RITEAYDA 3:9 - Bibliyeeda Ghaydit

⁹ Asi ghamneawa ng'ula, shooka fuga Israeli nihidu heedeanyu, ak ea naadaayi sawanadeeda nyaawa sawan fuga Misri.

RITEAYDA 3:9 Mawu Ofanana

GIING'EETA 16:11

Ng'ata gwayeesha malaykajeanda NG'UTAMIIDA huda, “Ng'ula, gaynyasa baleanda was baleanda; ak gayguureewana gheawungaaschi Shumwaheeli; aba gideaba niyiiy Ng'utamiida sawanadeadaang'u.

GIING'EETA 31:12

Ak gwayi, ‘Gatkada gheanyangaagu ak giing'weardi, ghwarayga sean deambiiriisa nooga ea beari, nea gaba murearajeega, nea buscheenyeewi; aba gideaba naadaayi ng'asheega sean simaneey Labani.

2 SUGOODIGA 13:4

Ng'ata gamus Yehoahasi NG'UTAMIIDA. Hean gooleeysiit NG'UTAMIIDA aba gideaba nidaah sawanadeeda fuga Israeli gidasawanda sugoocheanda Shaamu.

2 SUGOODIGA 20:5

“Biikta ak giyeeshi Hesekiya was siida ambal fugeasu. Gwayi NG'UTAMIIDA was ASEETA Dawdi was ghweandeang'wa; naayiinyi musiischoadaang'u, ak ea naadaayi dabeakaagu ng'ula gaydanung' haabwa; ak eaweedeaba samwagu gaysiyeang'da una gheeda NG'UTAMIIDA.

NEHEMIYA 9:9

“Ak ghayi gidaahi sawanaduutka ghweanigaasa aba ng'eanyiida Misri, nea giileeysiit shooka nyaawa aba basooda Shaamu,

NYIIGHEEGA 12:5

“Aba gideaba fuga ng'arng'ari, manda uurjeenga geesawan, aba gidasawaneata fuga ng'arng'ari, asi ghamneawa gaydang'eat,” gwarugu NG'UTAMIIDA; “Gaydayiin niny heeda gasa jea gaba seayu.”

NYIIGHEEGA 9:14

ak abeeda gearuku giigheambiitaang'u sean, aba gidaghuudajeega haweega Sayuni ak gaydahoosasa gideaba nilealnean.

RITEAYDA 1:11

Ng'ata geegeanu fuga jea gamineadaysa saawa ak ghwanung' gwasin gadiyeeda hang'waay jea gwasawan; ak gwadeeksa Farao ghoorajeega mujiini was Bitomu ea Ramesesi.

RITEAYDA 1:22

Hean gwayeesha Farao fugaaschi sean, “Gilinyoo ea orjeeda gil, siji bea fuga Ebraniya ajaksiina jeedeenda Nayli, nea diibiga was haweega ghoanung'waadi adoonuuschi.”

RITEAYDA 1:8

Iimuchu ghoang'waay sugoocheanduumeeda ng'eanyiida Misri, sugoocheanda nuut mwanala Yosefu.

RITEAYDA 2:23

Hean ng'ata eawoojiga saang'a ghami sugoocheanda Misri. Ghwanyas fuga Israeli sawanadeeda aba jeeda soomjeandumeeda nyaawa, ak gooyeawda nea gagasa weeta, ak ghwahita shooka nyaawa bea sawanadeeda heeda ASEETA.

RITEAYDA 2:25

Ak ghwadaah ASEETA fuga Israeli, ak ghwanal ASEETA giduurji saawa.

RITEAYDA 3:7

Ghwalamda NG'UTAMIIDA ak gwayeesha, “Naadaayi sawanadeeda fugeasu mida Misri, ak ea naayiinyi shooka nyaawa, sissa fuga nyaawa hees, ak ghaanali sawanadeeda nyaawa,

REEKUSIINDA 4:1

Ng'ata geabiigu ak ghaadaayi ng'asheega sean munyas sisin aba hing'eadayda aseeta; ak ging'ulayi, dabeaka fuga sisawan, ak ea manda siida geandeawa salgheang'da; nea aba meatkweeda fuga sawan gwandeawa uurda; nea fugiga ea mandeawana fuga jea gageandeawa salgheang'da.

REEKUSIINDA 5:8

Nea idaahi nea geesawan siida bwarbwar aba jeeda ng'eanyiida ak geegeanda girgweageeda ea doobiiwnata aba ghwarjeeda aba jeeda ng'eanyiida, adaghahamnyi ng'eanyi aba badaydeaba ng'asheanji; aba gideaba siida haweewa fuga hees ghoang'wearu; ak gwanda fuga hees ea ghang'al saawa.

AMOSI 4:1

“Olleeysiiniit ng'asheanji, agoogeeni was dugwa Bashaniin, oondi uhuuda giijeeda Samariyahiin, agoogeeni ooghabwaschi siida barbariin, nea ghoalasaadi iheenga fuga gasa weeta, eeniisa siyeenatka nyaawa, ‘Ayeani gajealeaha!’

GIIPKEATA DIIGHEANDA 26:7

Hean geeyeawusi NG'UTAMIIDA was ASEETA ghweanigaasa, ak ghwayiiy NG'UTAMIIDA ghuusigaasa, nea ghwadaah sawanadeedeanya ea minighisteanya ea ghabasteanya,

1 SAMWELI 9:16

“Numuji damanda uurji nih gaydeajeagu siida jea gwaleabu ng'eanyiida Benjamini, ak gajamwaara niny ghoah siida haw jea goombal fugeasu was Israeli. Gayghaweat fugeasu aba geatinda fuga Filisti; aba gideaba naadaayi sawanadeeda buuneedeanyu, aba gideaba nihidu shooka nyaawa heedeanyu.”