RITEAYDA 19:5 - Bibliyeeda Ghaydit

⁵ Asi ghamneawa inyas gooleeysean iit ak ghoamwaschi ng'asheegeasu, nea ghoang'waanyi neajeedeanyu, abeeda gajawoosa fugeasu miyaasiin aba bugusta buuneesean aba gideaba ng'eanyiisean deanyu,

RITEAYDA 19:5 Mawu Ofanana

GIING'EETA 17:9

Ng'ata gwayeesha ASEETA Abrahamu, “Ak ang'iing'i, gajang'waanya neajeedeanyu, ang'iing'i sea jeacheangaagu aba jeeda seaygoojiga nyaawa.

1 SUGOODIGA 8:53

Aba gideaba ghayi giiheeli sea eemoojiga suurja bea jeeda ng'eanyiida, ghoah fuga jea gwahearaniischi, gawuurji gidaghayi irukuneati aba ghuuta siidaang'u bea gadiyeeda was Musa, damanda iiruudu ghweanigaasa aba ng'eanyiida Misri, Ea NG'UTAMIIDA was ASEETA.”

1 DAMANYOOJIGA 17:22

Ak ginung' ghoah fugaagu was Israeli fugaagu damanda manda muudeanooda; nea ang'iing'i, Ea NG'UTAMIIDA, gihuuwi ASEETA nyaawa.

AYUBU 41:11

Dea asheeda gagoonan gida ng'eaha? Ak gaydeadeelsa, haleanjeeda sean mida hing'eadayda humng'eeda geasu sean.

AYUBU 41:3

Heapi gaygamearmearani muuchi ghana jea gwarukuneey ng'asheega aba garbabanda.

NYIIGHEEGA 135:4

Aba gideaba NG'UTAMIIDA niloosa geaw Yakobo, nea ghoah Israeli buuneadaanyi bea huumwa,

NYIIGHEEGA 24:1

Ng'eanyiida ea haleanjeeda sean mida jeeda gaba NG'UTAMIIDA, ng'eanyiida sea haleanjeeda mida jeeda;

NYIIGHEEGA 25:10

Naweadinga sean bea NG'UTAMIIDA bariinyeega huumwa gil ea doobiiwnata, aba heedeaba fugiga ang'waay neajeadaanyi ea ng'asheagaaschi muuwu.

RITEAYDA 15:26

nea gwayeesha, “Inyas giileeysiit ghuuta NG'UTAMIIDA was ASEATAANG'U, ak gisini ng'asheega doobiiweadi aba madeeda gheanyangaaschi, nea giileeysiit giirukuneey, nea giing'waanyi diigheanyeekaaschi sean, abeeda maydanung' ghoang'waanyi geeyooda wassean ghayi aang'udi fuga Misri aba gideaba aniini geawooschi NG'UTAMIIDA aheapeey.”

RITEAYDA 23:22

“Nea iileeysiit ghuutaanyi aba huumwa, ak gisini ng'asheega sean eargu, abeeda gaydoaw weajoocheanda weajoodigaagu nea geawooschi siida jea gwasawan gea sawanyi.

RITEAYDA 24:7

Hean gageanu gitaaboodida sing'oorsa neajeedean ak ghoasoamwa aba ghuuta haw nea ghoaleaydiit buuneeda, ng'ata gwayi buuneeda, “Ng'asheega sean rugu NG'UTAMIIDA gajeesina, nea geesisi mureeda.”

RITEAYDA 34:9

Ak gwayi, “Iinaanyaschi dagheerjeanduumeeda aba madeadaang'u, Ea NG'UTAMIIDA, geamuscheey NG'UTAMIIDA, una bugusteanya, aba gideaba fiisu eahang'oonyi iheeni, ak gisamsi munyindeanya ea riing'eegaasa, ak ginung' eehearaneeyi.”

RITEAYDA 6:7

ak gaydageandaneegwa awoosa fugeasu, ak gaydoaw ASEETEANG'WA, ak gajanala gideaba geawooschi NG'UTAMIIDA was ASEETEANG'WA ghayi aruunaneegwa jeeda gadiyeeda hang'waay bea fuga Misri.

RITEAYDA 8:22

Eaweedida gaydasach ng'eanyiida Gosheni, mida fugeasu, ak ea maygwanda ghasheang'anga hoowa; ak gaynala gideaba aniini geawooschi NG'UTAMIIDA aba badayda ng'eanyiida.

RITEAYDA 9:29

Ghwalamda Musa ak gwayeesha niny, “Inyas geariti dawa Mujiini, gaydamiinda geatingeasu deageal heeda NG'UTAMIIDA, abeeda gayghwasiinda gighweendandeeda, ak ghwalakta eara roopta lagheanga, ak gaynala gideaba ng'eanyiida gaba NG'UTAMIIDA.

