RITEAYDA 2:23 - Bibliyeeda Ghaydit

²³ Hean ng'ata eawoojiga saang'a ghami sugoocheanda Misri. Ghwanyas fuga Israeli sawanadeeda aba jeeda soomjeandumeeda nyaawa, ak gooyeawda nea gagasa weeta, ak ghwahita shooka nyaawa bea sawanadeeda heeda ASEETA.

RITEAYDA 2:23 Mawu Ofanana

GIING'EETA 16:11

Ng'ata gwayeesha malaykajeanda NG'UTAMIIDA huda, “Ng'ula, gaynyasa baleanda was baleanda; ak gayguureewana gheawungaaschi Shumwaheeli; aba gideaba niyiiy Ng'utamiida sawanadeadaang'u.

GIING'EETA 4:10

Ak gwayeesha NG'UTAMIIDA, “Neada ea nisini naaha? Foojeanda orjeeda geamadu gooyeawusean aba ng'eanyi.

NEHEMIYA 9:9

“Ak ghayi gidaahi sawanaduutka ghweanigaasa aba ng'eanyiida Misri, nea giileeysiit shooka nyaawa aba basooda Shaamu,

AYUBU 35:9

“Nea aba hawunda ghwarjeeda nyaawa gooyeawda buuneeda; ak gamus weeta aba bayiiga fuga mideawa uurda.

NYIIGHEEGA 102:1

Ea NG'UTAMIIDA, iinya mooshteanyu bea ghawooda! Dahina shookeasu headaang'u!

NYIIGHEEGA 102:2

Adufunyanaan gheamamdaang'u aba eaweeda sawanadeedeanyu! Aleeysean iitaang'u eaweeda eaguurni ak gibay shaaha ghuuteanyu

NYIIGHEEGA 12:5

“Aba gideaba fuga ng'arng'ari, manda uurjeenga geesawan, aba gidasawaneata fuga ng'arng'ari, asi ghamneawa gaydang'eat,” gwarugu NG'UTAMIIDA; “Gaydayiin niny heeda gasa jea gaba seayu.”

NYIIGHEEGA 18:6

Aba jeeda sawanadeedeanyu geaguursi NG'UTAMIIDA, ak geayeawusi ASEETEANYU ghaweadan. Ak ghwayiiy ghuuteanyu aba gheanyi sibata niny, ak ghwahita shookcheandeanyu iidigaaschi.

RITEAYDA 1:14

Ak ghwanung' ghang'waaniit giibinda nyaawa aba gadiyeeda hang'waay, bea roonghooda ea mwatafwaari, ea gilinyo ea gadiyeeda gil bea jeeda madamnyeanda; nea aba gadiyoojiga nyaawa sean iissa geanung' gwasin nea geesawan.

RITEAYDA 4:19

Ghwalamda NG'UTAMIIDA ak gwayeesha Musa, aba Midiyani, “Biikta ng'eanyiida Misri, aba gideaba fuga ghayi gaseadayi eaweagaagu nimeewa.”

RITEAYDA 6:5

Ak ea mabeachi nih naayiinyi sawanadeeda fuga Israeli nung' fuga Misri gwasinda gadiyeeda soomjooga ak ea naapkaachi neajeedeanyu.

RITEAYDA 6:9

Hean goobalool Musa fuga Israeli ak ea meeleeysiniit Musa, aba gideaba nisawana jeesinga nyaawa aba soomjeandumeeda.

RITEAYDA 7:7

Musa abeeda gaba gweanyeew Seedam, ak Haruni gaba gweanyeew Seedam ea samwagu damanda siipaloola Farao.

ISAYA 19:20

Ak hiji bea wagiidean gayghoah gwadeagooda ea muuwuunooda aba heeda NG'UTAMIIDA lugweega aba ng'eanyiida Misri. Aba gideaba gaygoogeal shooka nyaawa heeda NG'UTAMIIDA aba fuga ghabwas saawa ak gajeeyeasa saawa lealnoocheanda jea ghaweat saawa ak ghoaghu.

ISAYA 5:7

Aba gideaba madamnyeanda sabiibu bea NG'UTAMIIDA lugweega gheeda Israeli gil, nea fuga Yuda ea sabiibooda miy ng'aapta gil; ak ghaghay gideaba gayghwadaah girgweageeda doabiiwaat, nea ghana ghwadaah agita gheanyanga, ghaghay gideaba gayghwadaah doobiiwnata, ak ghwadaah shooka!

IITOODA 20:16

amadu nea geeyeawusi NG'UTAMIIDA, ghwayiiy ghuusigaasa, ak goojeagu malayka, ak gooruuneasa eerinana Misri; ak ghamneawa geendi Gadeshi, was mujiineeda mida murdeeda ng'eanyiideang'wa.

Gadiyeeda Giijasoodiga 7:30

“Ng'ata gweanyeew haradam goobeersa malaykajeanda Musa aba jeeda dareapcheeda neekeewa giijeeda Sinayi, aba ng'ushapta beasta yeada jeeda murunjooda.

GIIPKEATA DIIGHEANDA 24:15

adawa gidageatindaanyi aba damandaanyi, nea miigamikta aseeta (aba gideaba niny ea bwarbwar, aba gideaba nih gidaghus gurooroadaanyi); gajiidu gooyeawusa NG'UTAMIIDA aba badaydaang'u, ak ghoah riing'eeda aba headaang'u.

Yakkobo 5:4

Ang'ula, gidageatinda fuga gadiyeeda lach madameegeagwa, ghayi oaweachi aba milmilanda, ooyeawda; nea shooka fuga lach ea nihita iidiga Ng'utamiida bea lugooda.

FUGA LAJA GIRGWEAGUUTKA 4:3

Ng'ata gooyeawusa fuga Israeli NG'UTAMIIDA nea gagasa weeta; nea abeeda niny ea Yabini gwandeawa mutukwaji bughalaji shageash bea gharinga, hean gwajiir fuga Israeli aba uurda gweanyeew diktam.

1 SAMWELI 12:8

Damanda ghayi beawa Yakobo ng'eanyiida Misri ak ghaghabwas fuga Misri saawa, hean gooyeawusa ghweanigeagwa NG'UTAMIIDA ak goojeagu NG'UTAMIIDA Musa ea Haruni, was fuga ghayi aruudu ghweanigeagwa aba jeeda ng'eanyiida Misri, ak ghoadaw ng'eanyiida goobiida.

1 SAMWELI 9:16

“Numuji damanda uurji nih gaydeajeagu siida jea gwaleabu ng'eanyiida Benjamini, ak gajamwaara niny ghoah siida haw jea goombal fugeasu was Israeli. Gayghaweat fugeasu aba geatinda fuga Filisti; aba gideaba naadaayi sawanadeeda buuneedeanyu, aba gideaba nihidu shooka nyaawa heedeanyu.”