RITEAYDA 32:12 - Bibliyeeda Ghaydit

¹² Inyas ginung' goosha, gaygwayi fuga Misri, ‘Gooruuta gwasima ng'asheanda muy ak gwanuus saawa aba uhuuda giijeeda, ak ghwanung', goosha ghang'amwa badayda ng'eanyiida’? Eaniyean yamwa nyarastaang'u ng'waan ak ginung'waadi ng'asheanji muyiin aba badayda fugaagu.

RITEAYDA 32:12 Mawu Ofanana

GIING'EETA 6:6

Iimuchu gagiisan NG'UTAMIIDA aba jeadaanyi aba gideaba nisin siida aba badayda ng'eanyiida, ak ghwanyareas niny aba jeadaanyi.

1 SUGOODIGA 8:51

(aba gideaba suh fugaagu gil, ea fuga jea gwahearanyi, ghayi iiruuni ng'eanyiida Misri, jeeda duwayda gharinyeanda).

ESRA 10:14

Damiineadaysiina fugaasa hees fuga sean bwatgeat; ea fuga sean mida jeeda mujiineedeanya, ea gea geena gadeemga rabasta dapka damanda sirugu, saawa ea gweargwa, ea fuga aheeldooschi buuneeda aba gilinyoo ea mujiinajeega, ea ghwahita nyarasta ng'waan bea ASEETEANYA ak ghang'amwa heedeanya ng'asheanji.”

NYIIGHEEGA 106:45

Ak ghoapkaat aba badahuuka nyaawa neajeadaanyi ak ghabwayda aba hawunda bariinyeagaaschi.

NYIIGHEEGA 74:18

Ea NG'UTAMIIDA, apkaada ng'asheesu aba gida shikiidanean weajoocheandeanyu, nea fuga dasheahi ea nifool gheawungaagu.

NYIIGHEEGA 78:38

Iidu niny aba gideaba gwandeawa baydeayda, gwasamsa munyasnacheeka nyaawa, ak ea mwalasa uhuuda nyaawa; nea iissa ghwasach nyarastaanyi galeaga sean, ak ea mwanung' ghwayeat nyarastaanyi sean.

NYIIGHEEGA 85:3

Nigeandi nyarastaang'u sean; niyamu geaw ak ginung'waadi ng'weaninda nyarastaang'u.

NYIIGHEEGA 90:13

Ea NG'UTAMIIDA! Biikni, gajeeyi bwak ea gooyang'daan? Eaniyean bwayda fugaagu bea gadiyeeda.

RITEAYDA 32:14

Ak ghwayam NG'UTAMIIDA gidida muyiin gwachi jea gwasima fugaaschiin.

RITEAYDA 33:13

Asi ghamneawa geamuscheey, iinaanyaschi dagheerjeanduumeeda aba madeadaang'u, ak ghaanaleay ak ghaanyaschi dagheerjeanduumeeda aba madeadaang'u. Apkaada gideaba eemeeni fugaagu.”

ISAYA 64:7

Manda dea nihidu gamusnyi eara akaleala, manda siida sin badiida aba gasoadaang'u. Ang'iing'i gifunyaneasa gheamamdaang'u ninung'useasa heeda eapita jeeda ng'asheagaasa munyas.

ISAYA 64:8

Ak ghamneawa Ea NG'UTAMIIDA, ang'iing'i guwoosi ghweandeanya, aseasa geawooschi sheang'weeda nea ang'iing'i guwoosi siida sinneasa, aseasa eesa sean geewooschi gadiyeeda geatingaagu.

YEREMIYA 28:16

Ak ghamneawa ging'ulayi, gwayi NG'UTAMIIDA, ‘Ng'ula gaydaang'aamwaneeyi badayda ng'eanyiida, nea gaymeawa aba jeedeaba gweanyi aba gideaba niihaagi buuneeda sidita NG'UTAMIIDA.’”

ESEKIELI 20:14

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga, ghayi earuudu aba madeeda nyaawa.

ESEKIELI 20:22

Ak ghaadeali geatindeanyu, nea geasinyi aba gheawungeasu, aba gideaba adeang'uda ririnnyeanda aba madeeda eemoojiga ghayi earuudu aba madeeda nyaawa.

