RITEAYDA 15:16 - Bibliyeeda Ghaydit

¹⁶ Niibisa muuwda ea giyoonda, aba uurda geatindaang'u ak gwayi saw gawuurji lagheaneeda, ea ghoaghaaw fugaagu, Ea NG'UTAMIIDA ea ghoaghaaw fugaagu ghayi ishaahi

RITEAYDA 15:16 Mawu Ofanana

GIING'EETA 35:5

Iidu nea gaweay, ghang'ut buuneeda muuwda leabu heeda ASEETA ak goobissa mujiinajeega neaweesa saawa, ak ea mudu gamaseaw orjooga Yakobo.

2 SAMWELI 7:23

Gwanda aneamwa jeeda ng'eanyiida uurji fugaagu was Israeli ghayi weah ASEETA ak gwalealu ghoah fugaaschi, ak gwasissa geaw gheawunga, nea gwasissa saawa ng'asheega hees ea gea deamdeameadi, ak giiruuteawi madeeda buuneadaanyi eemeeda sea aseecheeka nyaawa?

NYIIGHEEGA 105:38

Ak gang'weela fuga Misri damanda beawa, aba gideaba ning'ut muuwda aba badahuuka nyaawa.

NYIIGHEEGA 74:2

Apkaada mughuusheanda fugaagu, was gea ghayi inyaksi geaw, eemeeda ghayi ilealu ghoah hearaniischoadaang'u. Apkaada Giijeeda Sayuni, inung' ghoah giibindaang'u.

NYIIGHEEGA 89:14

Doobiiwnata ea girgweageeda sindeeta hoorgeadaang'u; bariinyeega ea huumeanda gwanda madeeda gheanyangaagu.

RITEAYDA 11:7

Nea aba meatkweeda fuga Israeli, ea manda gudeeni reakghuta aba badayda siida ghana diyeayda, ak gajanala gideaba NG'UTAMIIDA niheeli fuga Misri ea fuga Israeli.

RITEAYDA 15:13

“Niidoabiiwi aba bariinyeagaagu bea huumwa fuga ghayi ilealu, ak giihaaghwiidi saawa uurdaang'u.

RITEAYDA 15:5

Ak ea nidukuta saawa basooda haw, ak ea niibita uuta beega gawuurji lagheaneeda.

RITEAYDA 15:6

Ea NG'UTAMIIDA geatindaang'u bea dugwa gwandeawa giigheambiita ea uurda, Ea NG'UTAMIIDA geatindaang'u bea dugwa nijoar weajoodiga.

RITEAYDA 18:8

Hean gwarukusa Musa ghweanda gatmoadaanyi ng'asheega sean sissa NG'UTAMIIDA Farao ea fuga Misri aba badayda fuga Israeli, ea ng'asheega hang'oonyi sean nyas aba naweeda, ea gidaweata NG'UTAMIIDA saawa.

RITEAYDA 20:2

“Aniini geawooschi NG'UTAMIIDA was ASEATAANG'U, ghayi aruunaneey ng'eanyiida Misri, aba gheeda soomjeandumeeda.

RITEAYDA 23:20

“Ng'ula gaydeajeagu malaykajeanda goosheedeaweey madeadaang'u, gafurnyi aba naweeda, ak ghwaanyi ea ghoahiitaneey heeda easinneey.

RITEAYDA 23:22

“Nea iileeysiit ghuutaanyi aba huumwa, ak gisini ng'asheega sean eargu, abeeda gaydoaw weajoocheanda weajoodigaagu nea geawooschi siida jea gwasawan gea sawanyi.

RITEAYDA 23:27

Gaydeajeagu gharbeedeanyu gawa madeadaang'u, ak gaydanung' ghang'ut muuwda fuga sean jea ghapka ng'ucheeda, ak gaydanung' ghwayam geat weajoodigaagu sean gabiikta.

RITEAYDA 6:7

ak gaydageandaneegwa awoosa fugeasu, ak gaydoaw ASEETEANG'WA, ak gajanala gideaba geawooschi NG'UTAMIIDA was ASEETEANG'WA ghayi aruunaneegwa jeeda gadiyeeda hang'waay bea fuga Misri.

