RITEAYDA 23:2 - Bibliyeeda Ghaydit

² Adiyaadi geeshta eemeeda weay gwasin ng'asheega munyas, ghana amaseawa eemeeda weay gamuuwu ng'asheega ng'uyeega, aba gheeda girgweageeda, aba gideaba gaygahuta doobiiwnata siida,

RITEAYDA 23:2 Mawu Ofanana

GIING'EETA 19:4

Iidu damanda miigwala, gwaneaweesa fuga mujiineeda Sodoma gheeda, fuga sean was gheareemanga ea gweargwa ea gagul siida huuydean;

GIING'EETA 6:12

Hean gang'ula ASEETA ng'eanyiida, ak ghwadaah gideaba nimunyiit; aba gideaba naweadinga sean bea buuneeda nimunyasiidi aba badayda ng'eanyiida.

GIING'EETA 7:1

Ng'ata gwayeesha NG'UTAMIIDA Nuhu, “Una jeeda maleambooda, ang'iing'i sea fugeaba gheang'u, aba gideaba naadaayi gideaba guwoosi doabiiwaat aba madeedeanyu aba jeedeaba seaygeani bea ghamneawean.

1 SUGOODIGA 19:10

Gwayeesha, “Aniini naalaji ghuut aba badayda NG'UTAMIIDA, ASEETA bea lugweega; aba gideaba fuga Israeli nihista neajeadaang'u, ak gwanyarja headaang'u bea wagiida, ak ghabwar sibangaagu aba ng'uta; nea aniini ea siipuudan, aniini ak ghwahit, nea saawa ghamneawa gagasa gageanda eaweegeasu.”

AYUBU 31:34

aba gideaba aniini ghaawali eemeeda, nea ghang'udanaan foolda eemeeda ea muuwda, ak ghaasiindi, ak ea meariteawani gidaghuuta–

NYIIGHEEGA 72:2

Gaylacha girgweaguutka buuneadaang'u nea giidoabiiwi, ea fugaagu sisawan ak giirgweaksi.

GHWASIILDEANGA 1:15

Orjeedeanyu adiideayeewi saawa aba naweeda, ak giideali geashtaang'u adagagal naweeda aat saawa.

GHWASIILDEANGA 18:5

Mwadoabiiwa gideaba giiduuksi geaw siida muy, ak ea miidawi gitoobiiwsa siida doabiiwaat.

GHWASIILDEANGA 4:14

Adiyaadi naweeda fuga munyas nea adineayeewi jeeda naweeda fuga munyas.

YEREMIYA 37:15

Hean gwanyareeksa fuga hees Yeremiya ak geabwar ak geejaksa ghealooniga jeeda gheeda Yonatan, was ng'oorshoocheanda, aba gideaba geanung' ghoah gheeda siratiisa buuneeda.

YEREMIYA 37:21

Hean ghwanung' Sedekiya was sugoocheanda goobiida Yeremiya doodooda furiischoodiga, ak geataw galeagasean mukaateanagi leabu heeda fuga sina mukaate, bwak ea goosha mukaateeyda mujiini. Hean goobiita Yeremiya doodooda Furiischoodiga.

YEREMIYA 38:9

“Ea siideanyu haw sugoocheanda, fiisu nisin ng'asheanda muy; sijaksa Yeremiya was sibaneeda jeeda healadeeda, aba huumwa gayghabwar jalooda aba gideaba jeeda mujiini manda hamita.”

ESEKIELI 9:9

Ng'ata gwayeeshiinean, “Riing'eeda fuga Israeli ea Yuda aasaang'a muuchi, ak ng'eanyiida ea ninyiit foojeanda. Nea jeeda mujiini ea manda doobiiwnata aba gideaba gwayi ‘NG'UTAMIIDA ninung'wa heeda ng'eanyiini nea NG'UTAMIIDA ea mwadaaha.’

