RITEAYDA 13:21 - Bibliyeeda Ghaydit

²¹ Inyeesa askweari goosheedeawa NG'UTAMIIDA saawa aba jeeda shamooghooda uurji daraneeda, aba gideaba ghoadoabiiw naweeda nyaawa, nea eawa ghoadoabiiw daraneeda beasta aba gideaba ghoabwaay naweeda nyaawa aba gideaba gaweay askweari ea eawa,

RITEAYDA 13:21 Mawu Ofanana

NEHEMIYA 9:12

Nea mabeachi suh giidoabiiwi saawa aba daraneeda shamooghooda askweari, nea eawa giidoabiiwi aba daraneeda beasta aba gideaba ghoabwaay naweeda nyaawa jea gwasik.

NYIIGHEEGA 99:7

Aba daraneeda shamooghooda goobalool saawa; ak ghoang'waay ng'asheagaaschi, ea huumeanyeakaaschi ghayi adaw saawa.

GIIPKEATA DIIGHEANDA 1:33

was dea asheedeawaneegwa, ak ghoahiimneegwa heeda jea oongoorsiina maheemajeegeagwa, ak eawa ghoadoabiiweagwa aba beasta, ghoahiimu naweeda jea ayaada, nea askweari ghoadoabiiweagwa aba shamooghooda.

NYIIGHEEGA 105:39

Hean ghoayaaw shamooghooda gookwealsa fugaaschi, nea gooruudu beasta weeshinda eawa.

NYIIGHEEGA 78:14

Ak ghoadoabiiwa shamooghooda askweari, nea eaweesean ghoadoabiiwa weeshinda beasta.

NEHEMIYA 9:19

ak ang'iing'i aba dagheerjeanduumeadaang'u haw, mii nung'usiina saawa jeeda dareapcheeda; nea miighang'amwa heeda nyaawa daraneeda shamooghooda adoabiiw saawa aba jeeda naweeda nyaawa askweari, ak eara daraneeda beasta abwaay naweeda nyaawa eawa ea miighang'amwa heanyaawa.

IITOODA 14:14

ak gaygwayeesha saawa fiisu bea ng'eanyiidean; niyiiy fiisu gideaba ang'iing'i NG'UTAMIIDA gindi jeenyaawa fiisu; aba gideaba ang'iing'i NG'UTAMIIDA goong'uli geat gheanyanga, nea shamooghoadaang'u ghamiinaada aba iheenga nyaawa, ak nea ang'iing'i gindi madeanyaawa giisheedeawi, aba daraneeda shamooghooda askweari, ea daraneeda beasta iihidu eaweeda.

IITOODA 10:34

Nea abeeda gwanda shamooghooda NG'UTAMIIDA iheenga nyaawa askweari, Iinyo gabalaga museasooda.

RITEAYDA 16:10

Damanda duu goobaloola Haruni eemeeda fuga Israeli, hean siing'weersa dareapcheeda, hean geadaah nirdu giigheambiita NG'UTAMIIDA aba jeeda shamooghooda.

GIIPKEATA DIIGHEANDA 31:8

NG'UTAMIIDA niny gaygoosheedeaweey ak gajandeayeena, mayghoashoanyaneey nea maygwanung'seey heeda, adibeali nea adihirbabani.”

NYIIGHEEGA 68:7

Ea ASEETA damanda ibeawi madeeda fugaagu, damanda ilaji bugusta dareapcheeda,

NYIIGHEEGA 77:20

Ak giidoabiiwdi buuneadaang'u gisilga nea ghoadoabiiw Musa ea Haruni.

SARMEEDA SULEMANI 3:6

Siisi siyeeng'na dareapcheedean ng'eaha gil gawuurji daraneeda aroosta, geejooysa geediga ng'andidi ea mughoondooda ea dearanga hideeda ng'andit bea fuga ageakshachi?

RITEAYDA 10:10

Ghwalamda ak gwayeesha saawa, “Gagasa andeawana NG'UTAMIIDA, iyeasikseegwa aweayeena sea orjoogeagwa manang'i! Ashageada gwanda madeedeang'wa sawanadeeni mwanang'

RITEAYDA 32:1

Iidu nea ghwadaah buuneeda gideaba Musa nishing'da ghwararang'aan aba uhuuda giijeeda, hean ghabwat geat buuneeda ak geeweesa Haruni, ak geeyeesha niny, “Ng'eada, sinneasa aseecheeka, jea gaweay madeedeanya, aba gideaba Musaheeda ghayi aruunaneasa aba ng'eanyiida Misri, meanali gida niibussa niny.”