RITEAYDA 3:2 - Bibliyeeda Ghaydit

² Ak gabussa malaykajeanda NG'UTAMIIDA aba hoowa aba beasta yeada jeeda murunjooda, ang'wearda ghwadaah ghwayeat beasta aba murunjooda nea murunjooda ea mwaaga beasta.

RITEAYDA 3:2 Mawu Ofanana

GIING'EETA 21:17

Ng'ata ghwayiiy ASEETA ghuuta baleanda ayeawda; ak gaguursa malaykajeanda ASEETA Hajiri aba humng'eeda, ak gwayeesha, “Goodeawiinyi naaha Hajiri? Adibeali; aba gideaba niyiiy ASEETA ghuuta baleanda aba heeda mida.

GIING'EETA 22:11

Iidu gaguursa malaykajeanda NG'UTAMIIDA aba humng'eeda ak gwayeesha, “Abrahamu, Abrahamu!” Ak gwayeesha, “Aniini geandi hiji.”

GIING'EETA 48:16

Malaykajeanda ghayi lealnanean jeeda ng'asheega sean munyas, daadawa baloojiga ghawooda; nea aba saawa gagasa goobiida ng'eanyiida gheawungeasu, ea gheawunga ghweanigeasu was Abrahamu ea Isaka; Gagasa ghwanyasa eemeeda saang'a aba badayda ng'eanyiida.”

NYIIGHEEGA 66:12

Ang'iing'i ginung' ghwadataseasa buuneeda; ak geesikchi jeeda beasta ea jeeda beega; ak ghamneawa ea niyeaneasa heeda sibeayi seayu.

RITEAYDA 19:18

Ak gwarina giijeeda sean bea Sinayi aroosta, aba gideaba ghwararang'aana NG'UTAMIIDA jeeda beasta, ak gwadiyeada aroostida nea gawuurji aroosta beasta duwayda geeyi bwak ea ghaboadan giijeesean.

RITEAYDA 23:20

“Ng'ula gaydeajeagu malaykajeanda goosheedeaweey madeadaang'u, gafurnyi aba naweeda, ak ghwaanyi ea ghoahiitaneey heeda easinneey.

RITEAYDA 24:17

Nea deakta giigheambiita NG'UTAMIIDA gawuurji beasta yeat aba uhuuda giijeeda ak ea daachi aba madeeda fuga Israeli.

RITEAYDA 3:16

Una ak gibwadi geat gweargwa fuga Israeli, ak giyeeshi saawa, ‘NG'UTAMIIDA was ASEETA ghweanigeagwa, ASEETA Abrahamu, Isaka, ea Yakobo, gabusean ak gwayi, “Naahidu heedeang'wa ak ea naadaayi gisihindaneegwa aba ng'eanyiida Misri;

ISAYA 43:2

Inyas giighaawi beega gulda aniini ea ang'iing'i gajeendeayeean, ama inyas giighaawi eeniga ea mayghwaanyi, nea eara iiwi jeeda beasta ea maymurjana, nea eara ng'ushapta beasta ea mayghwaaknyi.

ISAYA 63:9

Nea aba sawanadeeda nyaawa sean, ea miigoojeakta siinuut jea ghaweat, ghwahidu ninyeesean ghaweat. Ak gootina bariinyeagaaschi ea baydeayda ghang'eada garayi ghwasar ak ghwaat.

DANIELI 3:27

Ng'ata ghabwat geat fuga hees, ea sugoodiga bassa, ea sugoodiga hees, ea gweargwa girgweageeda bea sugoocheanda ghwadaah gideaba beasta mandeawana uurda ak ea mii ghwaak sasanuukeaba fugiga; nea buudeega iheenga nyaawa ea mii ghwaak beasta, hang'weaka nyaawa ea mii ghwaak beasta, ak ea manda sasanuuka nyaawa shearooda beasta.

SAKARIYA 13:7

gwayi NG'UTAMIIDA bea lugweega. “Ea ng'uta ng'eada, aba badayda jeagiischoocheandeanyu, ea siida was deanyu.” “Bwara jeagiischoocheanda ak gayghwadarda gisilga. Ak abeeda gaydeageal geatindeanyu heeda dayeega gisilga

MALAKI 3:1

“Ng'ula, Aniini gaydeajeagu giijasoocheandeanyu jea gwasinnean naweeda aba madeedeanyu, ak abeeda Ng'utamiida oogasayi gaygabay ghwahidu jeeda gheeda sibata ASEETA; nea giijasoocheanda neajeeda was dea oogasayi, ng'ula, ghwaan, gwarugu NG'UTAMIIDA bea lugweega.

Marko 12:26

Asaha aba ng'asheesu bea duunoaniin ghayi neada ea miyoasoamwana aba jeeda gitaabooda Musa heeda sing'waar ng'asheega geeta mughuush yeada beasta jeeda? Ghayi aba hoowa ASEETA gwayeesha Musa, ‘Aniini geawooschi ASEETA Abrahamu ea ASEETA Isaka ea ASEETA Yakobo’.

Lukka 20:37

Aba iita gideaba gwaduutu buuneeda, eara Musa ghoahiimu aba jeeda ng'ooruutka iita geeta mughuush damanda guursiina Ng'utamiida was ASEETA Abrahamu ea ASEETA Isaka ea ASEETA Yakobo.

Yohaana 1:14

Ak iidu ghoah Ng'asheandida saseeda ak goobiida jeedeanya, niny ghwanyiit dagheerjeanduumeeda ea huumeanda ak ea sidaayi, giigheambiitaanyi, giigheambiita uurji dea Orjeeda was haghasheeda leabu heeda Bwaabwa.

Ruumi 8:3

Aba gideaba ng'asheegiga mwoamu aba deaweedean, aba gideaba manda uurjeenga aba ng'asheega saseedean, iidu aba giijeaknooda ajeagu ASEETA Orjeedaanyi nea ghwanung' gawuurji siida mideawa riing'eeda, amadu aba badayda riing'eeda iidu goorgweaksa riing'eeda mida saseeda;

GIIPKEATA DIIGHEANDA 33:16

ea haleanjeeda miyaasiin bea ng'eanyiida ea gidanyiita, ea dagheerjeanduumeadaanyi dea abiida jeeda geeta mughuush, ak dahina suh aba badayda uhuuda Yosefu, ea badayda ngoofajeanda mida uhuudaanyi ak gwaheedu aba heeda orjooga ghaamwat.

GIIPKEATA DIIGHEANDA 4:20

Ak ea niyeaneegwa NG'UTAMIIDA, ak gooruuneegwa jeeda duwayda gharinyeanda, aba ng'eanyiida Misri, ak ghoah fugaaschi ambal, ea ghoah ghamneawa.

2 Desaloniikke 1:7

ak gagooneegwa fuufta sea aseasa agoogeeda sisawan, damanda jea eatahaaja Ng'utamiida was Yesu jea gwaleabu humng'eeda sea malaykajeagaaschi mideawa uurjeenga beasta yeat,

FUGA LAJA GIRGWEAGUUTKA 13:13

Gwayeesha malaykajeanda NG'UTAMIIDA heeda Manowa, “Aba jeeda ng'asheega earukusi gatmooda danung' ghoang'waay sean.