ISAYA 51:10

Mii ang'iing'i dea ghayi nung' ghaghajaamiit basooda, ea eeniga sheagachi jeesin; ak ginung' ghoah eeniga sheagachi jih naweadinga ak gwasik fuga silealu?

ISAYA 63:12

Ghayi adoabiiw aba geatindaanyi ghaambiidaat, aba geatinda dugwa bea Musa? Ghayi nung' gwaheeli beega aba madeanyaawa ak gwasissa geaw gheawunga manda muudeanooda.

YEREMIYA 31:11

Aba gideaba NG'UTAMIIDA nisiksa Yakobo nea gootina niny geatinga dea hoauur ea gaburdeawa niny.

ESEKIELI 16:8

“Hean iidu nea geasikchi gicha murdeadaang'u ak geang'uleey, ng'ula damandaang'u, abeeda damanda bariinyeega gil, ak geakwealeey aba weeleeda hang'deanyu, ak geadukuti dawiishnataang'u, asaha, geayeakseey habeawooda, ak geasinyi neajeeda sea ang'iing'i ak abeeda guwoosi gatmoodeanyu, gwarugu NG'UTAMIIDA was ASEETA.

Gadiyeeda Giijasoodiga 20:28

was gea ghayi nung' Guroorooda Ghaydit ahuwa fuga jea ghoahaaghwa, ak goong'ulayi ganiiseeda ASEETA ghayi nyas aba foojeanda Orjeedaanyi bea saseadaanyi.

GIIPKEATA DIIGHEANDA 11:25

Nea ea manda siisi jea ghoamu ghoadealeegwa; NG'UTAMIIDA was ASEETEANG'WA gayghwayiin gharbeeda ea muuwda heedeang'wa aba ng'eanyiida jea ealaabwa ghoah gida ghayi rukuneegwa.

GIIPKEATA DIIGHEANDA 2:25

Eani gaydang'eat dayiin gharbeeda ea muuwda headaang'u aba heeda buuneesean mida hiing'eanooda humng'eeda, gilinyoo ghwayiiy nyeashtaang'u ea ghuutaang'u gayghaboadan aba muuwda aba ng'asheagaagu.’

GIIPKEATA DIIGHEANDA 2:4

Rukusiina buuneeda gideaba niriikghta eakghaawana moonghooda buweadeegeagwa was orjooga Esawu, abiita ng'eanyiida Seiri; ak Gayghoawaleagwa. Asi afura geat;

GIIPKEATA DIIGHEANDA 32:6

Nea gichea oosisiina NG'UTAMIIDEA, ea fuga dasheahi mwanala gil? Niny mii gweanu, ghayi gwasinyi, niny gwasinyi ak ea maygoomajeeknyi?

GIIPKEATA DIIGHEANDA 32:9

Aba gideaba meatkweeda NG'UTAMIIDA fugaaschi gil, Yakobo gealoat aba hearaniischooda.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

YOSHUWA 2:9

ak gwayeesha fugiga, “Ghaanali gideaba NG'UTAMIIDA nigooneegwa ng'eanyiini, ak ea niibiseasa muuwda aba madeedeang'wa, nea fuga sean bea ng'eanyiida ea ninyar aba madeedeang'wa.

YOSHUWA 4:24

ak gayghwanal buuneesean bea badayda ng'eanyiida gideaba geatinda NG'UTAMIIDA gwandeawa uurda; ak abeeda ghoawali NG'UTAMIIDA was ASEETEANG'WA damanda manda muudeanooda.”

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

2 Betro 2:1

Ng'ata gwarina jeeda buuneeda sibanga ng'uyeega earapeadi jea gwanda giinealshoodiga ng'uyeega aba jeedeang'wa, fuga jea gweadu giinealshooda nyariida aba makcheameeda, ak ghwashaang' Siida haw ghayi shaang' saawa, ak gweasa geat nyariida.

1 SAMWELI 2:9

“Gayghoahaaghwa geeshanga fugaaschi doobiiweadi; nea fuga munyas gajeesachsa jeeda misaneeda; aba gideaba siida maygwajooriischeewa uurdaanyi.

1 SAMWELI 25:37

Muchu sakteayda, nea niisheala Nabali booktuumeeda, hean gwarukusa gatmoadaanyi ng'asheesu, ak gagiisan gurooroadaanyi, ak ghwayamwa gawuurji lagheaneeda.