RITEAYDA 11:3 - Bibliyeeda Ghaydit

³ Ak ghoadaw NG'UTAMIIDA buuneeda aba madeeda fuga Misri. Ak ea nalaat Musa ak ea nighayda iitaanyi muuchi aba jeeda ng'eanyiida Misri, ea madeeda Farao ea fugaaschi bea gadiyeeda ea madeeda buuneeda.

RITEAYDA 11:3 Mawu Ofanana

GIING'EETA 12:2

Ak gaydanung' huwa eemeeda haw, ak gaydagoonyi ghawooda, ak gaydanung' gwaheedu gheawungaagu, ak abeeda geegoonyi ghawooda.

GIING'EETA 39:21

Hean goobiida NG'UTAMIIDA was ASEETA badayda Yosefu nea goohiimsa bariinyeega huumwa ak ghwanung' ghamiidu aba madeeda siida haw ambal heeda siratiisa buuneeda.

2 SAMWELI 7:9

ak ea sindeayi aba hiji wassean uwi, ak ea neaheeleeweey weajoodigaagu sean ghang'amwa madeadaang'u; ak gaydanung' gwaheedu gheawungaagu, gawuurji gheawunga fuga hees bea ng'eanyiida.

ESTA 9:4

Aba gideaba Mordekai aahaw aba gheeda sugoocheanda, ak eara aba gisam ea nidarsa darooraka sean; aba gideaba Mordekai gawa mwadi nea gwandeawa uurda haw.

NYIIGHEEGA 106:46

Hean ghwanung' ghabwayda saawa fugiga sean ang'waay saawa ghoah soomjoogean.

RITEAYDA 12:35

Ak gwasinda fuga Israeli gidarukusiinda Musa saawa, ak geegasa aba heeda fuga Misri dabita sisna gharinga sisina lapiya ea dabita sisna dahaabu ea hang'weaka,

RITEAYDA 12:36

ghwanung' NG'UTAMIIDA ghwanyas gheamamda fuga Israeli aba heeda fuga Misri, inyeesa gil mus sean geataw.

RITEAYDA 3:21

Ak gaydaweat fiisu aba madeeda fuga Misri, aba gideaba iiweay ea mwaada geatinga mwadaagha,

ISAYA 60:14

Ak gayghapka orjooga fuga ghayi ghabwasnyi headaang'u ak ghwahiiy geat aba madeadaang'u; ea gea ghayi foolnyi sean gaygwatkuy aba madeeda geeshangaagu, ak gajeeguureewaneey Mujiineeda NG'UTAMIIDA, Sayuneeda dea Ghaydit Asagi bea Israeli.

Gadiyeeda Giijasoodiga 7:22

Musa iidu geenaal weaghuumeeda sea fuga ng'eanyiida Misri, ak ghwanyas uurda aba baloaldaanyi ea sinaweagaaschi.

GIIPKEATA DIIGHEANDA 34:10

Ak ea mii gwardu gicha aba jeeda fuga Israeli sibaneeda uurji Musa, was dea nidaah NG'UTAMIIDA aba gheanyangaaschi,

GIIPKEATA DIIGHEANDA 34:11

manda dea uurji niny ajeakta NG'UTAMIIDA gwasin gwadeagwajeega ea ng'asheega deamdeameadi aba ng'eanyiida Misri, aba heeda Farao ea heeda fugaaschi sean bea gadiyeeda ea ng'eanyiidaanyi sean,

YOSHUWA 4:14

Eaweedida ghoadaw NG'UTAMIIDA hawunda Yoshuwa aba madeeda fuga sean bea Israeli; ak geamiinaada eesisa mureeda gawuurji gidasimiinaadayda ak geesisiinda mureeda Musa aba eawoojiga sean bea eaweagaaschi.

Giidaheechta 3:9

Ng'ula, gaydanung' ghoah fugiga was gheeda siinealshacheewa bea Shataani eena geawooschi Yahudi nea mawoosa ak gwanaba ng'uyeegean, ng'ula, gaydanung' ghapka ak gwatkuy aba madeeda geeshangaagu, ak ghwanal gideaba ghaabwariinyeey.