RITEAYDA 18:4 - Bibliyeeda Ghaydit

⁴ ak gheawungeaba niirja geeguura Elieseri (aba gideaba gwayi, “ASEETA bwaabwa ghaweadan, ak ghoaghuuhanaan ng'uta Farao”).

RITEAYDA 18:4 Mawu Ofanana

GIING'EETA 49:25

aba ASEETA ghweandaang'u jea ghaweanyi, aba ASEETA hoauur jea gagoonyi ghawooda aba ghawooda leabu humng'eeda sheagi, ghawooda leabu heeda beega mida uuta ng'eanyiida, ghawooda gidinga ea dea jeata,

1 DAMANYOOJIGA 23:15

Orjooga Musa: Gershomu gil, ea Elieseri.

1 DAMANYOOJIGA 23:17

Elieseri gaba orjeanagi was Rehabiyahi gwandeawa diibiga saang'a.

NYIIGHEEGA 18:1

Ea NG'UTAMIIDA, aniini ghaabwariinyeey ang'iing'i guwoosi uurdeanyu.

NYIIGHEEGA 18:48

ak ghoaghuuhan aba heeda weajoodigeasu; asaha, ak goodiing'danean danaawa fuga was weajoodigeasu; ak ghoaghuuhan aba heeda siida ghwarjeeda.

NYIIGHEEGA 34:4

Aniini geagaseadayi NG'UTAMIIDA ak ghwasha ghuuteanyu, ak ghoahaabwan aba muuwdeanyu sean.

NYIIGHEEGA 46:1

ASEETA aba heedeanya dea simng'awiisi gil ea uurda, niny musanyeanda niny weeteanya bea galeagasean aba damanda sawanadeeda.

RITEAYDA 10:28

Ghwalamda Farao ak gwayeesha Musa, “Ng'amwana heedeanyu, ng'ula geaw adagudaadaayeay gicha, inyas gutadaanyi gaymeawa.”

RITEAYDA 2:15

Hean iiy Farao ng'asheesu, gagasa gwanuus Musa. Ng'ata gamng'aw Musa aba madeeda Farao ak gawa goobiida ng'eanyiida Midiyani; ak goopteada aba ghuuta healadeeda.

RITEAYDA 2:22

Ak gwaji baleanda, ak gaguura gheawungaaschi Gershomu, aba gideaba gwayi, “Geawooschi rabascheanda aba ng'eanyiida buuneeda.”

RITEAYDA 4:20

Ng'ata gageanu Musa gatmoadaanyi ea orjoagaaschi ak goodiing'da saawa badayda digeeda, ak gabiikta gaweay ng'eanyiida Misri, abeeda geatinda Musa gwanda bileangida ASEETA.

DANIELI 6:22

Goojeagu ASEETEANYU malaykajeandaanyi ak ghwarat ghuusiga ng'anyeeka, ak ea mii gwahindanaan gil, aba gideaba geadaah gideaba meandeawani giidiinyeanda aba madeadaanyi; ea aba madeadaang'u, Ea sugoocheanda, aniini mii deadiiy.”

Gadiyeeda Giijasoodiga 12:11

Biisa gwajeeng'u Betaro ng'asheanji ak gwayi, “Biisa neajeeng'u aba huumwa gideaba Ng'utamiida goojeagu malaykajeandaanyi gwalealnaneani geatinga Herode, ak gooruuteawean jeeda ng'asheega amuukuunaneani fuga Yahudi.”

Gadiyeeda Giijasoodiga 7:29

Iiyiiy Musa ng'asheesu gamng'aw, ak ghoah mang'eaweanyeanda aba ng'eanyiida Midiyani, goobiida hoowa ea gwaji orju iyeenya.

2 Dimoteo 4:17

Ak ea nimiinaadawa Ng'utamiida meatkweedeanyu ak gagoonan uurda aba gideaba gagasa niny darukwiida giijasta miy, ea ghwayiiy eemoojiga sean, ak ghaalaalaani ghuuta ng'adiida.

Ebraniya 11:34

ak gwanuus beasta ng'waan, ak gamng'awa madeeda ng'uta, nea ghwanyas uurda aba jeeda ng'arng'aranda, ak gwandeawa uurda aba jeeda ng'ucheeda, ak ghwanung' gamng'aw lugooda eemoojiga.

Ebraniya 13:6

Hean abeeda gajeamuusa eerukuna nea geesikteawi gideaba, “Ng'utamiida weedaneedeanyu gil, ak aniini ea maydaawal ng'eang'i; siida gaygwasimanean naaha?”