RITEAYDA 10:9 - Bibliyeeda Ghaydit

⁹ Ghwalamda Musa ak gwayeesha, “Gajeeweaya sea diibigaasa manang'i ea gweargwaasa, ea orjoagaasa ea haweega ea noagaasa ea dugwaasa, aba gideaba gamiiseasa eesisiina NG'UTAMIIDA ghweelmeeda.”

RITEAYDA 10:9 Mawu Ofanana

GIING'EETA 50:8

sea buuneesean bea gheeh Yosefu was orjooga ghaamwat, sea fuga gheanyaawa; ak geaghus diibiga, ea nooga nyaawa, ea dugwa nyaawa nung'usa ng'eanyiida Gosheni.

RITEAYDA 10:10

Ghwalamda ak gwayeesha saawa, “Gagasa andeawana NG'UTAMIIDA, iyeasikseegwa aweayeena sea orjoogeagwa manang'i! Ashageada gwanda madeedeang'wa sawanadeeni mwanang'

RITEAYDA 10:26

Eara dugwaasa mayghwashiy gajeawaasa, majeepuusiina bwadaw eara buuleeda, mayghwashiy gajeawaasa saawa eabwada NG'UTAMIIDA was ASEETEANYA, ak ea meanali dea jea eabwadana NG'UTAMIIDA geaghus eahita hoowa.”

RITEAYDA 12:32

Oawaasa noogeagwa ea dugweagwa, gawuurji gidinyaashti, ak gooweayi, ak googoonyean ghawooda eara aniini!”

RITEAYDA 12:37

Ghang'eada fuga Israeli ng'eanyiida Ramesi ea ghwahita Sukoti, abeeda mooneeda buuneeda weewa geeshanga ea sagalamnyooji lah nea meeyiita gadeemga ea diibiga.

RITEAYDA 12:38

Ghwascheang'da gaweay nea gaguuyi eemeetuw adeayi saawa, ea dugwa saang'a, sea gisilga ea haleanjeeda saang'a.

RITEAYDA 13:6

Gajayaaga mukaateeyda meamwatawiida eawooji ispwa, ak eaweedeaba ispwa gajea ghweelmeeda NG'UTAMIIDA gil.

RITEAYDA 3:18

Ak saawa gayghwayiiy ghuutaang'u, ak gajadeayeewana gweargwa Israeli iyooweayi heeda sugoocheanda Misri ak giyeeshi niny, ‘Siroonyeewi NG'UTAMIIDA was ASEETA fuga Ebraniya, ak ghamneawa geemuscheey eeweaya eawooji samwagu jeeda dareapcheeda eatayda lukghumeeda aba heeda NG'UTAMIIDEANYA was ASEETA.’

RITEAYDA 5:1

Ng'ata gawa Musa ea Haruni heeda Farao ak gwayeesha, “Gwayi NG'UTAMIIDA was ASEETA Israeli, ‘Siksiina fugeasu gaweay, gwasinnean ghweelmeeda aba jeeda dareapcheeda.’”

RITEAYDA 5:3

Hean gwayeesha, “Siroonyeewi ASEETA fuga Ebraniya, asi geemuscheey eeweaya eawooji samwagu aba jeeda dareapcheeda, ak geesisi NG'UTAMIIDA was ASEETEANYA lukghumeeda aba gideaba adiidu ghabwareasa aba dawni ghana ng'uta.”

GHWASIILDEANGA 3:9

Sisiina NG'UTAMIIDA mureeda aba haleanjeadaang'u, ea aba boagaagu sean bea madeeda.

REEKUSIINDA 12:1

Apkaada ASEETA ghayi sinyi aba jeeda gheareemaneanduumeadaang'u, damanda mii ghwahina askwearjoojiga munyas, nea mii gwaneekiit gweanyeeka jea eena, “Aniini meahoosani aba badaydeaba ng'asheanji.”

IITOODA 29:12

“Ak eaweeteaba damanamuut bea sheedeaba ispwa gajea badoodeaba geat ghaydit jea eabwada ASEETA; majasna gadiyeeda wassean oosinayi, ak gajasisiina ghweelmeeda NG'UTAMIIDA eawooji ispwa;

Efeeso 6:4

Ghweaniga, adoonyareesayi diibigeagwa, oareara nea ghoanung' ghwanyas mureeda ea giinealshooda Ng'utamiida.

YOSHUWA 24:15

Ak iyoadaayi gideaba mwadoabiiwa gadiyeesiinda NG'UTAMIIDA, abeeda ghoaloachi askweareani dea jea agadiyeesiina, ii aseecheeka ghayi gadiyeesa ghweanigeagwa aba ng'eanyiida giigheawda eenda Furati, ghana aseecheeka Amori oopiidi ng'eanyiida nyaawa; ak aniini ea gheanyu, gajeegadiyeesiina NG'UTAMIIDA.”