RITEAYDA 3:6 - Bibliyeeda Ghaydit

⁶ Gabiikta ASEETA gwayi, “Aniini geawooschi ASEETA gweanu, ASEETA Abrahamu, ea ASEETA Isaka, ea ASEETA Yakobo.” Hean ghafuy Musa gheamamdaanyi, aba gideaba ghoawal ghwadaah ASEETA.

RITEAYDA 3:6 Mawu Ofanana

Lukka 20:37

Aba iita gideaba gwaduutu buuneeda, eara Musa ghoahiimu aba jeeda ng'ooruutka iita geeta mughuush damanda guursiina Ng'utamiida was ASEETA Abrahamu ea ASEETA Isaka ea ASEETA Yakobo.

Mattayo 22:32

‘Aniini geewooschi ASEETA Abrahamu, ea ASEETA Isaka, ea ASEETA Yakobo’? Asi niny mii ASEETA fuga nimeewa gil, niny ASEETA fuga majeekcheewi.”

Marko 12:26

Asaha aba ng'asheesu bea duunoaniin ghayi neada ea miyoasoamwana aba jeeda gitaabooda Musa heeda sing'waar ng'asheega geeta mughuush yeada beasta jeeda? Ghayi aba hoowa ASEETA gwayeesha Musa, ‘Aniini geawooschi ASEETA Abrahamu ea ASEETA Isaka ea ASEETA Yakobo’.

RITEAYDA 4:5

“Aba gideaba ghamwas gideaba NG'UTAMIIDA ASEETA ghweaniga nyaawa gil, ASEETA Abrahamu, ea ASEETA Isaka, ea ASEETA Yakobo aba gideaba nibussean.”

Gadiyeeda Giijasoodiga 7:32

‘Aniini geawooschi ASEETA ghweanigeagwa, ak geawooschi ASEETA Abrahamu, ea dea Isaka dea ea Yakobo.’ Hean ghabeal Musa muuchi ea ghaboadan ea mudu ghoamu gang'ula.

GIING'EETA 28:13

Asi ng'ula, NG'UTAMIIDA ghamiinaada aba uhuuda ak gwayeesha, “Aniini geawooschi NG'UTAMIIDA, ASEETA Abrahamu was gweanu ea ASEETA Isaka; ng'eanyiini iwiiligeawiin gaydagoonyi ang'iing'i ea jeacheangaagu;

Giidaheechta 1:17

Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;

1 SUGOODIGA 18:36

Damanda siitayiideawa haleanjeeda sisabwa geadi bea ghadooweedean shing'ada, gwaneekiit sibaneeda was Eliya ak gwayi, “Ea NG'UTAMIIDA, was ASEETA Abrahamu, ea Isaka, ea Israeli, nung' eejeeng'u askweareani gideaba guwoosi ASEETA Israeli, ea gideaba geawooschi siidaang'u bea gadiyeeda, ea gideaba geasinyi ng'asheesu aba ng'asheandaang'u.

FUGA LAJA GIRGWEAGUUTKA 13:22

Hean gwayeesha Manowa gatmoadaanyi, “Aba huumwa gajeemeewa, aba gideaba sidaayi ASEETA.”

YEREMIYA 32:38

Ak gayghoah fugeasu nea geawooschi ASEETA nyaawa.

YEREMIYA 31:33

Ak neajeeni gaydasin sea fuga Israeli, iing'ata eawoojigiga, gwarugu NG'UTAMIIDA, gaydayiin diigheandeanyu jeenyaawa ea jeeda gurooruunatka nyaawa, gaydang'waar ak gaydoaw ASEETA nyaawa, nea saawa gayghoah fugeasu.

YEREMIYA 24:7

Gaydanyaksa guroorooda jea ghwanal gideaba aniini geawooschi NG'UTAMIIDA, ak gayghoah fugeasu ak eara aniini gaydoaw ASEETA nyaawa, aba gideaba gaygwayamsean geat aba gurooruunatka nyaawa.

NYIIGHEEGA 132:2

was dea aksa habeawooda NG'UTAMIIDA ak gwarasa gida dea Mideawa uurda asagi bea Yakobo,

1 SUGOODIGA 19:13

Iidu nea ghwayiiy Eliya, gwadukuta gheanyangaaschi aba hang'weakaaschi ak gwarita ak ghamiinaada aba ghuuta gwaleeda. Ak ging'ulayi, ghwahidu headaanyi nyeashta, ak gwayi, “Gisini naaha aba hiji, Eliya?”

RITEAYDA 29:45

Ak gaydeabiida bugusta fuga Israeli, ak gaydoaw ASEETA nyaawa.

GIING'EETA 32:9

Ak gwayi Yakobo, “Ea ASEETA bwaabwa was Abrahamu ea ASEETA bwaabwa was Isaka, Ea NG'UTAMIIDA eeshiinean, ‘Biikta ng'eang'deang'wa ea heeda buweadeagaagu, ak gaydasineey gidamiy’,

GIING'EETA 31:42

Asi gwachi ii maduuksean ASEETA ghweandeanyu was ASEETA Abrahamu ea gheawalmeeda Isaka, gwachi aba huumwa gajea ninung' dawa nea mwaayaadi gil. ASEETA ghwadaah sawanadeedeanyu ea gadiyeeda geatingeasu ghoah gidaghoosa awoowsiinaneey.”