ESEKIELI 20:9

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga ghayi mideayi sea saawa ghayi eahiimsi geaw saawa ak gearuuni ng'eanyiida Misri.

YOELI 2:17

Fuga was ashoohoodiga, was fuga gadiyeeda NG'UTAMIIDA, deayeawda aba dageascheeda heeda ghaydit ea heeda wagiida, Ak ea dayi, “Siksiina fugaagu, ea NG'UTAMIIDA, nea adinung' gafoaleasa eemoojiga suuk ak gwajukeasa, nea gwayi, ‘Gwanda yeenu ASEETEANG'WA?’”

AMOSI 7:3

Ak ghwanung'waada NG'UTAMIIDA ng'asheanji; “Ng'asheanji maygwasa,” gwarugu NG'UTAMIIDA.

AMOSI 7:6

Ak ghwanung'waada NG'UTAMIIDA ng'asheanji; “Ak eara ng'asheanji ea maygwasa,” gwarugu Ng'utamiida was ASEETA.

YONA 3:9

Ghwanal ng'eaha, gideaba ASEETA gwadeepa ghwayam geaw aba nyarastaanyi ng'waan, ak ea meeshealani?”

SAKARIYA 8:14

Gwarugu NG'UTAMIIDA bea lugweega gideaba, “geagasayi dasimaneegwa gidamuy, aba damanda ghayi anyareasan ghweanigeagwa, ak ea mii ghwayamwa fughareedeanyu gwarugu NG'UTAMIIDA bea lugweega,

IITOODA 14:19

Geamuscheey samsiina giidiinyeandeaba fiisu, aba giteena hawunda baydaydaang'u, gawuurji gidisamsiindi fiisu, ghang'eada deaghayi bea ng'eanyiida Misri ea ghoah ghamneawa.”

IITOODA 16:21

“Asaja geat aba jeedeaba fiisu bwatgeadiin, ak abeeda ghaalamwaji dalas uhuuda.”

GIIPKEATA DIIGHEANDA 13:17

Adiidu giing'oanyi geadi gilinyoo ea haleanjeeda munyas; abeeda NG'UTAMIIDA gajiidu ghwayam nyarastaanyi ng'waan, ak ghoahiimneey baydeayda ak ghabwaydaneey nea gayghwanung' eahaadana, ghoah gidaghayi aksiinda habeawooda ghweanigeagwa,

GIIPKEATA DIIGHEANDA 32:36

Aba gideaba NG'UTAMIIDA gaygooheeli fugaaschi ak gayghabwayda fugaaschi bea gadiyeeda, iidaah gideaba niisha uurjeenga nyaawa, ea gideaba manda siida jea ghoabit, dea mida ghealooniga ea dea abal geaw.

GIIPKEATA DIIGHEANDA 9:28

Adiidu gwayi ng'eanyiida iiruunaneasa, “Gweagu gideaba NG'UTAMIIDA ghwaraay ghwaahiita ng'eanyiida ghayi rukusa gideaba gayghoadaw, nea gichea gweagu gideaba mwabwariinya fugiga, gooruuta jarooda ak gwanuus aba jeeda dareapcheeda.”

YOSHUWA 7:26

Ak geejipsa badaydaanyi lagheanga hees ea gwadeena raghwata, ak ea gudugwanda ea ghoah ghamneawa; hean ghwanung'waada NG'UTAMIIDA nyarastaanyi. Asi ea ghoah ghamneawa gheawungeaba hoowa geeguura moangoachiyda Akori.

YOSHUWA 7:9

Aba gideaba fuga Ganaani ea fuga sean bea ng'eanyiida gayghwayiiy iidi, ak gaygwaneaweeseasa, ak gayghwasach gheawungaasa aba jeeda ng'eanyiida; ak gaysina naaha aba hawunda gheawungaagu?”

1 SAMWELI 12:22

Aba gideaba NG'UTAMIIDA mwoamu gwahista fugaaschi, aba hawunda gheawungaaschi gagasa NG'UTAMIIDA ghwanung' ahuwa fugaaschi.