SARMEEDA SULEMANI 8:12

Madamnyeandeanyu bea sabiibu, was deanyu gwanda madeedeanyu; asi ang'iing'i ea Sulemani beaha sagalamnyoojigaagu, ak furiischoodiga fur haghweegean, gajeataw bughalaji iyeenya.

ISAYA 1:19

Inyas ghoamwaschi nea goosinyi mureeda, abeeda gajayaaga haleanjeeda miyaasiin bea ng'eanyiida.

ISAYA 41:8

Ak ang'iing'i, Israeli, siideanyu bea gadiyeeda, Yakobo dea ghayi aaloachi, was jeata Abrahamu, siideanyu eaduupcheewi.

ISAYA 43:1

Ak ghamneawa gwayi NG'UTAMIIDA, ghayi bwanyi ea fuga Yakobo, gwayi dea ghayi sineegwa ea fuga Israeli: “Adibeali aba gideaba nealealneey; neaguurneey aba gheawungaagu, ang'iing'i gibeayean.

ISAYA 56:4

Aba gideaba NG'UTAMIIDA gwayeesha: “Fuga was gulanga gea ang'waay sabaatoheedeanyu, ak ghwaat geeshta ng'asheega aabwariinyi nea ghoang'waay muuchi neajeedeanyu,

YEREMIYA 10:16

Nea fuga gheeh Yakobo ea mawuurji haleanjeeni, aba gideaba niny dea sin haleanji seaniini, nea Israeli ea dooshtaanyi jea gwahearaniischeewa; nea gheawungaaschi ea NG'UTAMIIDA bea lugweega gil.

YEREMIYA 13:11

Aba gidagiritiida hang'da mananda siida, gawuurji gealga sean bea Israeli ea Yuda aghadoawana geat aba heedeanyu, Ng'asheanji gwarugu NG'UTAMIIDA, ak gayghoah fugeasu aba gheawunga, ea aba duumsheesiinda, ea aba giigheambiita, ak ghaheawa gooleeysean iita.

YEREMIYA 7:23

Nea diigheanda aadawji saawa ea nih, ‘Ooleeysiina iita ng'asheegeasu, ak abeeda gaydoaw ASEETEANG'WA, ak gajahuuwa agooga fugeasu; ak goobadiini jeeda naweadinga sean ghayi agoonyeegwa, ak abeeda gajanyasa giibinda.’

ESEKIELI 16:8

“Hean iidu nea geasikchi gicha murdeadaang'u ak geang'uleey, ng'ula damandaang'u, abeeda damanda bariinyeega gil, ak geakwealeey aba weeleeda hang'deanyu, ak geadukuti dawiishnataang'u, asaha, geayeakseey habeawooda, ak geasinyi neajeeda sea ang'iing'i ak abeeda guwoosi gatmoodeanyu, gwarugu NG'UTAMIIDA was ASEETA.

NG'ASHEEGA LAWI 20:24

Ak ghoah gideayeeshiinaneegwa, ‘Gajahearana ng'eanyiida nyaawa, ak gaydagooneegwa ghoah deang'wa, was ng'eanyiida gulda eanooga ea maleeda.’ Aniini geawooschi NG'UTAMIIDA was ASEETEANG'WA, ghayi aheeleeweey fugaagu.

AMOSI 3:2

“Fuga aanali agooga gil ak ghwahit aba jeeda buuneesean mida badayda ng'eanyiida; asi gaydaaganeagwa ghoorjooda aba giidiinyeanyeekeagwa sean.

AMOSI 6:1

“Dashageada gea miyeeni aba Sayuni, ea giika abiitpiit aba uhuuda giijeeda Samariya nea gaba seayuun, fuga siiwal gheang'da bea eemoojiga madeeda, inyeesa gaweesa fuga Israeli!

MALAKI 3:17

“Gayghoah fugeasu, gwarugu NG'UTAMIIDA bea lugweega, aba eaweeteanyu easini gadiyeeda, ak gaydaaghu saawa gawuurji siida aghu orjeedaanyi gadiyeesa niny.

1 Goriinto 10:26

Aba gideaba, “Ng'eanyiida gaba Ng'utamiida, sea haleanjeeda sean mida jeeda.”

