RITEAYDA 3:8 - Bibliyeeda Ghaydit

⁸ ak ghaararang'aanyi dalealu aba geatinga fuga Misri, ak geascheeng'ni ng'eanyiita ea ghapka ng'eanyiida miy haw, ng'eanyiida gulda eanooga ea maleeda, ea ghwahiita ng'eanyiida fuga Ganaani, ea Hiti, ea Amori, ea fuga Beresi, ea Hifi, ea fuga Yebusi.

RITEAYDA 3:8 Mawu Ofanana

GIING'EETA 11:5

Iimuchu ghwararang'aan NG'UTAMIIDA ghwadaah mujiini ea gheeda geaw, sin buuneeda.

GIING'EETA 11:7

Asi apkaani, eararang'aada, ak geabwari darari iita nyaawa, ak ea mwayiinya iiteaba geat.”

GIING'EETA 15:13

Ng'ata gwayeesha NG'UTAMIIDA Abramu, “Nala aba huumwa gideaba jeataang'u gayghoah rabasta aba ng'eanyiida mii daanyaawa; ak gayghoah soomjooga aba ng'eanyiita, ak gajeesawan gweanyeew bughalaji ang'wan;

GIING'EETA 15:14

ak gaydeadu ghoorjooda badaydeaba eemeedida nung' ghoah soomjoogean, ama muchu gayghabeawa ng'eanyiita nea nibaruur.

GIING'EETA 18:21

gaydararang'aada dadaa ea nisin gili siikuula ak ghwahidu heedeanyuun; aniini huumwa gil, gaydanal.”

GIING'EETA 43:11

Ng'ata ghwalamda ghweanda nyaawa was Israeli ak gwayeesha saawa, “Ng'asheanji iijea gwasunu, abeeda goosindunu: ageani haghweega miyaasiin bea ng'eanyiida ak ghoayiinyi jeesinga mushoodakeagwa, ak gooyeasi siidida ghoah haleanjeeda guskuseega, nagheeni mwanang' ea maleeni mwanang' ea mughoondooda ea geediga ng'andit, ea geediga ng'andidi.

GIING'EETA 46:4

Gajeeteayeena sea ang'iing'i ng'eanyiida Misri, ak gaydabiikta deadeelneey ng'eang'i; ak eaweeda jea meawana gaygabunyi Yosefu.”

GIING'EETA 50:24

Ak gwayeesha Yosefu orjooga ghaamwat, “Aniini niriikghta ghwahidu miyeedeanyu; nea agooga gayghoahaaghwaneegwa ASEETA, ak ghoang'aamwaneegwa ng'eang'i ea ghoahiitaneegwa ng'eanyiida ghayi aksa Abrahamu habeawooda, ea Isaka ea Yakobo.”

1 DAMANYOOJIGA 1:15

ea fuga Hifi, ea fuga Arki, ea fuga Sini,

NEHEMIYA 9:8

ak gidaahi gideaba gurooroadaanyi ea doabiiwaat aba madeadaang'u, ak gisini neajeeda sea niny bea gideaba gajadawa jeataanyi ng'eanyiida fuga Ganaani, ea Hiti, ea Amori, ea Beresi, ea Yebusi, ea Girgashi, ak ginung' gwasa ng'asheandaang'u aba gideaba guwoosi doabiiwaat.

NYIIGHEEGA 12:5

“Aba gideaba fuga ng'arng'ari, manda uurjeenga geesawan, aba gidasawaneata fuga ng'arng'ari, asi ghamneawa gaydang'eat,” gwarugu NG'UTAMIIDA; “Gaydayiin niny heeda gasa jea gaba seayu.”

NYIIGHEEGA 12:6

Ng'asheega NG'UTAMIIDA ng'asheega miyaas, gawuurji lapiyeeda sisna duwayda aba badayda ng'eanyiida, siihuun niba ispwa.

NYIIGHEEGA 34:8

Asamni ak ghoadaayi gideaba NG'UTAMIIDA aamiy! Ghang'wana siidida ghus ninyiin!

NYIIGHEEGA 91:15

Gaygaguurnean ak gaydeariip ghuutaanyi; gaydandeawa niny aba jeeda sawanadeeda, gaydalealu ak ghaadawji mureeda.

