2 “Sheeni gayghoah sheeda jea oong'eeteena sheega, aba heedeang'wa, ak gayghoah aba heedeang'wa sheeda madeeda aba gweayda.
Ak sheeda madeeda nea Nisani gil nea gweaydeaba damaniyeenya aba sugoocheanduumeeda Ahasuero, inyeesa geesin loota siguura Buri aba madeeda Hamani, galeagasean ea gilak sheeda ea ghwahita sheeh damaniyeenya, nea sheeda siguura Adari.
Ghwalamda NG'UTAMIIDA ak gwayeesha Musa ea Haruni aba jeeda ng'eanyiida Misri,
Sheeda madeeda, iibea eaweedeaba damanang'wan bea sheeda, inyeesa shing'ada ghoayaaji mukaateeyda meamwatawiida, ea ghwahita shing'adeeda eaweedeaba diktam ea agi bea sheeda.
Rukusiina fuga sean bea Israeli gideaba inyas eaweedeaba damanamughuush bea sheeni daba siisi geanu gisilleanda aba gealga nyaawa aba mooneeda fugeaba ghoah
Ghwalamda Musa ak gwayeesha buuneeda, “Oapkaada eaweeda ghayi ooriteawi aba ng'eanyiida Misri aba gheeda soomjeandumeeda, gooruunaneegwa NG'UTAMIIDA hoowa aba uurdaanyi haw, ak ea adoayaaji mukaateeyda simwatawiit.
Agooga gooriti nea geeng'usha sheeda, bea damanda heasa boogean.
Gaysina ghweelmeeda mukaateeyda meamwatawiida, gawuurji gidearukuteaydi, gajaga mukaateeyda meamwatawiida eawooji ispwa, gajeesin damanda hit bea sheetamwan ghana ghawghaw, aba gideaba damanda ghayi oorinani ng'eanyiida Misri. Ea manda siida jea ghwahidu madeedeanyu nea manda geatinda gil.
“Gayghamwada ghweelmeeda mukaateeyda meamwaatawiida. Gajaga mukaateeyda meamwatawiida eawooji ispwa, gawuurji gidearukuteaydi nea geenda geashu damanda ghayi oorini Misri.
Hean sheeda madeeda bea gweaydeaba iyeenya, was eaweeda madeeda bea sheeda, geenung' ghamiinaada maheemajeanda.
“Gwayi NG'UTAMIIDA was ASEETA, sheeda madeeda bea eaweeda madeeda bea sheeda gajadayda jurukuta mwanang' manda sirjeeda ak gajamiini heeda ghaydit.
“Eaweedeaba damanamughuush bea sheeda madeeda gajasina ghweelmeeda Basaaka; eawooji ispwa, ak gajayaaga mukaateeyda meamwatawiida.
Aba sheeda madeeda, bea eaweedeaba damanang'wan bea sheeda damandeaba shing'ada, gajea basaakeeda NG'UTAMIIDA.
“Gicha aba sheeda madeeda, eaweeteaba damanang'wan bea sheeda, gajea basaakeeda NG'UTAMIIDA.
“Sisiina mureeda sheeda siguura Abibu, ak gisisi NG'UTAMIIDA was ASEATAANG'U ghweelmeeda Basaaka, aba gideaba sheeda Abibu gooruunaneey NG'UTAMIIDA was ASEATAANG'U ng'eanyiida Misri eawa.