RITEAYDA 22:9 - Bibliyeeda Ghaydit

⁹ “Gilinyoo gwasheang'nyeesa siida ea niirja ii heeyda gil, ghana digeeda ghana gisilleanda, ghana ea hang'weaka, ghana giliwas sean roat ak gaba siisi ayi ‘Nih deanyu,’ ng'asheesu bea fiisu asiyeenyean gajeayaat madeeda ASEETA, ak siida jea goorgweaksa ASEETA, gayghawalda nibiyeenya aba heeda giischeewoocheandaanyi.

RITEAYDA 22:9 Mawu Ofanana

GIING'EETA 31:39

Dea ak diyeanga, iissa ea meayeaneey; iissa gigasayi aba geatingeasu ak ghaaghiischi aniini, adeejagwat askweari ghana eejagwat eawa.

1 SUGOODIGA 8:31

“Inyas gaygoodiiy siida aba heeda giischeewoocheandaanyi, ak geenung' ghwaak habeawooda, inyas ghoan gweaksa habeawooda madeeda headaang'u wagiida aba jeedeaba gheawi,

2 DAMANYOOJIGA 19:10

Iinyo ghwaan heedeang'wa girgweageeda leabu heeda fuga ooduupcheewi abiita jeeda mujiinajeega nyaawa, was fuga niihiida foojeanda, ghana ea nidatas diigheanda ghana deaweeda, naweadinga ghana girgweaguutka, abeeda gajoorgweaksiina, adiidu gwasin munyinda aba madeeda NG'UTAMIIDA ea moobisiina nyarastaanyi badahuukeagwa ea gea fuga ooduupcheewi. Nih gichea asina gil, ak abeeda ea maygwarina heedeang'wa ramaseanda.

RITEAYDA 22:10

“Siida inyas ghoadaw giischeewoocheandaanyi digeeda, ghana heeyda ghana gisilleanda ghana haleanjeeda was sean goodiiw, ak iidu ghami ghana gagiishachi, ghana ghoareat nea manda siisi daah,

RITEAYDA 22:28

“Adiing'eawayi ASEETA nea adimwashti siida ambal fugaagu.

RITEAYDA 22:4

Gidida jagwat siidideanjiin iisinyasa geatingaaschi nea majeek ii heeyda gil ghanea digeeda ghanea gisilleanda gil, abeeda gayghoadaw siida bea haleanjeeda gajeawala duu iyeenya.

NG'ASHEEGA LAWI 6:5

ghana gida wassean aksa habeawooda aba ng'uyeega; gayghoadealda gidida nea ghoanyiit, ak gayghwayiin uhuuda gideaba muut, ak ghoadaw ninyeeda was dea bea gida, aba eaweeda adaydaawa haleanjeadaanyi ghadoawana giidiinyeanda.

Mattayo 18:15

“Iyadiiyseey orjeeda giyeang'wa, guweesi ak gireekusi nea goobeayi geat. Iimwas gooleeyseey iita abeeda ea ninyasi orjeeda giyeang'wa.

Mattayo 18:35

Asi gwasunu eara Bwaabeeda mida humng'eeda gaygwahinduneegwa eara agooga iimaba siisi samsa orjeeda geanyaawa aba jeadaanyi sean.”

GIIPKEATA DIIGHEANDA 25:1

“Iimida jaliida jeeda buuneeda, ak ghapka gheeda sirgweacha ak gooji fuga laja girgweaguutka ng'asheega nyaawa, ak gwasiksa siida manda giidiinyeanda ak ghwaaga ghoorjooda dea mideawa giidiinyeanda,