RITEAYDA 12:41

Mudeanoodeaba gweanyeeksu as bughalaji ang'wan ea diktam ea damanamughuushiin eaweeda riteawa lugooda NG'UTAMIIDA ng'eanyiida Misrihi.

RITEAYDA 12:51

Ak eaweedida gooruudu NG'UTAMIIDA fuga Israeli aba ng'eanyiida Misri sea lugoanyaawa.

RITEAYDA 13:5

Inyas gweaneegwa NG'UTAMIIDA ea ghoahiineegwa ng'eanyiida fuga Ganaani, ea fuga Hiti, ea Amori, ea fuga Hafiti, ea Yebusi, ghayi heeleesa sea ghweanigeagwa gideaba gaygagoneegwa, ng'eanyiida nyiit eanooga ea maleeda, asi gilakweay gagasa oopkeata sheeni ghayi ooriniin.

RITEAYDA 3:17

ak ea neabean dargu gideaba gaydeascheeng'neegwa aba jeeda sawanadeeda fuga Misri, ak gaydeaneegwa ng'eanyiida fuga Ganaani, ea Hiti, ea Amori, Beresi, Hifi, ea Yebusi, was ng'eanyiida gulda eanooga ea maleeda.”’

RITEAYDA 34:11

“Ng'ula ng'asheanji earukuneey ghamneawean. Ng'ula, gaydahoan dearuuta aba madeadaang'u fuga Amori, ea Ganaani, Hiti, ea Berisi, ea Hafiti ea Yebusi.

RITEAYDA 5:23

Ghang'eada deaghayi eaweewi heeda Farao ak geabalooli aba gheawungaagu ea nisima fiisu ng'asheega munyas, ak ea mii aruuni fugaagu earahay.”

ISAYA 36:17

Bwak ea dahidu ak ghaayaadeagwa ng'eanyiida uurji ng'eanyiideang'wa, ng'eanyiida mida booga ea difaayi, ng'eanyiida mida mukaate ea madameega sabiibu.

ISAYA 64:1

Gidabal gwachi ginung' ghabwaasha humng'eeda ak girarang'aani, ak ghaboadan giijeega aba madeadaang'u–

YEREMIYA 11:5

ak hean gaydaahiit habeawooda ghayi eayeaksi ghweanigeagwa gideaba gaydaadaw ng'eanyiida guldeawa eanooga ea maleeda, gawuurji giduurji ng'eanyiida ghamneawa.” Hean geayeenyi, “Ea NG'UTAMIIDA gideabali gwasunu.”

YEREMIYA 2:7

Ng'ata geayeaneegwa jeeda ng'eanyiida miy ahoosasiina haghweagaaschi ea haleanjeadaanyi miyas. Ak gooweayi jeeda hean ghoang'udi ririnnyeanda ng'eanyiideanyu, ak ghoanung' ghoah ng'eanyiida eagoonyeegwa munyinda.

YEREMIYA 32:22

Ak giidawi saawa ng'eanyiini ghayi iyeaksi habeawooda ghweaniga nyaawa gideaba gajadawa ng'eanyiida nyiit eanooga ea maleeda.

ESEKIELI 20:6

Eaweeda ghayi eayeaksiini saawa habeawooda. Ak geascheeng'ni saawa ng'eanyiida Misri, ak ghaanung' gaweay jeeda ng'eanyiida ghayi ealoosi saawa, ng'eanyiida nyiit eanooga ea maleeda, ng'eanyiida miy aba alooheeda ea ghang'al ng'eanyoojiga sean.

NG'ASHEEGA LAWI 20:24

Ak ghoah gideayeeshiinaneegwa, ‘Gajahearana ng'eanyiida nyaawa, ak gaydagooneegwa ghoah deang'wa, was ng'eanyiida gulda eanooga ea maleeda.’ Aniini geawooschi NG'UTAMIIDA was ASEETEANG'WA, ghayi aheeleeweey fugaagu.

AMOSI 2:10

Ak geascheeng'neegwa aba ng'eanyiida Misri, ak geawi madeedeang'wa gweanyeew haradam aba jeeda dareapcheeda, ak goombali ng'eanyiida fuga Amori.