NG'ASHEEGA LAWI 19:15

“Adiidu ghoalaji girgweageeda nea meatoabiiwi; ak ea adishiidi siida bwarbwar ghana awala gheang'da siida haw, gagasa laja girgweageeda gischeewoocheandaang'u nea giidoabiiwi.

HAGAYI 1:4

“Nih damanda hit aba heedeang'wa gil gideaba gajoopiidana jeesinga gealga miyaas, nea gheeda sibateewean ea nyaraadi?

Marko 15:15

Hean Bilato aba gasooda gasa ghoamiidu gheanyanga eemeeda, gageanu ak gwasiksa Baraba. Hit ghwanung' eegeanu mughoowooda ak geabwar Yesu amahit geayaat eengoorsa uhuuda beehiida.

Lukka 23:51

nea niny ea mamwasa gidagasa saawa ea gissin, nea abeeda goomuuku sugoocheanduumeeda ASEETA.

Gadiyeeda Giijasoodiga 24:27

Muchu nea ning'ata gweanyeew iyeenya, ghoaghiis hoorgeeda Feliksi siisi siguura Barkiyo Festo; ak gagasa gooduupchi geaw fuga Yahudi, muchu Feliksi ghwanung'wa Bawlo ghealooniga.

Gadiyeeda Giijasoodiga 25:9

Festo abeeda gagasa ghoamiidu geaw aba heeda fuga Yahudi, hean ghoanyaash Bawlo nea gwayeesha, “Gigasayi una Yerusalemu ak geergweakseey aba ng'asheesu nea gindi madeedeanyu?”

Ruumi 1:32

Earapeadi nal muuchi diigheanda ASEETA nea fuga sina ng'asheesu gammiisa miyeeda, ea meakghusa gideaba gwasin ng'asheesu, iissa ghamwas eara fuga sina ng'asheesu.

GIIPKEATA DIIGHEANDA 1:17

Adiidu ghoashiichi buuneeda aba lajita girgweaguutka; ooleeysiina iita fuga manang'i ea gea hees aba gilagi; adiidu eara siyagi ghoabealeagwa, aba gideaba girgweaksiinda gaba ASEETA; aba girgweageeda ooraanyi alaja gooyeanean, ak abeeda gaydealeeysa iit aniini.’

GIIPKEATA DIIGHEANDA 16:19

Adiidu gighwani huumeanda doabiiwaat, adiidu gisini shiitmeeda; nea adigeandi haleanjeeda seawshooda, aba gideaba seawshooda iissa gwadukuta gheanyanga siida bwaraawu ak ghwayam girgweageeda fuga doobiiweadi.

GIIPKEATA DIIGHEANDA 24:17

“Adiischoardi gitoobiiwsa rabascheanda ghana siida manda ghwaan, ghana geanda hang'da masinung'weanda ak giyiini raduutka;

YOSHUWA 24:15

Ak iyoadaayi gideaba mwadoabiiwa gadiyeesiinda NG'UTAMIIDA, abeeda ghoaloachi askweareani dea jea agadiyeesiina, ii aseecheeka ghayi gadiyeesa ghweanigeagwa aba ng'eanyiida giigheawda eenda Furati, ghana aseecheeka Amori oopiidi ng'eanyiida nyaawa; ak aniini ea gheanyu, gajeegadiyeesiina NG'UTAMIIDA.”

1 SAMWELI 15:24

Ak gwayeesha Sawli Samweli, “Aniini neasinyi riing'eeda; aba gideaba naanung'waadi diigheanda NG'UTAMIIDA ea ng'asheagaagu, aba gideaba ghaawali buuneeda ak ghaang'waanyi ng'asheega ghuusiga nyaawa.

1 SAMWELI 15:9

Ghoaghu Sawli sea buuneeda Agagi, ea gisilga miyaasiin ea gea dugwa ea haleanjeeda riisheadi, ea dayeega gisilga, ea haleanjeeda sean miyaas, ak ea manuuseada; haleanjeeda sean sifool ea haleanjeeda marachi gil gealas uhuuda.