OBADIYA 1:17 - Bibliyeeda Ghaydit

¹⁷ Nea aba uhuuda giijeeda Sayuni gaygwanda fugiga ghayi waptaan, ak gajea ghaydit; nea gheeh Yakobo gaygoombal ng'eanyiida nyaawa.

OBADIYA 1:17 Mawu Ofanana

NYIIGHEEGA 69:35

Aba gideaba ASEETA gaygwalealu Sayuni ak ghwadeas mujiinajeega Yuda; ak gaygoobiida jeeda fugaaschi bea gadiyeeda ak goombal;

ISAYA 1:27

Sayuni gajeetin aba girgweaksiinda ea doabiiwaat, nea fugaaschi duukuuna gajeetin aba doobiiwnata.

ISAYA 4:2

Abeeda eaweedida gayghwanung' NG'UTAMIIDA ghaftu geediga miyaasiin nea ghaambiidaat. Ak haghweega geediga ng'eanyiida gajea miyaasiin muuchi, nea gaba leanga aba fugiga bea Israeli ghuhiin.

ISAYA 46:13

Eaweeda lealeanoodeang'wa gaydeaneekiit, biissa ea mudea sheagi, eaweeda jea daalealnaneegwa mayghwashing'da; gaydalealu mujiineeda Sayuni, aba badayda fuga Israeli was giigheambiiteanyu.”

ISAYA 60:21

Abeeda fugaagu gajea doobiiweadi sean, ak gaygwahearan ng'eanyiida damanda manda muudeanooda. Nih damealeanda aang'aapti aniini gil was gadiyeeda geatingeasu, ak abeeda geakghaambiidan.

ISAYA 65:9

Ak gaydaadaw Yakobo jeata, ak gaygwahearan giijeegeasu bea Yuda, ak gaygwahearan dea aaloachi, nea goobiida fugeasu bea gadiyeeda hoowa.

YEREMIYA 31:23

Gwayi NG'UTAMIIDA bea lugweega was ASEETA Israeli; “Inyas geabiikti danung' ghwanyagaada fuga Israeli Abeeda saawa gaygwarukwiida ng'asheesu aba jeeda ng'eanyiida Yuda ea jeeda ng'eanyiidaanyi sean nea gwayi, ‘Gagasa gagoonyi NG'UTAMIIDA ghawooda, Ea ng'eanyiida miy Ea heayeeda ghaydit!’

YEREMIYA 44:14

ak ea manda earagi aba jeeda fuga boos bea Yuda ghayi weay goobiida jeeda ng'eanyiida Misri jea ghawaapta ghana ghaghu gabiikta ng'eanyiida Yuda, was gea gasa gabiikta ak goobiida hoowa; aba gideaba maygabiikta, geaghus gea jea ghaghu.”

YEREMIYA 44:28

Nea giika ghuha ng'utean gaygwariteawa ng'eanyiida Misri ak gaweay jeeda ng'eanyiida Yuda, nea ng'ay moana; sea boosteanga sean bea Yuda, hidu goobiida ng'eanyiida Misri, gayghwanal ng'asheanda jea ghamiinaada deabeang'a, deanyu ghana dea nyaawa.

YEREMIYA 46:28

Adibeali, Ea Yakobo siideanyu bea gadiyeeda, gwarugu NG'UTAMIIDA, aba gideaba aniini geandeayi sea ang'iing'i. Aba gideaba gaydalas uhuuda eemoojiga sean aba heeda ghayi eahooseey, nea ang'iing'i ea maydalasnyi muuchi. Gaydalasnyi aba giteascheeweey, maydanung'waadaneey ea mwaalaseey.”

ESEKIELI 36:12

Asaha gaydeadu buuneeda gaweelweela badahuukeagwa, asaha fugeasu was Israeli, ak saawa gaygoombalnyi. Ak gayhuuwa hearaniischooda nyaawa ak gidang'eada ghamneawa maynung' gameewa diibiga nyaawa.

ESEKIELI 7:16

Nea gea jea gwasalda, gaygwasalda ak gaygaweay iheenga giijeega gawuurji ghariibajeega jeeda moangoachi. Nea gaba nih ayeawda aba riing'eadaanyi.

DANIELI 7:18

Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

YOELI 2:32

Nea abeeda siida wassean jea gaguura gheawunga NG'UTAMIIDA gayghaghu; aba gideaba aba giijeeda Sayuni ea Yerusalemu gaygwanda fuga jea ghaghu, gawuurji gidanyaashta NG'UTAMIIDA; nea fuga abit gayghaghu.’”

YOELI 3:17

“Nih abeeda ea gichea analda gideaba aniini geawooschi NG'UTAMIIDA, was ASEETEANG'WA, abiita Sayuni, was giijeedeanyu ghaydit; ak abeeda Yerusalemu gayghaghaydiit, nea jeadaanyi ea maygwasik rabasta earahay.

YOELI 3:5

Aba gideaba noogeandi lapiyeedeanyu ea dahaabu was dahaaboodeanyu ak ea noogeandi haleanjeedeanyu miyaasiin sibwariiy ak ghoayaachi jeesinga gealgeagwa oobati aseeta.

AMOSI 9:8

Ng'ula, gheanyanga Ng'utamiida was ASEETA gwanda badayda sugoocheanduumeeda riing'eeda, ak gaydanung' goosha aba badayda ng'eanyiida; ak ea maydanung' goosha gheeh Yakobo,” gwarugu NG'UTAMIIDA.

SAKARIYA 8:12

Aba gideaba gaydabiikta deadu hoyyoo jeeda ng'eanyiida ak gayghwaroabwanda gideaba galeagasean, ak gaygwaji ng'eanyiida booga nea gwaji sabiibu muuchi ak gaydaadaw fuga abit bea eemeeni haleanjeeni seaniin ghoah gea nyaawa.

SAKARIYA 8:3

Gwayi NG'UTAMIIDA gaydabiikta Sayuni, ak gaydeabiida bugusta Yerusalemu, nea Yerusalemu gajeeguura mujiineeda huumeanda, nea giijeeda NG'UTAMIIDA bea lugweega geeguura giijeeda ghaydit.

Giidaheechta 21:27

Nea jeadaanyi ghanyea maygawa gidamuy, ghana deasina ng'asheega munyas ghana gea ng'uyeega, geaghus giika sing'oorsa jeeda gitaabooda eaweega bea Dayeenda Gisilleandean.