RITEAYDA 20:4 - Bibliyeeda Ghaydit

⁴ “Adisissi geaw sanaamu, ghana gisigala gida wassean mida humng'eeda ghana gida wassean mida badayda ng'eanyiida, ghana gida wassean mida jeeda beega aba badayda ng'eanyiida

RITEAYDA 20:4 Mawu Ofanana

1 SUGOODIGA 12:28

Hean ghwalach girgweageeda sugoocheanda, ak gwasin muhoow iyeenya bea dahaabu. Ama ng'ata gwayeesha buuneeda, “Nooweayi Yerusalemu gil geaw. Ang'ula aseecheekeagwa, Ea Israeli, aruunaneegwa ng'eanyiida Misri.”

2 SUGOODIGA 17:12

Nea gagadiiyeesa sanaamu, dea ghayi heawa NG'UTAMIIDA, “Adoosinyi ng'asheanji.”

2 DAMANYOOJIGA 33:7

Ng'ata ghwayiin sanaamooda sin jeeda gheeda ASEETA, ghayi eesha ASEETA Dawdi ea orjeedaanyi was Sulemani, “Aba jeedeaba gheawi, ea aba Yerusalemu, ghayi naaloachi aba jeeda eemoojiga sean bea Israeli, gaydamiinda gheawungeasu damanda manda muudeanooda;

NYIIGHEEGA 78:58

Ghoanyareas niny aba heeda nyaawa diyeada, ak ghwasasat gwashissa ghaang' sanaamajeega nyaawa sisin.

NYIIGHEEGA 97:7

Ak deapwaaspwaasa buuneesean bada sanaamu, sina ghwarjeeda aba haleanjeeda mwahida; ea aseecheeka sean aghadoawana niny.

RITEAYDA 20:23

Adoosinyi aseecheeka sisna lapiya jea dandeayi sea aniini, ghana adoosisi geat aseecheeka sisna dahaabu.

RITEAYDA 32:1

Iidu nea ghwadaah buuneeda gideaba Musa nishing'da ghwararang'aan aba uhuuda giijeeda, hean ghabwat geat buuneeda ak geeweesa Haruni, ak geeyeesha niny, “Ng'eada, sinneasa aseecheeka, jea gaweay madeedeanya, aba gideaba Musaheeda ghayi aruunaneasa aba ng'eanyiida Misri, meanali gida niibussa niny.”

RITEAYDA 32:23

Aba gideaba gwayeeshiinean, ‘Sinneasa aseecheeka jea goosheedeawaneasa, aba gideaba Musa siida ghayi aruunaneasa ng'eanyiida Misri meanali gidanibussa niny.’

RITEAYDA 32:4

Ng'ata gageanda Haruni dahaabu aba geatinga nyaawa, ak gwasin gili uurji meayda jea eebada, ak gwayeesha, “Suh aseecheekeagwa, Ea Israeli, ghayi aruunaneegwa ng'eanyiida Misri!”

RITEAYDA 32:8

nibean ghwayam geat aba naweeda ghayi earukusi saawa, nisissa geat gili uurji meayda, ak geabwat, nea geataw lukghumeeda nea geeyi, ‘Nih aseecheekaagu gil Ea Israeli, ghayi aruunaneeyi ng'eanyiida Misri!’”

RITEAYDA 34:17

“Adisissi geaw aseecheeka dahaabu.

ISAYA 42:17

Gajeenung' gabiikta bwadaw ak gajeapwaaspwaas muuchi, giika bada sanaamajeega sisna lagheangean, nea gwayeesha sanaamooda sisna lagheangean, “Agooga goowooschi aseecheekaasa.”

ISAYA 42:8

Aniini geawooschi NG'UTAMIIDA, nih gheawungeasu gil; giigheambiiteanyu maydaadaw siinuut, nea eara giigheambiiteanyu ea maydaadaw sanaamu.

ISAYA 45:16

Fuga sina sanaamu, gajeapwaaspwaas nea gajeanung' gwahirbiban, ak fuga sean gayghang'ut munyinda.

ESEKIELI 20:7

Ak geayeeshi saawa, oang'aamwana geat ng'asheega munyas oosinayi, ak ea adoang'udi geat ririnnyeanda aba sanaamajeega Misri, aba gideaba aniini geawooschi NG'UTAMIIDA was ASEETEANG'WA.