GIING'EETA 26:24

Ng'ata gabussa NG'UTAMIIDA niny ak gwayeesha, “Aniini geawooschi ASEETA Abrahamu was gweanu; adibeali, aba gideaba geendeayi aniini ea ang'iing'i ak gaydagoonyi ghawooda ak gaydanung' ghwasaang'ayiit jeacheangaagu aba badayda soomjeandeanyu was Abrahamu.”

GIING'EETA 17:3

Hean ghoabeada Abramu ak gwatkuy ak gwayeesha ASEETA Abramu;

GIING'EETA 12:7

Hean gabussa NG'UTAMIIDA Abramu ak gwayeesha, “Ng'eanyiini gaydagoonyi ea jeacheangaagu.” Ng'ata gwasissa NG'UTAMIIDA heeda wagiida aba hoowa, nea dea busiinyi sea niny.

GIING'EETA 12:1

Ng'ata gwayeesha NG'UTAMIIDA Abramu, “Beawana ng'eanyiidaang'u ak giriteawi ghaheang'wa ea jeeda buweadeagaagu ea hita ng'eanyiida jea daahiimneey.

Ebraniya 12:21

Huumwa, nea hoowa ghang'uda fih muuwda nea heeda ayi Musa, “Aniini ghaabwaadanyi aba muuwda.”

Gadiyeeda Giijasoodiga 7:34

Aba huumwa naadaayi ng'asheega munyas sisima fugeasu aba ng'eanyiida Misri ak ea naayiinyi shooka nyaawa, ak ghaawunyi dalealu. Asi ghamneawa beeni gaydeajeaktaneey Misri.’

Lukka 5:8

Daah Simon Betaro ng'asheanji, goobeedeaysa madeeda Yesu nea gwayeesha, “Ea Ng'utamiida, asiipteawana heedeanyu, aba gideaba geabea riing'a.”

Mattayo 17:6

Iiy giinealanga ng'asheesu goobeedeayi ak ghabwada jeesinga ng'eanyi, nea ghabeal muuchi.

SAKARIYA 8:8

ak gaydeadu saawa goobiida bugusta Yerusalemu, ak gayghoah fugeasu nea ghaahuuyi ASEETA nyaawa, aba huumwa ea doobiiwnata.”

ESEKIELI 11:20

Ak gaweay nea ghwaat geeshta huumeanyeekeasu, nea ghoang'waay hamurajeegeasu, ak gwasin ak gayghoah fugeasu nea geawooschi ASEETA nyaawa.

NEHEMIYA 9:9

“Ak ghayi gidaahi sawanaduutka ghweanigaasa aba ng'eanyiida Misri, nea giileeysiit shooka nyaawa aba basooda Shaamu,

ESTA 3:4

Inyeesa geepalool niny galeagasean, ak ea mooleeysiiniit saawa, ak geerukusa Hamani, eadaah ea jea gwasinda ng'asheega Mordekai; aba gideaba niny nirukusa saawa gideaba niny siida Yahudi gil.

Ebraniya 11:16

Asi ghamneawa aba giduurji, gagaseadayi ng'eanyiida miy, nea diita bea humng'eedean. Hean ASEETA ea moamu ghabwaspwas aba gideaba geeguura ASEETA nyaawa, aba gideaba nisissa saawa mujiini.

GIING'EETA 24:12

Ak gwayeesha, “Ea NG'UTAMIIDA, ASEETA siideanyu haw was Abrahamu, eaniyean nung' danyagaada askweareani, geamuscheey ang'iing'i, ak giihiimu bariinyeega huumwa aba heeda siideanyu haw was Abrahamu.

RITEAYDA 3:16

Una ak gibwadi geat gweargwa fuga Israeli, ak giyeeshi saawa, ‘NG'UTAMIIDA was ASEETA ghweanigeagwa, ASEETA Abrahamu, Isaka, ea Yakobo, gabusean ak gwayi, “Naahidu heedeang'wa ak ea naadaayi gisihindaneegwa aba ng'eanyiida Misri;

RITEAYDA 15:2

NG'UTAMIIDA uurdeanyu gil ea sarmeedeanyu, ak ea niiw lealeanoodeanyu; nih ASEETEANYU ak gaydaduumsa, niny was ASEETA bwaabwa, ak gaydaaghaambiit niny.

GIING'EETA 28:17

Hean ghabeal, ak gwayi, “Hiji ea haloataan! Iyeang'ulayi hiji ea gheeda ASEETA, ak nih ea gidaghuuta humng'eeda.”

RITEAYDA 33:20

Ng'ata gwayeesha, “Mwaydaaha gheamamdeanyu, aba gideaba manda siida jea ghwadaahan ak ea mwami.”

GIIPKEATA DIIGHEANDA 6:3

Ooleeysiinean iit Ea Israeli ak goosisi mureeda, abeeda gajanyasa ghawooda ak gayghoahaada jeacheengeagwa, ghoah gidarukuneata NG'UTAMIIDA was ASEETA ghweanigeagwa aba ng'eanyiida gulda eanooga ea maleeda.