RITEAYDA 27:2 - Bibliyeeda Ghaydit

² Sisiina gujaka meadajeagaaschi asang'wan gujakaaschi gajea gilagi sea heeda wagiida, ak gidukuti aba lagheanga oomng'i.

RITEAYDA 27:2 Mawu Ofanana

1 SUGOODIGA 1:50

Hean Adoniya ghoawal Sulemani, hean ghang'eat, ak gawa ak ghoang'waay gujaka heeda wagiida.

1 SUGOODIGA 2:28

Iing'ata gwahissa heeda Yoabu ng'asheesu, aba gideaba Yoabu ghwaat geeshta Adoniya nea ea mwaada geeshta Absalomu Yoabu gafachsa jeeda maheemajeanda NG'UTAMIIDA ak ghoang'waayi gujaka heeda wagiida.

1 SUGOODIGA 8:64

Eaweecheandida sugoocheanda ghoaghaydiit geeda mida bugusta mida madeeda gheeda NG'UTAMIIDA; ak aba hoowa ghoadayda haleanjeeda sisabwa geadi sighwarda ea booga sisabwa geadi ea heeda riisheadi bea hoyyoo, aba gideaba heeda wagiida bea gharinyeanda mida madeeda NG'UTAMIIDA aamwanang' gichea gwasareenuudayi haleanjeeda sigwariida sisabwa geadi, ea gea booga ea gea riisheadi ea gea hoyyoo.

2 SUGOODIGA 16:14

Nea heeda wagiida bea Oormeeda mida madeeda NG'UTAMIIDA, hean ghoang'aamwa madeeda gheeda bea bugusta headaanyi bea wagiida ea gheeda NG'UTAMIIDA, ak gageanu ghwayiin wiilooda ng'eanyiida ghayeawa bea heeda wagiida.

2 DAMANYOOJIGA 4:1

Ng'ata gwasin heeda wagiida sisna lagheanga oomng'i, geawundaanyi geegala geatin diktam nea baraknataanyi geegala geatin diktam, nea geawundaanyi gal humng'eeda geegala geatin damanamughuush.

NYIIGHEEGA 118:27

NG'UTAMIIDA dea was ASEETA, ak niny ea dea gooneasa weeshinda. Ageani damealga geediga bea ghweelmeeda ak gooweayi ea ahita heeda wagiida!

RITEAYDA 27:3

Ak gisini haleanjeadaanyi jea eeyiina deareadaanyi ea mageemboojigaaschi ea gweerajeagaaschi ea gharingaaschi bea geeshatka ea gharingaaschi sigaweaniida haleanjeeni seaniin sinana lagheanga oomng'i.

RITEAYDA 29:12

gaygeani foojeanji ng'ay bea heeyda ak giyiini uhuuda gujaka heeda wagiida aba mooneadaang'u, ak giihiisi foojeanda sea heeda wagiida.

RITEAYDA 38:30

ak gwasina lagheang'su oomng'iin hoorgajeega gidaghuuta maheemajeanda siroondooscheesa, ea lagheanga oomng'i bea heeda wagiida ea gharinyeanda oomu mideawa seawuutka ea haleanjeeda sean bea heeda wagiida,

ESEKIELI 43:15

Ak heeda wagiida bea humng'eeda gajea geatin ang'wan gil, nea heeda wagiida sigwariisa beasta ak gagal humng'eeda gajea gujaw iyeenya gil.

NG'ASHEEGA LAWI 16:18

Ng'ata gaygwarita jarooda heeda wagiida mida madeeda NG'UTAMIIDA ak gwasissa giiduupcheeda, ak gaygageanu foojeanda mwaatkwa bea jurukuta ea foojeanda mbooyda, ak ghwayiin murdajeega heeda wagiida nea gooneaweesa.

NG'ASHEEGA LAWI 4:18

Ak gayghwayiin foojeanda mwaatkwa gujaka heeda wagiida mida heeda maheemajeanda siroondooscheesa mida madeeda NG'UTAMIIDA; nea foojeanda abit gaygoohiisa heeda wagiida sigwariideaysa haleanjeeda ghadooweeda mida gidaghuuta maheemajeanda siroondooscheesa.

NG'ASHEEGA LAWI 4:25

Ak gaygageanu ashoohoocheanda foojeanda mwaatkwa bea haleanjeeda sighadoawanda aba badayda riing'eedean aba mooneadaanyi ak ghwayiin murdajeega heeda wagiida sigwardeay haleanjeeda sighadoawanda ak goohiisa foojeanda abit heeda wagiida sigwariideaysa haleanjeeda ghadooweeda.

NG'ASHEEGA LAWI 4:7

Ak gaygageanu ashoohoocheanda foojeanda mwaatkwa ak ghwayiin ghwanadeeda heeda wagiida ng'andit was madeeda NG'UTAMIIDA mida jeeda maheemajeanda siroondooscheesa, nea foojeanda suurja bea jurukuta gaygoohiisa badayda heeda wagiida ghoah haleanjeeda ghadooweeda sighwarda mida gidaghuuta maheemajeanda siroondooscheesa.

NG'ASHEEGA LAWI 8:15

Ak gwanuus Musa jurukuta, ak gageanu foojeanda, aba mooneadaanyi ak ghwayiin gooneaweesa heeda wagiida, ak ghoamiidu heeda wagiida, ak goohiisa foojeanda hing'eadayda heeda wagiida, ak goombiit gwasin giiduupcheeda.

SAKARIYA 9:15

NG'UTAMIIDA bea lugweega gayghaweat saawa, ak gayghwalas uhuuda weajoodiga nyaawa. Nea ghwali foojeanda nyaawa gawuurji difaayi, ak gajeanyiit gawuurji gweeriida, nea gawuurji gujaka heeda wagiida.

IITOODA 3:31

Haleanjeeda jea gafur sandakwajeanda gil, ea measa, ea hoorgeeda gheaboong'nyeanda, ea heeda wagiida, sea haleanjeedida bea heeda ghaydit gadiydooscheata aba gadiyoojiga nyaawaan, ea hang'da beashooda, ea gadiyoojiga sean deaschi sea gadiyoojigaaschi sean.

Ebraniya 6:18

asi aba jeemba haleanji iyeenya moamu ghwayamwa, nea aba jeedeaba suh ea moamu gwarugu ASEETA ng'uyeega, aseaseeda mang'aw gasa heechea gamng'awsa abeeda ghwanyas giimajeekta ak ghwanyas rarooda ghayi siyiin madeedeanya.