ESEKIELI 8:10

Hean geawi jeeda ak ghaadaayi sanaamajeega diyeanga manang'i ea heeluutka diyeanga ea gea munyas, ea sanaamajeega sean bea fuga Israeli nea sing'waar eeneaweesa ghamarda.

ESEKIELI 8:3

Hean ghoahaakta geadi giduurji geatinda ak ghoang'waay buudeageasu. Ak goodiing'danean guroorooda ASEETA bugusta ng'eanyiida ea humng'eeda, ak ghwaadan ea ghoahiitanaan Yerusalemu, nea geandi jeeda gili siihiimu bea ASEETEAN. Ak ghaahiti heeda gidaghuuta doodooda bea jih mida meatkweeda wiilooda ng'eanyiida ghayeawa, was heeda siyiin sanaamooda was sicheeda aba heeda ASEETA.

NG'ASHEEGA LAWI 19:4

Adiyami geaw ak gibwadi sanaamu ghana asisiina geat sanaamajeega gharinga: Aniini geawooschi NG'UTAMIIDA was ASEETEANG'WA.

NG'ASHEEGA LAWI 26:1

“Adoosisi geat aseecheeka ak ea adoamiindi gidasisina geatinga ghana daraneeda, ak ea adoamiindi lagheaneeda sing'waar aba jeeda ng'eanyiideang'wa, ak googadoowanayi; aba gideaba aniini geawooschi NG'UTAMIIDA was ASEETEANG'WA.

IITOODA 12:8

Niny gaydeabalool nea geeyamutooschi ghuut, aba gideaba gaydawoos daachi nea mii gwadeagooda; ak niny gayghwadaah ratooda NG'UTAMIIDA. Abeeda ghwasaan agooga inyas moawali arukunana ng'asheega munyas badayda siideanyu bea gadiyeeda, was Musa?”

Gadiyeeda Giijasoodiga 17:29

Ak aseasa iisiwooschi diibiga ASEETA, ea mwahida gideaba geenung' gawuurji ASEETA dahaabu, ghana lapiya, ghana lagheaneeda, sin siida ea ghwadaamdaam aba gearinda.

Ruumi 1:23

ak gooyamuuji giigheambiita ASEETA manda muudeanooda ak ghwanung' gawuurji haleanjeeda uurji sea siida jea ghami munyinda ghana dariidaka ghana diyeanga ghana diyeanga badiina ng'eanyi.

GIIPKEATA DIIGHEANDA 16:22

Nea adiidu gimiindi daraneeda, mabwariinya NG'UTAMIIDA was ASEATAANG'U.

GIIPKEATA DIIGHEANDA 27:15

“‘Gagasa eamwaashta siida sina aseecheeka lagheanga ghana gharinga was munyinda aba heeda NG'UTAMIIDA was gadiyeeda geatinga gearnoocheanda, ak ghamiinda aba makcheameeda.’ Ak gaygwayi buuneeda sean, ‘Amin.’

GIIPKEATA DIIGHEANDA 5:8

“‘Adiidu goosisi geat sanaamu jea gawuurji giliwas sean mida humng'eeda ghana gwanda ng'eanyi, ghana gida mida jeeda beega uuta ng'eanyiida.

Giidaheechta 16:2

Gawa malaykajeanda madeeda ak ghoahiida gweeriidaanyi aba badayda ng'eanyiida, hean ghoaptu deaneaduutka munyas bea ririnnyeanda mideawa giirooraneedeaba diyeaydideani ak ghaghadoawan gidida siratiida ninyiin.

Giidaheechta 9:20

Nea buuneeda mwaatkwa, mabwara dawni, ghanyea maduukuunana aba gadiyoojiga nyaawa sin aba geatinga nyaawa ghana ghwanung'waada ghadoowanda meangeenda ea sanaamu sisna dahaabu ea shiliingajeega ea lagheanga areeri ea lagheaneeda ea geeta, nyooh ea moamu ghoang'wearda ghana ghwayiiy ghana gaweelweel;

FUGA LAJA GIRGWEAGUUTKA 17:3

Ng'ata goodeelsa ghaamwat lapiyeeda was sagalama ea bughala. Ak gwayi ghaamwat, “Aniini gaydasach lapiyeeda ghoah gea NG'UTAMIIDA, ghang'amwa geatingeasu ghoah gea baleanda, ak geesina aseeta sideas ea dea sisna gharinga, ak ghamneawa gaydeadeelneeyi.”