RITEAYDA 32:10 - Bibliyeeda Ghaydit

¹⁰ biissa nung'waada nyarasteanyu ghwayeada badahuuka nyaawa, ak gaydanung' goosha saawa, ak gaydanung' huwa eemeeda haw.”

RITEAYDA 32:10 Mawu Ofanana

GIING'EETA 12:2

Ak gaydanung' huwa eemeeda haw, ak gaydagoonyi ghawooda, ak gaydanung' gwaheedu gheawungaagu, ak abeeda geegoonyi ghawooda.

NYIIGHEEGA 106:23

Ak gwayi gaydalas uhuuda nyaawa– inyeeda gwachi ea mawiilna Musaheeda ghayi loat, ak ghoadeal nyarastaanyi ea mwalasa uhuuda nyaawa.

RITEAYDA 22:24

ak abeeda gayghwayeat nyarasteanyu, ak gaydabwareagwa aba ng'uta ak gayghoah gadeemgeagwa masinung'weega nea ghoah diibigeagwa bananga.

RITEAYDA 32:11

Hean gamearmearani Musa NG'UTAMIIDA was ASEATAANYI nea gwayeesha, “Ea NG'UTAMIIDA, ghwasaan anda nyarastaang'u ghwayeat aba badayda fugaagu, ghayi iiruuni ng'eanyiida Misri aba giimuustaang'u haw ea geatinda mideawa uurda?

RITEAYDA 32:19

Hean neekiisa museasooda ghwadaah gidida uurji meaydean ea duumda, ghwanyareas Musa, ak gwahista lagheangiga baragiin aba geatingaaschi ak gwanyarjeawi aba geeshta giijeeda.

RITEAYDA 33:3

Ascheang'da ea ahita ng'eanyiida gulda eanooga ea maleeda, ak ea mwajeascheang'da aniini ea agooga, gajiidu ghaanung' ooshealana aba naweeda, aba gideaba goowooschi fuga hang'oonyi iheeni.”

YEREMIYA 11:14

“Asi Yeremiya, adiidu gimusiischeesi fiisu, ghana ayeawusean nea gimusiischi aba badahuuka nyaawa, aba gideaba maydealeeysiit ii guurnean damanda sawanadeeda nyaawa.

YEREMIYA 14:11

Ng'ata gwayeeshiinean NG'UTAMIIDA: “Adiidu gimooriisi fiisu gea miyaas.

YEREMIYA 15:1

Ng'ata gwayeeshiinean NG'UTAMIIDA “Ghamneawa eara ghamiinaada Musa ea Samweli aba madeedeanyu ak gamusiischeesa fiisu, aba huumwa gurooroodeanyu may gwayamsa geawi fiisu. Ang'aamwana madeedeanyu, ak ginung'waadi gaweay!

YEREMIYA 7:16

“Asi ang'iing'i, adiidu gimusiischeesi fiisu, adiidu gimiindi shooka ghana musischeena aba ramaseanda nyaawa, nea adiidu giimearmearanay aba gideaba maydealeeysiineey iita.

ESEKIELI 20:13

Nea fuga Israeli ghaheawanaan aba dareapcheeda aba gideaba mwaang'waanya deaweedajeegeasu ak ghaheawa hamurajeegeasu. Nea siida ang'waay gayghwanyas eaweega nea sabaatohajeegeasu geang'uda ririnnyeanda muuchi. “Hean geayeenyi gaygoobisa nyarasteanyu badahuuka nyaawa aba dareapcheeda, ak ghaanung' goosha saawa.

IITOODA 14:12

Gaydalas aba dawni, ak geageandi hearaniischooda nyaawa, ak gaydanung' huwa eemeeda haw, biissa gwandeawa uurda ea gaburdeawa saawa.”

IITOODA 16:21

“Asaja geat aba jeedeaba fiisu bwatgeadiin, ak abeeda ghaalamwaji dalas uhuuda.”

IITOODA 16:22

Hean ghoabeada nea ghabwada jeesinga ng'eanyi, nea gwayi, “Ea ASEETA, ASEETA bea gurooruunatka gilinyoo gwandeawa saseeda, gaygwasin siyagi riing'eeda, ak gaynyareeksiina fuga sean bwatgeat?”

GIIPKEATA DIIGHEANDA 9:14

Sikseani dahuuyda saawa ak geahuti gheawunga nyaawa aba badayda ng'eanyiida; ak gaydanung' huwa eemeeda saang'a hees uurjeen ng'al saawa.’

GIIPKEATA DIIGHEANDA 9:19

Nea abeeda ghoabealan nyarasta uurji beasta ahiimneegwa NG'UTAMIIDA, nea gagasa gahuuydaneegwa. Ng'ata gooleeysinean iit NG'UTAMIIDA aba damandida.

Yakkobo 5:16

Daba siisi duukuuna riing'eemba nuut, nea gaba siisi mwaash ASEETA aba badayba nuut, ak abeeda geahaabeagwa. Siida doabiiwaat iimwaash ASEETA gwandeawa uurda haw sin gadiyeeda.