA 32:3

Hean gageanu buuneesean seangheayoojiga dahaabu mida iidiga nyaawa ak geeyeassa Haruni.

RITEAYDA 32:35

Ak ghwalas NG'UTAMIIDA buuneeda aba geeyooda, aba meaydida sisin ghayi sin Haruniin.

RITEAYDA 32:5

Hean daah Haruni ng'asheanji ghwadeas heeda wagiida aba madeadaanyi ak gwarukusa Haruni buuneeda nea gwayeesha, “Numuji ghweelmeeda NG'UTAMIIDA gil.”

RITEAYDA 32:7

Ghwalamda NG'UTAMIIDA ak gwayeesha Musa, “Rarang'aada una heeda fugaagu ghayi iiruuni ng'eanyiida Misri, aba gideaba niidiiy ak ghaheawanaan,

RITEAYDA 32:8

nibean ghwayam geat aba naweeda ghayi earukusi saawa, nisissa geat gili uurji meayda, ak geabwat, nea geataw lukghumeeda nea geeyi, ‘Nih aseecheekaagu gil Ea Israeli, ghayi aruunaneeyi ng'eanyiida Misri!’”

ISAYA 30:22

Ak agooga gajang'udana ririnnyeanda aseecheekeagwa sisna gharinga sisina lapiya, ea aseecheekeagwa siyiin dahaabu siguura dahaabu gajajakta oosheagiida gawuurji haleanjeeda mideawa ririnnyeanda nea gooyeenyi, “Asi asiipteawana madeedeanyu.”

ISAYA 46:6

Buuneeda inyeesa ghoahiida dahaabu siguura dahaabu aba jeesinga shageeniga nyaawa, ak goodeen lapiya aba gidida siiteeniidean, amahit geataw gadiyeeda siidida adeang'shachiin gwasin sanaamu, ak geetkung'usa ak geabwat.

ESEKIELI 23:8

Hean gawa mwadi aba hiseadayeanduumeadaanyi ghayi ang'eat ghuuta aba ng'eanyiida Misri aba damandida, nea gudea huda gil ak gaweay headiga heeda ak gwasin gida gasa aba headaanyi.

HOSEYA 10:5

Fuga abiita Samariya gayghaboadan aba badayda meayda Bet-afeni. Ak fugaaschi gaygagiisan aba badaydaanyi, nea ashoohoodigaaschi hiseada gaygoonyahuushi aba badaydaanyi, ea badayda giigheambiitaanyi siheeli sea niny.

HOSEYA 13:2

Ak ghamneawa ea nileakleakgh sinita riing'eeda, nea nisissa geat sanaamu, sanaamooda sina gearinda aba lapiyeeda nyaawa, nea sean geesina geatinga fuga geariri. Nea gwayeeniisa, abarsiina lukghumajeega. Ak headiga ghwanung' ghwasam gheatkweaka muhooga.

Gadiyeeda Giijasoodiga 17:29

Ak aseasa iisiwooschi diibiga ASEETA, ea mwahida gideaba geenung' gawuurji ASEETA dahaabu, ghana lapiya, ghana lagheaneeda, sin siida ea ghwadaamdaam aba gearinda.

Gadiyeeda Giijasoodiga 7:41

Iidu geesin meayda aba askwearjoojigiga, amahit geataw lukghumajeega sanaamu nea geesin ghweelmeeda hean gahoosasa gadiyoojiga geatinga nyaawa.

1 Goriinto 10:7

Nea adoowooschi fuga bada sanaamu, ak goowuurjeewi giduurji fuga mwaatkwa; gawuurji gidaghayi sing'waar bea gideaba, “Buuneeda ghayi goobiitpiit gweagiischi nea gwaleeshi, ama ng'ata ghang'eatng'eat ghwadaanghan.”

GIIPKEATA DIIGHEANDA 9:16

Hean ghaang'weardi, ak ghaadaayi noosisi riing'eeda NG'UTAMIIDA was ASEETEANG'WA; noosisi geat meayda gharinyeanda, noayami geat naweeda ghayi rukuneegwa NG'UTAMIIDA.

FUGA LAJA GIRGWEAGUUTKA 8:24

Ak gwayeesha Gideoni saawa, “Geamuscheegwa gilagi; daba siisi goonan seangheayoojiga fuga was giing'oonyangeagwa.” (Aba gideaba gwandeawa seangheayoojiga sisna dahaabu, aba gideaba fugigeanji gaba eemeeda Shumwaheeli.

FUGA LAJA GIRGWEAGUUTKA 8:27

Gwasin Gideoni sanaamooda siguura naifeera aba haleanjeedida, ak ghwayiin jeeda mujiineadaanyi, mida Ofra; ak gaweay buuneesean bea Israeli headaanyi ak ghabwat sanaamajeega, ng'ata ghoah ng'asheanji ghaseeda aba heeda Gideoni ea gheanyi.