RITEAYDA 15:7 - Bibliyeeda Ghaydit

⁷ Aba hawundaang'u ea nijoari weajoodigaagu; giyeasi nyarastaang'u, ak ghwaakta saawa mbarariida.

RITEAYDA 15:7 Mawu Ofanana

AYUBU 9:4

Niny gwandeawa weaghuumeeda aba jeeda guroorooda, ak gwandeawa uurda, ak ea niihang'waay geaw ak ea ng'eaha dea nijoar–

NYIIGHEEGA 148:13

Ak ea daaghaambiida saawa gheawunga NG'UTAMIIDA, aba gideaba gheawungaaschi nea gaba geaw nighaambiit; alooheadaanyi ghwanaawa ng'eanyiida ea humng'eeda.

NYIIGHEEGA 59:13

lasa uhuuda aba nyarasta, lasa uhuuda ak ginung' gwarooda, ak ghwanal gideaba ASEETA goombal Yakobo ea ghwahita muudeanooda ng'eanyiida.

NYIIGHEEGA 68:33

asarmasiina ninyeeda sik bugusta humng'eeda, humng'eedeaba ghayi ea ghayi; ak ghwanya ghuutaanyi, ghuuta mideawa uurda.

NYIIGHEEGA 83:13

Ea ASEETEANYU, nung' gawuurji sea birjeanda shaarara, gawuurji looyda aba madeeda jeameeda.

RITEAYDA 14:27

Hean ghamiin Musa basooda aba geatindaanyi, iidu nea goorearu aseeta gabiiksiinyi basooda aba uurda ak gwasalda fuga Misri aba madeadaanyi, hean ghwanung' NG'UTAMIIDA ghwaak basooda fuga Misri.

RITEAYDA 5:12

Hean ghwadarda buuneeda aba ng'eanyiisean bea Misri, ak geawaam ramda mida hoorgeeda gwachi bea nyeega.

RITEAYDA 9:16

iidu aba ng'asheanji ghoah gideagooni eaweega ak ghaahiimneegwa uurdeanyu, ak abeeda geerukwiida gheawungeasu aba badayda ng'eanyiisean

ISAYA 37:17

Aleaydiit, Ea NG'UTAMIIDA, ak giyiinyi, ang'wearda ak gidaahi Ea NG'UTAMIIDA, aleeysiiniit ng'asheega Senakeribu ghayi ajeakta goong'eaweey ang'iing'eeda uwoosi ASEETA mideawa eaweega.

ISAYA 37:23

‘Ghayi niing'eawayi ng'eaha ak ea nirukusi ng'eaha ng'asheega munyas? Ak ea nijaadi ghuutaang'u ajuursiina ng'eaha, nea gimachiidi ng'eaha aba ghwarjeeda, mii Deaghaydit bea Israeli!

ISAYA 37:29

Aba gideaba ginyareeksean, ak ea naayiinyi ng'asheagaagu bea ghwarjeeda, asi gaydayiin sidageedeanyu ghwanaghaang' sareadaang'u, nea ghaarachi ghuutaang'u aba ghealoodeanyu, ak gaydaadealdaneey biikta siga naweedida iskuuni.’

ISAYA 37:36

Hean gawa malaykajeanda NG'UTAMIIDA ak ghabwar fih sagalamnyooji bughala ea seedam ea muut, aba heeda mida fuga Ashuru; ghang'eat ng'eat buuneeda nea gudea sakteayda duu gil, geadaah muscheeka sean bea buuneeda.

ISAYA 37:38

Eaweecha nea ghamwaash ASEATAANYI aba gheeda aseeta siguura Nisroki, hean gawa Adrameleki ea Sharesa was orjoagaaschi ghabwar ghwaan aba ng'uta, amang'ata gwasalda gaweay ng'eanyiida Ararati, ak gawa hoorgeadaanyi Esar-hadoni was orjeedaanyi.

ISAYA 47:14

Ng'ula, saawa gawuurji mbarariida gajeami, jea ghwaak beasta; mayghoamu ghaweat geat aba uurda ng'ushapta beasta. Nih mii beasta shang'shang' gil, nea mii beasta jea eeju gil!

ISAYA 5:16

Ak NG'UTAMIIDA bea lugweega siikghaambiit aba girgweageeda doabiiwaat, nea ASEETA Ghaydit ghoahiimu geaw aba doobiiwnata.

ISAYA 5:24

Asi gaygawuurji ng'ushapta beasta inyeesa ghwaak mbarariida gajeami, ea nyeega gajeami abissa jeeda beasta, ak eara hawunga nyaawa gajea munyas, nea eara deakghweeda nyaawa gayghwaraghwaata jeameeda gawuurji birjeanda; aba gideaba ghaheawa deaweedeeda NG'UTAMIIDA lugweega, nea gafool ng'asheandaanyi dea Ghaydit bea Israeli.

YEREMIYA 10:6

Manda siida uurjeeweeyi Ea NG'UTAMIIDA; Ang'iing'i guwoosi haw, nea gheawungaagu gwandeawa uurda.

MIKA 4:11

Ak ghamneawa eemoojiga saang'a ea nibwat geat aba badaydaang'u, nea gwayi, “Gagasa eang'udana ririnnyeanda, ak ghwadaah gheanyangaasa eemeega Sayuni.”

SAKARIYA 14:3

Hean abeeda gayghwahidu NG'UTAMIIDA ak gang'uchi sea eemeeni. Gawuurji gidaghayi ng'ucheata eaweedida.

SAKARIYA 14:8

Eaweedida gaygwarina beega mideawa eaweega Yerusalemu. Mwaatkwa gaygagal basooda mida heeda ghayeawa, nea mwaatkwa gagal basooda mida heeda biyeara. Ak beesu gaygagulda geayda ea muweeda.

SAKARIYA 2:8

Gwarugu NG'UTAMIIDA bea lugweega gideaba iijeadagasa giigheambiitaanyi goojeaktanean eemoojiga ghayi abaleageegwa aba gideaba siida jea ghwasadeagwa ghwasat lagheaneeda gheang'daanyi.

MALAKI 4:1

“Aba gideaba ng'ula, eaweedida gayghwahidu, nea ghwayeat gawuurji duwayda, nea fuga sean bea ghwarjeeda ea fuga sean sin ng'asheega munyas gayghoah mbarariida; nea eaweecheanji jea ghwahiduun gayghwalas uhuuda, gwarugu NG'UTAMIIDA bea lugweega, ak ea mayghwanung'wa heeda hawunyeanda ghana damealeanda.

Mattayo 3:12

Niny gidaanyi aleeliida gwanda geatindaanyi, ak gaygoobuus heeda jea gooleelsa, ak gooweamsa ngaanoadaanyi jeeda gijigooda, nea looyda gayghaghwarda aba beasta maygamis.”

Gadiyeeda Giijasoodiga 9:4

Goobeedeaysa ng'eanyi ak ghwanya ghuuta siida nea gwayeesha, “Sawli, Sawli, ghwasaan anda gighabwaschaan?”

GIIPKEATA DIIGHEANDA 33:26

“Manda dea uurji ASEETA, Ea Yeshuruni, ghwahidu nea gwanda badayda humng'eeda ghaweanyi, ea badayda shamooghuutka aba jeeda giigheambiitaanyi.

GIIPKEATA DIIGHEANDA 4:24

Aba gideaba NG'UTAMIIDA was ASEETEANG'WA gawuurji beasta ng'waan ghwarda gilinyoo ea gili, ASEETA ng'waan jih.

Ebraniya 12:29

aba gideaba ASEETEANYA beasta nyarja haleanjeessean.