OBADIYA 1:10 - Bibliyeeda Ghaydit

¹⁰ Ak ng'asheanda muy isisi orjeeda geamadu was Yakobo, gaynyasa baspaseega, ak gajeasachnyi damanda manda muudeanooda.

OBADIYA 1:10 Mawu Ofanana

GIING'EETA 27:11

Ng'ata gwayeesha Yakobo ghaamwat was Rebeka, “Ng'ula, orjeeda iyya niny siida mida saseeda buudeega gil, ak aniini geawooschi siida manda saseeda buudeega.

GIING'EETA 27:41

Hean ghwasit Esawu Yakobo aba badayda ghawooda adaw ghwaan, ng'ata gwayeesha geaw, “Askwearjoojiga jea deayeawda bwaabwa nineekiit; ak abeeda gaydanuus Yakobo.”

2 DAMANYOOJIGA 28:17

Aba gideaba fuga Edomu nibiikta ghwanaaw ak ghwajoar fuga Yuda, ak ghwaat fuga Yuda ghoah giing'oonyanga.

NYIIGHEEGA 109:29

Fuga ahaaktanaan gajeapwaaspwaas; gaygookwealda baspaseega nyaawa hang'da!

NYIIGHEEGA 132:18

Ak gaydeakwealsa weajoodigaaschi baspaseega, nea uhuudaanyi gayghwadaamdaam shiipkaaschi.”

NYIIGHEEGA 137:7

Ea NG'UTAMIIDA, adagwarooseey gidasin fuga Edomu damanda sighasa Yerusalemu, apkaada gidarugu, “Anyarja, anyarja! Gawa ng'eanyi ea ghwahita sindeetaanyi!”

NYIIGHEEGA 69:7

Aba badaydaang'u siipwaaspwaasan, Ak ea nidukuta gheamamdeanyu baspaseega.

NYIIGHEEGA 89:45

Ak ea nisuunyi askwearjoojiga gheareemaneanduumeadaanyi; ak ea niikwealsi niny baspaseega.

GHWASIILDEANGA 10:6

Siida mideawa doobiiwnata gayghwanyas ghawooda, nea ghuuta siida muy ea niing'eat ng'ooweata.

GHWASIILDEANGA 17:5

Siida machiida siida bwarbwar goong'eawi ASEATAANYI, nea dea hoosana aba badayda miyeeda ea mayghwashiy gajeergweaksa.

YEREMIYA 12:14

Gwayi NG'UTAMIIDA aba badayda giischeewdeanyu munyas ghwasat ng'eaha hearaniischooda aadawji fuga Israeli gwahearan: “Ng'ula, gaydearuuteawa jeeda ng'eanyiida nyaawa, ak eara fuga Yuda gaydearuuteawa jeeda nyaawa.

YEREMIYA 3:25

Gagasa eabwadana jeesinga ng'eanyi aba baspaseegaasa, nea gwadukutaneasa nyooteanya bea mureeda; aba gideaba sisinyi riing'eeda aba badayda NG'UTAMIIDA was ASEETEANYA, aseasa ea ghweanigaasa, ghang'eada gheareemaneanduumeedeanya ak ea meesisiini mureeda asi eara aseasa ea miyeesisiina mureeda ghuuta NG'UTAMIIDA was ASEETEANYA.”

YEREMIYA 49:13

Aba gideaba aniini naayaaji habeawooda, gwarugu NG'UTAMIIDA, bea gideaba Bosra gajea muy, ak ea haloat, ea gidarearga, ea gidamuy, ea mooshteayda; nea mujiinajeagaaschi gayghoah eemeega galeagasean.”

YEREMIYA 51:51

‘Aseasa siipwaaspwaaseasa; aba gideaba siyiinyi ng'asheega munyas; gheamamuunatkaasa nidukuta nyigooda, aba gideaba nihidu rabasta jeeda ng'eanyiida ghaydit bea gheeda NG'UTAMIIDA.’

HEAREEGA 4:21

Ng'weela nea gihoosani, Ea hudeaba Edomu, iibiiti ng'eanyiida Usi; eara aba headaang'u gayghang'ata gharajeanda; gayboogida ea jakta hang'da dawshiida.

HEAREEGA 4:22

Lasoodeang'wa bea munyasnacheekeagwa nihita damanda, Ea hudeaba Sayuni, maygudeayaanyi ghealooniga; duuku munyasnacheakaagu, Ea hudeaba Edomu, gajealasnyi, ak gajeajaat riing'eagaagu.

ESEKIELI 35:9

Gaydanung' huwa raghoonyeanda, galeagasean, nea mujiinajeagaagu ea maygoobiita buuneeda. Ak gajanala gideaba aniini geawooschi NG'UTAMIIDA.

ESEKIELI 7:18

Ak saawa gaygookwa guniyajeega, nea ghang'ut muuwda, ak saawa gaygabaspasi nea geereakgh sean iheenga nyaawa.

YOELI 3:19

“Misri gajeang'amwa, nea Edomu gayghoah dareapcheeda manda sih, aba gidasawanda orjooga Yuda; aba gideaba niihiida foojeanda mandeawana giidiinyeanda aba jeeda ng'eanyiida nyaawa.

AMOSI 1:11

Asi gwayi NG'UTAMIIDA: “Fuga Edomu nisin riing'eeda gicha, ak aba sareani gaydalas saawa. Aba gideaba ghwaat geeshta orjeeda ghaamwat aba ng'uta, nea gwajakta baydeayda sean, ak ghabwaashaada nyarastaanyi, ak ghwanyareas damanda manda muudeanooda.

MIKA 7:10

Hean weajoocheandeanyu gayghwadaah, ak gaygwadukuta niny baspaseega ninyeeda eeshiinean, “NG'UTAMIIDA was ASEATAANG'U gwanda yeenu?” Gheanyangeasu gaygang'ula niny; ak ghamneawa gajealaapta ng'eanyi gawuurji sheang'weeda mida naweadinga.

GIIPKEATA DIIGHEANDA 23:7

“Adisti siida Edomu, aba gideaba orjeeda geamadu; ak ea adisti siida Misri, aba gideaba ghayi guwoosi rabascheanda aba ng'eanyiidaanyi.

GIIPKEATA DIIGHEANDA 23:8

Diibiga seaygeedeaba samwagu jea gwayi saawa suh gaygaweay jeeda fuga bwatgeat bea NG'UTAMIIDA.