RITEAYDA 24:7 - Bibliyeeda Ghaydit

⁷ Hean gageanu gitaaboodida sing'oorsa neajeedean ak ghoasoamwa aba ghuuta haw nea ghoaleaydiit buuneeda, ng'ata gwayi buuneeda, “Ng'asheega sean rugu NG'UTAMIIDA gajeesina, nea geesisi mureeda.”

RITEAYDA 24:7 Mawu Ofanana

1 SUGOODIGA 8:9

Ak ea manda gil nuut jeeda sandakwajeanda neajeeda geaghus measaji iyeenya bea lagheanga ghayi iin jeeda Musa aba Horebu, heeda sissa NG'UTAMIIDA neajeeda sea fuga Israeli, damanda rinna ng'eanyiida Misri.

2 DAMANYOOJIGA 15:14

Ng'ata gweaksa NG'UTAMIIDA habeawooda aba giijuureanda ea aba nyeashta, ea aba durumbeatajeega, ea aba gujaka.

NYIIGHEEGA 50:5

“Abwadana geat fugeasu doobiiweadi, sin neajeeda sea aniini aba lukghumeeda!”

NYIIGHEEGA 78:36

Hean gwareengani niny aba ghuusiga nyaawa; ak gwarugu ng'uyeega aba ng'ushapkeaka nyaawa.

RITEAYDA 19:8

Ak ghwasha buuneesean nea gwayeesha, “Gajeesina ng'asheega sean rugu NG'UTAMIIDA.” Hean ghwaat Musa iita ng'asheega buuneeda heeda NG'UTAMIIDA.

YEREMIYA 34:13

“Gwayi NG'UTAMIIDA was ASEETA Israeli, ghayi geasinyi neajeeda sea ghweanigeagwa, damanda ghayi earuuni saawa ng'eanyiida Misri abeeda gwanda jeeda soomjeanduumeeda nea geayeenyi.

YEREMIYA 42:6

Ada aamiy ghana ea muy, gajeesisiina mureeda ng'asheanda NG'UTAMIIDA was ASEETEANYA was dea siicheakseey headaanyi, ak abeeda ghamiidu ng'asheega aba heedeanya iisisissi mureeda ng'asheanda NG'UTAMIIDA was ASEETEANYA.”

ESEKIELI 16:8

“Hean iidu nea geasikchi gicha murdeadaang'u ak geang'uleey, ng'ula damandaang'u, abeeda damanda bariinyeega gil, ak geakwealeey aba weeleeda hang'deanyu, ak geadukuti dawiishnataang'u, asaha, geayeakseey habeawooda, ak geasinyi neajeeda sea ang'iing'i ak abeeda guwoosi gatmoodeanyu, gwarugu NG'UTAMIIDA was ASEETA.

MALAKI 2:10

Neada aseasa eesa sean ea meebeahi ghwaanagi? Neada ea masineasa ASEETA asakaleala? Abeeda ghwasaan inyas meendeawani masaweega aba hichpa nuudiini, ak goofooli neajeeda ghweanigaasa?

Gadiyeeda Giijasoodiga 13:15

Iing'ata nea nihit giisoomanda diigheanda ea gitaabooda deaweedeeda Musa ea gea ng'ooruutka sibanga, hean ghang'eat fuga hees bea ghooriida siinealshacheewa ak geecheaksa nea geeyeesha, “Fuga siduupcheewi, iyoondeawi ng'asheanda oogasayi amusa aba badahuukeaba fiisu ak goomajeek goorugu.”

Golosaayi 4:16

Barawajeanji iisiisoamwa aba heedeang'wa, ghoanung' easoamwa eara aba Ganiisa mida Laodikiya, ama diita sing'oorsa Laodokiyahiin ghoasoami agooga.

1 Desaloniikke 5:27

Geamuscheegwa aba badayda Ng'utamiida, oosoamasiina fuga eaduupcheewi sean barawajeanji.

YOSHUWA 24:24

Ghwalamda buuneeda ak gwayeesha Yoshuwa, “Gajeegadiyeesiina NG'UTAMIIDA was ASEETEANYA ak gajeeleeysiina iit ghuutaanyi.”