RITEAYDA 1:7 - Bibliyeeda Ghaydit

⁷ Nea fuga Israeli iissa ghoahaada ea ghwasaang'ayiit muuchi; ak ghwadarda nea ghwanyas uurda; ak geeyi bwak ea gwadukuta saawa ng'eanyiida.

RITEAYDA 1:7 Mawu Ofanana

GIING'EETA 1:20

Ak gwayi ASEETA, “Deana beega heeluutka haleanjeeda sean mideawa eaweega, ak ghwanung' ghang'eatng'eata dariidaka aba badayda ng'eanyiida nea gwasik daadaliil aba bugusta humng'eeda.”

GIING'EETA 1:28

Ak ghoadaw ASEETA fiisu ghawooda ak gwayeesha ASEETA fiisu, “Ajiila ak ghoasaang'ayiichi, ak ghoanyiichi ng'eanyiida ak goombali; ak ghoahaaghwi ghweayeega basooda ea dariidaka humng'eeda ea badayba gili wassean mideawa eaweega weelweel aba badayda ng'eanyiida.”

GIING'EETA 12:2

Ak gaydanung' huwa eemeeda haw, ak gaydagoonyi ghawooda, ak gaydanung' gwaheedu gheawungaagu, ak abeeda geegoonyi ghawooda.

GIING'EETA 13:16

Gaydanung' gwadeena jeacheengaagu sigeeda ng'eanyiida; ama mida siida ammu gwayiida sigeeda ng'eanyiida, abeeda eara jeacheengaagu gajeamu eeyiida.

GIING'EETA 15:5

Hean gooruuta jarooda ak gwayeesha, “Ang'weersiina humng'eeda, ak giyiidayi miinga, ea jea amuusa iita.” Ng'ata gwayeesha siidida, “Asi nih gichea gwadeena jeataang'u.”

GIING'EETA 17:16

Gaydaadaw niny ghawooda, ak gaydagoonyi orjeeda aba niny; ak gaydaadaw niny ghawooda, ak gayghoah gheamata eemoojiga; ak gaygwarina headaanyi sugoodiga.”

GIING'EETA 22:17

aba huumwa gaydagoonyi ghawooda, ak gaydanung' ghwasaang'ayiit jeataang'u ea gwadeena miinga humng'eeda ea iseaskweanda ghuuta basooda. Nea jeacheangaagu gayghwajoar weajoodiga nyaawa,

GIING'EETA 26:22

Ghabeawa hoowa ak ghaghurghur healada nuut, iidu nih ea mudu gwajalsa; ak gaguura gheawungaaschi Rehoboti, nea gwayi, “Asi ghamneawa nigooneasa NG'UTAMIIDA giibaldeaba geat ea giibinda ng'eanyiida, ak geejiili aba ng'eang'i.”

GIING'EETA 26:4

Gaydanung' ghwasaang'ayiit jeacheangaagu ea gwadeena miinga humng'eeda, ak gaydaadaw jeacheangaagu darooraksu seaniin; nea aba jeacheangaagu gaydaadaw ghawooda eemoojiga sean bea muunda ng'eanyiida:

GIING'EETA 28:14

ak gaygwadeena jeacheangaagu birjeanda ng'eanyiida ak gajadarda nea goorakti nea ghoatoaschi nea googali wiilooda ng'eanyiida ghayeawa ea googali wiilooda ng'eanyiida biyeara; nea aba badaydaang'u ea jeacheangaagu gayghwanyas ghawooda eemoojiga sean bea muunda ng'eanyiida.

GIING'EETA 35:11

Ng'ata gwayeesha ASEETA niny, “Aniini geawooschi ASEETA hoauur: jiila ak gisaang'ayiidi; jeataang'u gayghoah eemoojiga, ak gaygwaleabu sugoodiga headaang'u.

GIING'EETA 46:3

Ak gwayeesha, “Aniini geawooschi ASEETA, ASEETA ghweandaang'u; adiidu giiwali beata ng'eanyiida Misri; aba gideaba gaydanung' gwaheedu jeataang'u.

