RITEAYDA 24:11 - Bibliyeeda Ghaydit

¹¹ Ak niny ea miighwayiin geatindaanyi uhuuda gweargwa fuga Israeli, ak geadaah ASEETA ak geeyeagiischi nea geeleeshi.

RITEAYDA 24:11 Mawu Ofanana

GIING'EETA 16:13

Hean gaguursa gheawunga NG'UTAMIIDA ghayi abalool niny, “Ang'iing'i guwoosi ASEETA ang'wearda;” aba gideaba gwayi, “Aba huumwa aniini naadaayi ASEETA ak geapteadi nea geawooschi majeek ak geawooschi majeek iing'ata deakteaba niny.”

GIING'EETA 18:18

jeacheangaaschi gayghwasaang'ayiit ak ghoah eemeeda mideawa uurda, nea aba niny gayghoadaw geat ghawooda eemoojiga sean bea muunda ng'eanyiida.

GIING'EETA 31:54

ng'ata ghoadayda Yakobo lukghumeeda aba uhuuda giijeeda ak gaguursa buweadeagaaschi ghwaak hamita; ak ghwaak hamita ak goobiida eaweesean uhuuda giijeeda.

1 SUGOODIGA 21:8

Ng'ata ghang'oar barawajeanda aba gheawunga Ahabu ak ghang'uda mooneadaanyi, ak goojeakta barawajeega heeda gweargwa ea heeda fuga mideaydooschi Naboti aba jeeda mujiineeda haw.

2 DAMANYOOJIGA 23:20

Ng'ata ghaghwal fuga miineadayiisa buuneeda, ea fuga hees, ea fuga ahaagwiidi buuneeda, ea fuga sean bea ng'eanyiida; ng'ata geahiing'na sugoocheanda jeeda gheeda NG'UTAMIIDA, ak gwasik gidaghuuta heetiyeada ea ghwahita gheeda sugoocheanda. Ak geenung' goopteada aba uhuuda hoorgeeda gheambalmeeda.

NEHEMIYA 2:16

Ak fuga hees ea mwanala heeda eawi ghana gideasinyi; nea miidarukusa eara fuga Yahudi, ghana ashoohoodiga, ghana fuga hees, ghana fuga ghayi sin gadiyeeda.

NYIIGHEEGA 139:5

Nineaweesean bwadaw ea mwadi, ak giyiini geatindaang'u uhuudeanyu.

RITEAYDA 18:12

Hean gageanu Yetroheeda was ghweanda gatmooda Musa ak ghoadaw ASEETA haleanjeeda sisaba geadi bea ghadooweeda sighwarda ea lukghumeeda, iidu ghwahidu Haruni nea goodeana gweargwa sean bea Israeli, ghapka ghwaak mukaate sea ghweanda gatmooda Musa aba madeeda ASEETA.

RITEAYDA 19:21

Ghwalamda NG'UTAMIIDA ak gwayeesha Musa, “Una rarang'aada ak gireekusi buuneeda, gideaba adiidu gwasin naweeda ak ghapka heeda NG'UTAMIIDA, ak goosha gea saang'a aba jeenyaawa.

RITEAYDA 24:1

Ng'ata ghwalamda ak gwayeesha Musa, “Ascheeng'ni apkaana heeda NG'UTAMIIDA, ang'iing'i ea Haruni, Nadabu ea Habihu, ea gwearu laadam ea damanamughuush bea Israeli.

REEKUSIINDA 9:7

Ang'iing'i una heechea una, ak giyaagi hamitaang'u nea gihoosani, ak gileahi difaayeadaang'u nea gahoosan gurooroadaang'u; aba gideaba nimwas ASEETA gadiyoojigaagu.

YEREMIYA 14:3

Fugaaschi hees niijeakta fuga nyaawa nea gadiyeeda gwaramu beega, ghwahita heeda healadeeda ak ea mwanyasa beega, hean gabiigu nea gweana geadi moongoojiga; hean gaba baspaseega nea gwadukuta iheenga nyaawa.

DANIELI 10:17

Gayghoamuustaan siida gadiyeeda bea ng'utamiideanyu goobalool ng'utamiideanyu? Aba gideaba mutandeawa uurda, ak ea mudugwanda jeedeanyu giisiimeanda.”

IITOODA 12:8

Niny gaydeabalool nea geeyamutooschi ghuut, aba gideaba gaydawoos daachi nea mii gwadeagooda; ak niny gayghwadaah ratooda NG'UTAMIIDA. Abeeda ghwasaan agooga inyas moawali arukunana ng'asheega munyas badayda siideanyu bea gadiyeeda, was Musa?”

IITOODA 21:18

Healadeeda ghurghur fuga hees, was dea ng'alda fuga hees bea buuneeda, aba bileangida gheambalmeeda, ea bayiiga nyaawa.” Ak ghabeawa dareapcheeda ea ghwahita Matana,

GIIPKEATA DIIGHEANDA 12:7

ak abeeda aba hoowa gajayeagiischeena aba madeeda NG'UTAMIIDA was ASEETEANG'WA, ak gajahoosana, agooga ea fuga mida jeesinga gealgeagwa, aba gadiyoojiga sean noosinyi, goonyi ghawooda NG'UTAMIIDA was ASEATAANG'U.

GIIPKEATA DIIGHEANDA 4:33

Nea gwanda fiisu aleeysiit ghuuta ASEETA aba bugusta beasta damanyoojiga sean, gawuurji gidiyiing'di ang'iing'i ak ea gudu gwandeawa eaweega?

FUGA LAJA GIRGWEAGUUTKA 13:22

Hean gwayeesha Manowa gatmoadaanyi, “Aba huumwa gajeemeewa, aba gideaba sidaayi ASEETA.”

FUGA LAJA GIRGWEAGUUTKA 5:13

Hean gwararang'eesa ng'eanyi gheaptanga fuga doobiiweadi; fuga NG'UTAMIIDA gwararang'eesa aba badaydaanyi gang'uchi sea fuga hees uurjeeni.