RITEAYDA 21:1 - Bibliyeeda Ghaydit

¹ “Asi ghamneawa suh deaweedajeega jea iina madeenyaawa.

RITEAYDA 21:1 Mawu Ofanana

1 SUGOODIGA 6:12

“Aba ng'asheegeaba gheawi ideasiin, inyas gajang'waanya jeeda diigheanyeekeasu, ak gisisi mureeda deaweedajeegeasu nea giing'waanyi diigheanyeekeasu atamanamughuush ak ghoabeawi jeenyaawa, abeeda gaydaahang'waay ng'asheandeanyu aba headaang'u, ghayi earukusi Dawdeeda was ghweandaang'u.

2 DAMANYOOJIGA 19:10

Iinyo ghwaan heedeang'wa girgweageeda leabu heeda fuga ooduupcheewi abiita jeeda mujiinajeega nyaawa, was fuga niihiida foojeanda, ghana ea nidatas diigheanda ghana deaweeda, naweadinga ghana girgweaguutka, abeeda gajoorgweaksiina, adiidu gwasin munyinda aba madeeda NG'UTAMIIDA ea moobisiina nyarastaanyi badahuukeagwa ea gea fuga ooduupcheewi. Nih gichea asina gil, ak abeeda ea maygwarina heedeang'wa ramaseanda.

NEHEMIYA 10:29

ak gaguuyi sea fuga nyaawa duupchi, ea fuga nyaawa hees, ak gaweay jeeda mooshta ea habeawooda nea gwaneayeewa jeeda deaweedeeda ASEETA, ghayi siitaw Musa was siida gadiyeeda ASEETA, ak ghoang'waay nea gwasin digheanyeeka sean bea NG'UTAMIIDA was Ng'utamiideanya ea deaweedajeagaaschi ea diigheanyeekaaschi.

NYIIGHEEGA 147:19

Ak gwarukusa ng'asheandaanyi Yakobo, nea Israeli gwarukusa diigheanyeekaaschi ea deaweedajeagaaschi.

RITEAYDA 19:7

Hean gawa Musa ak gaguursa gweargwa Israeli, ak gwarukusa aba madeeda nyaawa ng'asheega sean rukusa NG'UTAMIIDA niny.

ESEKIELI 20:11

Ak ghaadawji saawa deaweedajeegeasu nea geahiimsi saawa hamurajeegeasu nea siida jea ghoang'waay suh gayghwanyas eaweega.

ESEKIELI 20:25

Nea ghaadawji saawa deaweedajeegeasu mii miyaas, ea hamurajeegeasu mandeawana eaweega.

NG'ASHEEGA LAWI 18:26

Ak gajeang'waanya deaweedajeegeasu ea diigheanyeekeasu ak ea adoosinyi ng'asheesu munyasiin, ada ea siideaba ng'eang'i gil ghana ea rabascheanda mida jeedeang'wa

NG'ASHEEGA LAWI 18:5

Gajang'waanya deaweedajeegeasu ea diigheanyeekeasu, ak gisini gida ama sin siida gaygoobiida: Aniini geawooschi NG'UTAMIIDA.

NG'ASHEEGA LAWI 19:37

Ak gajang'waanya deaweedajeegeasu ea diigheanyeekeasu sean, ak goosinyi aniini geawooschi NG'UTAMIIDA.”

NG'ASHEEGA LAWI 20:22

“Ak gajeang'waanya deaweedajeegeasu sean ea diigheanyeekeasu sean, ak goosinyi; aba gideaba ng'eanyiini eeyeaneegwa oopiidanean ea mwaaheawaneegwa.

MALAKI 4:4

“Apkaada deaweedeeda siideanyu bea gadiyeeda was Musa, digheanyeeka ea deaweedajeega ghayi earukusi niny aba Horebu aba badayda Israeleesean.

IITOODA 35:24

abeeda gaygooheeli girgweageeda aba siida fut siida ea siida walda mureandooda foojeanda, aba gidabeada deaweedajeega;

IITOODA 36:13

Suh ng'asheega sirugu gil ea girgweageeda, adaw NG'UTAMIIDA fuga Israeli, aba geatinda Musa, aba jeeda mooheeda ng'eanyiida Moabu, neekeewa Yordani, mida ng'eanyiida eenda Yordani mida Yeriko.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

GIIPKEATA DIIGHEANDA 15:12

“Inyas gishaahi siida eemeadaang'u was ng'eedeeda Ebraniya, ghanea gatmooda Ebraniya, gaygagadiyeeseey gweanyeew lah, ama gweaydeaba ispwa gaysiksiina gawa ghabeawa headaang'u.

GIIPKEATA DIIGHEANDA 4:14

Hean gwarukunean NG'UTAMIIDA aba damandida gichea daanaaleagwa digheanyeeka ea deaweedajeagaaschi ak abeeda goosinyi aba ng'eanyiida jea ookeawsiina ak goombali.

GIIPKEATA DIIGHEANDA 4:45

suh ea girgweaksiinda gil ea digheanyeeka ea muuwuunooda rukusa Musa fuga Israeli damanda rinna ng'eanyiida Misri,

GIIPKEATA DIIGHEANDA 4:5

Ng'ula naanaaleagwa digheanyeeka sean ghoah gidarukuneani NG'UTAMIIDA was ASEETEANYU, asisiina mureeda aba ng'eanyiida jea aweayeena jeeda jea oombala.

GIIPKEATA DIIGHEANDA 4:8

Nea gwanda ana eemeeda suuk mideewa digheanyeeka doobiiweadi uurji suh ghamneawa earukuneegwa askweareaniin?

GIIPKEATA DIIGHEANDA 5:1

Hean ghoamughuush Musa fuga sean bea Israeli ak gwayeesha, “Ea Israeli, ooleeysiina iit diigheanyeeka ea deaweedajeega earukuneegwa askweareani, oanaala geat ak gooshageachi geat ak goosinyi.

GIIPKEATA DIIGHEANDA 5:31

Ang'iing'i miinaada aba hiji bea murdeedeanyuun ak gaydarukuneey digheanyeeka sean ea deaweedajeega ea huumeanyeeka jea anaala saawa, ak abeeda gaygwasissa mureeda aba ng'eanyiida aadawji jea goombal.’

GIIPKEATA DIIGHEANDA 6:1

“Suh digheanyeeka gil ea deaweedajeega ea huumeanyeeka ASEETEANG'WA gil jea daanaaleagwa, ak goosisi mureeda aba ng'eanyiida jea ookeawsiina ak goombaliischeewi;

GIIPKEATA DIIGHEANDA 6:20

“Ama anyaashnyi orjoagaagu galanya, ‘Gideabeadaanyi naaha dea huumeanyeeka ea deaweedajeega ea digheanyeeka ghayi rukuneey NG'UTAMIIDA was ASEETEANYA?’

1 Desaloniikke 4:1

Aba huuydeanda, fuga eaduupcheewi, geemuscheegwa nea geamiinyi gheang'deang'wa aba jeeda Ng'utamiida was Yesu, ak gawuurji gissiinaaldaneegwa aba heedeanya gidanisindaneegwa oopiideata nea goohoosanyi ASEETA, ak gawuurji gidoosindi agooga, ak gagasa agooga asina muuchi ea ghwanaawa.