OBADIYA 1:21 - Bibliyeeda Ghaydit

²¹ Fuga ghuh gaygaweay Giijeeda Sayuni ak goombal Giijeeda Esawu; abeeda sugoocheanduumeeda gaygaba NG'UTAMIIDA.

OBADIYA 1:21 Mawu Ofanana

GIING'EETA 25:23

Hean gwayeesha NG'UTAMIIDA gatmooda, “Jeadaang'u gwanda eemooji iyeenya, gayjiila fih iyeenya jea gwaheeli, nea akaleala gaygaburdeawa niirja uurda, nea orjeeda haw gaygagadiyeesa dea mwanang'.”

2 SUGOODIGA 13:5

(Iidu ghoadaw NG'UTAMIIDA fuga Israeli siida jea gawa madeanyaawa ak ghoaghu aba geatinga fuga Shaamu. Hean goobiida fuga Israeli gealga nyaawa nea gawuurji gideaba eawoojisu nea gaba hoyyoo.

NEHEMIYA 9:27

Ak aba seareani ghoah gidiyiisi saawa geatinda weajoodiga nyaawa, geanung' gwasawana saawa; ak aba damandida bea sawanaduutka nyaawaan, hean gooyeawuseey ak giileeysiit saawa nea gindi humng'eeda; nea aba baydeaydaang'u haw giidawi saawa lealeanooda leabu saawa aba geatinda weajoodiga nyaawa.

NYIIGHEEGA 102:15

Ak abeeda gayghoawal eemoojiga gheawunga NG'UTAMIIDA, nea sugoodiga sean bea ng'eanyiida gayghoawal giigheambiitaanyi.

NYIIGHEEGA 22:28

Aba gideaba gheambalmeeda gaba NG'UTAMIIDA; ak niny ea dea ambal eemoojiga.

NYIIGHEEGA 22:29

Niny dea jea gwahiiysa geat fuga ghwarjeeda sean bea ng'eanyiida; madeadaanyi gaygwahiing'sa geat ng'eanyi buuneesean jea gaweay jeeda birjeanda; ea siida moamu ghoaghu eaweagaaschi.

NYIIGHEEGA 47:7

Aba gideaba ASEETA sugoocheanda ng'eanyiisean; asarmanana gearinda.

NYIIGHEEGA 67:4

Dahoosana eemoojiga ak gwasarman nea gang'weela, aba gideaba gajargweaksiina buuneeda nea giidoabiiwi ak giidoabiiwi eemoojiga mida badayda ng'eanyiida.

ISAYA 19:20

Ak hiji bea wagiidean gayghoah gwadeagooda ea muuwuunooda aba heeda NG'UTAMIIDA lugweega aba ng'eanyiida Misri. Aba gideaba gaygoogeal shooka nyaawa heeda NG'UTAMIIDA aba fuga ghabwas saawa ak gajeeyeasa saawa lealnoocheanda jea ghaweat saawa ak ghoaghu.

ISAYA 24:23

Ak sheeda gajeapwaaspwaas, nea aseeta gayghabwaspwas gwadagu; aba gideaba NG'UTAMIIDA lugweega gaygoombal Giijeeda Sayuni ea Yerusalemu, ak gaygoohiimsa gweargwaaschi giigheambiitaanyi.

DANIELI 12:3

Abeeda fugiga weaghoodiin gayghoameang'daayda humng'eeda; nea fuga jea ghwayam fuga saang'a gwasin ng'asheega doobiiweadi gayghoameang'daayda miinga damanda manda muudeanooda.

DANIELI 2:35

ak geehirjeaweada gharinyeanda, ea sheang'weeda, ea shaaba, ea lapiya, ea dahaabu, geehirjeaweada sean, ea gawuurji mbarariida geayda sing'aal ea ghoah dearanga; ak ghwaat jeameeda, ak ea manda heeda jea eanyasa. Nea lagheaneedida nyarja sanaamuun ghoah giijeeda haw ak ghoanyiit ng'eanyiisean.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

YOELI 2:32

Nea abeeda siida wassean jea gaguura gheawunga NG'UTAMIIDA gayghaghu; aba gideaba aba giijeeda Sayuni ea Yerusalemu gaygwanda fuga jea ghaghu, gawuurji gidanyaashta NG'UTAMIIDA; nea fuga abit gayghaghu.’”

MIKA 4:7

nea gea badoojiga gaydanung' ghoah gheaptanga; nea gea sijakta ghoah eemeeda mideawa uurda; ak goombal NG'UTAMIIDA saawa aba giijeeda Sayuni ghang'eada ghamneawa ea ghoah damanda manda muudeanooda.

SAKARIYA 14:9

Ak gayghoah NG'UTAMIIDA sugoocheanda aba badayda ng'eanyiisean; nea eaweedida NG'UTAMIIDA gajea agi nea eara gheawungaaschi gajea agi.

Mattayo 6:10

Sugoocheanduumeadaang'u nung' ghwahidu, Gidigasayi gagasa eesin, aba hiji bea ng'eanyiidean gawuurji gisisiniida aba hoowa bea humng'eedean.

Mattayo 6:13

Adiigealeasa jeeda simsimda, ak giighuuhaneasa gidida muyiin.

Lukka 22:30

Ak gajayeagiischeena nea gooleeshi aba jeeda sugoocheanduumeedeanyu, nea goopiitpiidi hoorgajeega sugoodiga ak goorgweaksi dooshin damaniyeenya bea Israeli.

1 Dimotteo 4:16

Ghamwada saseadaang'u ea giinealshoadaang'u. Abiidana jeedeaba ng'asheesu aba gideaba iisini ng'asheanji gajaghuuha geaw ea fugiga aleeyseey iidiin.

Yakkobo 5:20

abeeda ea danala gideaba siida adeelu siida riing'eeda ea gwarina jeeda ramaseanda naweadaanyi gaygwalealna gurooroadaanyi miyeeda ak gaygwadukuta seang'ayda riing'eega.

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 19:6

Hean ghaayiinyi ghuuta uurji dea eemeetuw, ak ghwanyaashta ghuuta beega saang'a ak gabiissa ghwanyaashta dea giighweandandeeda haw nea gwayi, “Haleluya! Aba gideaba Ng'utamiida was ASEETEANYA Hoauur niimbaliischi.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

FUGA LAJA GIRGWEAGUUTKA 2:16

Muchu gagatkat NG'UTAMIIDA fuga laja girgweaguutka, lealna saawa geatinga fuga ghayi nung' ghoah saawa giing'oonyanga.

FUGA LAJA GIRGWEAGUUTKA 3:9

Ak iidu nea gooyeawusa fuga Israeli NG'UTAMIIDA, ghoadaw NG'UTAMIIDA fuga Israeli lealnoocheanda, lealu saawa, siguura Odinieleeda was orjeeda Genasi, was orjeeda mwanang' bea geenyea Galebu.