GIING'EETA 47:27

Hean goobiida Israeli ng'eanyiida Misri, jeeda ng'eanyiida Gosheni; ak ghwanyas haleanjeeda aba ng'eanyiita, ak gwaji ea ghwasaang'ayiit.

GIING'EETA 48:16

Malaykajeanda ghayi lealnanean jeeda ng'asheega sean munyas, daadawa baloojiga ghawooda; nea aba saawa gagasa goobiida ng'eanyiida gheawungeasu, ea gheawunga ghweanigeasu was Abrahamu ea Isaka; Gagasa ghwanyasa eemeeda saang'a aba badayda ng'eanyiida.”

GIING'EETA 48:4

ak gwayeeshean, ‘Ng'ula, gaydagoonyi jeata, ak ghoasaang'ayiichi, ak gaydanung' ahuwa eemeeda saang'a, ak gaydaadaw jeacheengaagu ng'eanyiini ghoah daanyaawa damanda manda muudeanooda.’

GIING'EETA 9:1

Iidu ghoadaw ASEETA Nuhu ghawooda sea orjoagaaschi, ak gwayeesha, “Ajiila ak ghoasaang'ayiichi, ak ghoanyiichi ng'eanyiida.

NEHEMIYA 9:23

Nea eara jeata nyaawa ginung' ghoahaada ea gawuurji miinga humng'eeda, nea ginung' gaweay saawa jeeda ng'eanyiida ghayi irukusi ghweaniga nyaawa gideaba gaygaweay jeeda goombal.

NYIIGHEEGA 105:24

Hean ghwanung' gwaji fugaaschi muuchi, ak ghwanung' gameanyiidi fugaaschi ea ghang'al weajoodiga nyaawa.

NYIIGHEEGA 107:38

Hean gabadiischeesa ak ghwasaang'ayiit muuchi; ak ea mwanung' ghwasuunya dugwa nyaawa.

RITEAYDA 1:12

Earapeadi sisawaniin, ghoahaada muuchi nea gwadarsa ng'eanyiisean. Ak ghang'ut muuwda fuga Misri aba badayda fuga Israeli.

RITEAYDA 12:37

Ghang'eada fuga Israeli ng'eanyiida Ramesi ea ghwahita Sukoti, abeeda mooneeda buuneeda weewa geeshanga ea sagalamnyooji lah nea meeyiita gadeemga ea diibiga.

RITEAYDA 5:5

Ghwalamda Farao ak gwayeesha, “Ng'ula fugeaba ng'eang'i ghamneawa aasaang'a ak ghamneawa gajanung' gafuufa gadiyeeda nyaawa!”

ESEKIELI 16:7

Nyasa eaweega ak giheedu uurjeewana geeta mida jeeda madamnyeanda, ak gihissi heeda ea huwa huda, ak gwaheetu gidingaagu nea eara buudeagaagu gwaheetu nea abeeda guwoosi dawiish.

Gadiyeeda Giijasoodiga 13:17

Aseeteaba eemeeni bea Israeliin ghayi ghwaloat gheamba ghweanigaasa ak ghwanung' ghoah fuga hees damandida mideewa ng'eanyiida Misri, ak gooruudu aba geatindaanyi.

GIIPKEATA DIIGHEANDA 10:22

Ghweanigaagu gwararang'eesa ng'eanyiida Misri nea ea laadam ea damanamughuush, ak ghamneawa NG'UTAMIIDA was ASEATAANG'U ninung' deeneawana miinga mida humng'eeda aba seang'ayda.

GIIPKEATA DIIGHEANDA 26:5

“Ak girukuti geaw aba madeeda NG'UTAMIIDA was ASEATAANG'U nea giyeeshi, ‘Bwaabwa siida ng'eanyiida Arameni gil, ak gaweelweel ea ghwararang'aada gawa ng'eanyiida Misri ak ghoah rabascheanda aba hoowa, nea geewooschi ng'ay, aba hoowa geeyi bwak ea eahuuwa eemeeda saang'a, mideawa uurda, bwada seang'ayda.