1 Goriinto 10:28

(Ama deepa gwayeeshiineey sih, “Gili geataydaawa lukghumajeega,” iidu nea mang'uleey siida ghwanyawa rukuneey, ea aba gidamwachmwach fughareeda,

GIIPKEATA DIIGHEANDA 10:14

Ng'ula humng'eeda gaba NG'UTAMIIDA was ASEATAANG'U ea humng'eeda mida humng'eeda ea ng'eanyiida ea gilinyoo gwanda jeeda;

GIIPKEATA DIIGHEANDA 11:27

gajanyasa ghawooda, inyas gajasisiina mureeda digheanyeeka NG'UTAMIIDA was ASEETEANG'WA earukuneegwa eanean,

GIIPKEATA DIIGHEANDA 14:2

Aba gideaba agooga goowooschi fuga ghaydidi aba heeda NG'UTAMIIDA was ASEETEANG'WA, nea NG'UTAMIIDA ea nigwalneegwa ahuwa fugaaschi jea goombaliischi aba bugusta eemoojiga sean mida badayda ng'eanyiida.

GIIPKEATA DIIGHEANDA 14:21

“Majayaaga musta; giimuusi adawa rabascheanda mida jeesinga mujiinajeagaagu, ak gayghwaak niny, ghana gayshaayda aba heeda bareanoocheanda; aba gideaba goowooschi fuga gheambiideadi aba heeda NG'UTAMIIDA was ASEATAANG'U. “Adiidu giiwaali dayeenda mbooyda nea gudugwareer ghaamwat.

GIIPKEATA DIIGHEANDA 26:18

ak ea nirugu NG'UTAMIIDA ak ea ninung' awoosa fugaaschi ahaaghwa ghayi heeleesa, gideaba gajeang'waanya diigheanyeekaaschi sean,

GIIPKEATA DIIGHEANDA 26:19

ak gaygoodiing'daneey una uhuuda eemoojiga sean ghayi sin, aba giigheambiita ea gheawunga ea mureeda, ak gayghoah fuga ghaydidi aba heeda NG'UTAMIIDA was ASEATAANG'U, gawuurji gidaghayi nyaashta.”

GIIPKEATA DIIGHEANDA 28:1

“Inyas giileeysiit ng'asheega ghuuta NG'UTAMIIDA was ASEATAANG'U, ak gisini badiida aba ging'ooyda diigheanyeekaaschi sean earukuneey askweareani, abeeda NG'UTAMIIDA was ASEATAANG'U gayghoaghaambiinyi ea naawana eemoojiga sean bea muunda ng'eanyiida.

GIIPKEATA DIIGHEANDA 28:9

Ak NG'UTAMIIDA gayghwanung' wasa siida ghaydit aba headaanyi, gawuurji gida aksiinda habeawooda, iing'waanyi digheanyeeka NG'UTAMIIDA was ASEATAANG'U, nea giyaadi naweadaanyi.

GIIPKEATA DIIGHEANDA 4:20

Ak ea niyeaneegwa NG'UTAMIIDA, ak gooruuneegwa jeeda duwayda gharinyeanda, aba ng'eanyiida Misri, ak ghoah fugaaschi ambal, ea ghoah ghamneawa.

GIIPKEATA DIIGHEANDA 5:2

NG'UTAMIIDA was ASEETEANYA gwasinuuneasa neajeeda aba uhuuda giijeeda Horebu.

GIIPKEATA DIIGHEANDA 7:6

“Aba gideaba agooga goowooschi eemeeda NG'UTAMIIDA was ASEETA: NG'UTAMIIDA was ASEETA nighwaleagwa ahuwa fugaaschi jea gwahearaniischi, mida bugusta eemoojiga mida badayda ng'eanyiida.

GIIPKEATA DIIGHEANDA 9:29

Nea fiisu ea gaagu gil was fuga jea gwahearaniischi, ilealu aba uurdaang'u ea aba geatindaang'u doabiiwaat.’

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ebraniya 11:8

Aba masaweega gwasin mureeda Abrahamu damanda siguursiina ak gawa ng'eanyiida jea ghwanyasa hearaniischooda; ak gawa, nea mwanala eara heeda gal.

Ebraniya 8:9

ak ea mawuurji neajeeda ghayi iteanyu sea ghweaniga nyaawa aba eaweeda ghayi ang'waanyi saawa geatinda ak gearuuteawi jeeda ng'eanyiida Misri; aba gideaba mudu goobiida jeeda neajeedeanyu, ak ea mudu daduuba saawa aba ginyah Ng'utamiida.

YOSHUWA 24:24

Ghwalamda buuneeda ak gwayeesha Yoshuwa, “Gajeegadiyeesiina NG'UTAMIIDA was ASEETEANYA ak gajeeleeysiina iit ghuutaanyi.”

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

1 SAMWELI 15:22

Ak gwayi Samweli, “Neada NG'UTAMIIDA ghabwariiy muuchi haleanjeeda ghadooweeda sighwarda, gawuurji gheawalmeeda ghuuta NG'UTAMIIDA? Ng'ula, mureeda ghang'al lukghumeeda, nea iing'da ghang'al nagheeda lagweendiga.