IITOODA 13:18

ak ghoadaayi ng'eanyiida, giduurji; ea fuga mida jeeda, ea fuga meanyi gil ghana ea fuga heali, ak ea ng'ay ghana saang'a;

IITOODA 13:19

ak ng'eanyiida abiita ea ng'eanyiida miyi ghana muy; ak goobiita museasooda ghana gealga siimajeek;

IITOODA 13:27

Ak geeyeesha niny, “Aseasa geeleabu ng'eanyiida oocheaktaneasa; gagulda eanooga ea maleeda, ak ea sukwa haghweagaaschi.

Yohaana 3:13

Manda siida ghayi nidiyeada ea gawa humng'eeda geaghus Orjeeda Siida ghayi rarang'aana humng'eeda

Yohaana 6:38

Aba gideaba mwaararang'aanani humng'eeda doan dasin gideagasayi aniini, ghaawunyi dasin gidagasa dea ghayi ajeaknean;

GIIPKEATA DIIGHEANDA 1:25

Ak ghwaada geadi haghweegeaba ng'eanyiita ak gweaneasa, ak gweaneasa iita gicha, ak gwayi, ‘Aamiy ng'eanyiida gooneasa NG'UTAMIIDA was ASEETEANYA.’

GIIPKEATA DIIGHEANDA 1:7

Ang'eatng'eada ak gooweayi bareanyeekeagwa, ak gooweayi ng'eanyiida heayeeniga bea fuga Amori ea heeda fuga sean ascheayi neekeewa Araba ng'eanyiida heayeeniga ea ng'eanyiida doabiiw, ea Negebu, ea madeeda basooda, ea ng'eanyiida Ganaani, ea Lebanoni, ea gwariiksa eenda haw, eenda Furati.

GIIPKEATA DIIGHEANDA 27:3

ak gayng'oorsiina badayda ng'asheega sean bea diigheanyeeksu, iiniighaawi ak guwi jeeda ng'eanyiida gulda eanooga ea maleeda, gawuurji gida heeleesiindaneey NG'UTAMIIDA was ASEETA ghweanigaagu.

GIIPKEATA DIIGHEANDA 28:11

Nea NG'UTAMIIDA gayghwanung' baruura, aba jeacheengaagu ea muhooga, dugwaagu, ea aba booga madamnyeandaang'u, ea aba ng'eanyiida aksa NG'UTAMIIDA habeawooda ghweanigaagu gideaba gaygagoonyi.

GIIPKEATA DIIGHEANDA 6:3

Ooleeysiinean iit Ea Israeli ak goosisi mureeda, abeeda gajanyasa ghawooda ak gayghoahaada jeacheengeagwa, ghoah gidarukuneata NG'UTAMIIDA was ASEETA ghweanigeagwa aba ng'eanyiida gulda eanooga ea maleeda.

GIIPKEATA DIIGHEANDA 7:1

“Iimuchu nea gweaneegwa NG'UTAMIIDA was ASEATAANG'U jea oombala, ak gayghahoana madeadaang'u eemoojiga saang'a, siguura fuga Hiti ea Girgashi, ea Amori, ea fuga Ganaani, ea Berisi ea Yebusi, eemooji ispwa hees mideawa uurjeenga burdeaweegwa agooga.

YOSHUWA 5:6

Aba gideaba fuga Israeli gwaneayi gweanyeew haradam aba jeeda dareapcheeda, ea ghoah eemeesean headiga ammu ng'ucheeda was gea ghayi leabu Misri, ak goosha aba gideaba mooleeysiiniit ghuuta NG'UTAMIIDA; nea aba jeenyaawa gweaksa NG'UTAMIIDA habeawooda gideaba mayghwanung' ghwadaah saawa ng'eanyiida ghayi aksa NG'UTAMIIDA habeawooda ghweaniga nyaawa gideaba gaygagooneasa, ng'eanyiida nyiit eanooga ea maleeda.

YOSHUWA 9:1

Iidu nea ghwayiiy ng'asheesu sugoodiga mida giigheawda Yordani bea ng'eanyiida heayeeniga mida jeeda mooheeda ea ghuuta basooda haw deaschi Lebanoni, ea fuga Hiti, ea Amori, ea Ganaani, ea Beresi, ea Hafiti, ea Yebusi iiy ng'asheesu,

YOSHUWA 9:7

Ghwalamda fuga Israeli ak gwayeesha fuga Hifi, “Gwadeeba andana bugusteanya; abeeda gajeesindaan neajeeda sea agooga?”