NEHEMIYA 9:8 - Bibliyeeda Ghaydit

⁸ ak gidaahi gideaba gurooroadaanyi ea doabiiwaat aba madeadaang'u, ak gisini neajeeda sea niny bea gideaba gajadawa jeataanyi ng'eanyiida fuga Ganaani, ea Hiti, ea Amori, ea Beresi, ea Yebusi, ea Girgashi, ak ginung' gwasa ng'asheandaang'u aba gideaba guwoosi doabiiwaat.

NEHEMIYA 9:8 Mawu Ofanana

GIING'EETA 12:7

Hean gabussa NG'UTAMIIDA Abramu ak gwayeesha, “Ng'eanyiini gaydagoonyi ea jeacheangaagu.” Ng'ata gwasissa NG'UTAMIIDA heeda wagiida aba hoowa, nea dea busiinyi sea niny.

GIING'EETA 15:6

Hean ghamwas iita NG'UTAMIIDA; ak aba headaanyi ghwanung' ghoah doobiiwnata.

GIING'EETA 22:12

Ak gwayeesha, “Adiiheaksi orjeeda geatingaagu ghana simana gil; aba gideaba ghamneawa naanali gideaba giiwali gheang'da ASEETA, aba gideaba nukwa muweadanaani orjeedang'u was haghasheeda.”

2 SAMWELI 22:31

ASEETA naweadaanyi ea doabiiwaat; nea heeleesiinda NG'UTAMIIDA ghoahiimu huumeanda; niny igeambooda gil aba heeda fuga salsa niny.

1 DAMANYOOJIGA 1:14

ea fuga Yebusi, ea fuga Amori, ea fuga Girgashi,

1 DAMANYOOJIGA 16:16

Neajeeda ghayi sinuudayi Abrahamu, Ea habeawoadaanyi aksa Isaka;

ESRA 9:15

Ea NG'UTAMIIDA was ASEETA Israeli, ang'iing'i guwoosi dea doabiiwaat aba gideaba aseasa geewooschi fuga siipuut laalaan gawuurji gideaba ghamneawa. Ng'ula geendi madeadaang'u geendeawi giidiinyeanda aba madeadaang'u, ak ea manda siida jea ghamiinaada aba madeadaang'u aba ng'asheanji.”

NEHEMIYA 9:33

Ak ang'iing'i guwoosi doabiiwaat aba badaydeaba ng'asheesu sean sinyaschiin; aba gideaba ang'iing'i gisini gea huumwa, nea aseasa geesinyi gea munyas;

NYIIGHEEGA 116:5

NG'UTAMIIDA gwandeawa miyeenooda, ea doobiiwnata; ASEETEANYA gwandeawa baydeayda.

RITEAYDA 3:17

ak ea neabean dargu gideaba gaydeascheeng'neegwa aba jeeda sawanadeeda fuga Misri, ak gaydeaneegwa ng'eanyiida fuga Ganaani, ea Hiti, ea Amori, Beresi, Hifi, ea Yebusi, was ng'eanyiida gulda eanooga ea maleeda.”’

RITEAYDA 3:8

ak ghaararang'aanyi dalealu aba geatinga fuga Misri, ak geascheeng'ni ng'eanyiita ea ghapka ng'eanyiida miy haw, ng'eanyiida gulda eanooga ea maleeda, ea ghwahiita ng'eanyiida fuga Ganaani, ea Hiti, ea Amori, ea fuga Beresi, ea Hifi, ea fuga Yebusi.

ESEKIELI 33:24

“Ea orjeeda siida, fugiga mida ng'eanyiida was raghoonyeandean, aba ng'eanyiida Israeli, inyeessa gwayi, ‘Abrahamu ghayi ea agi, ak gwahearan ng'eanyiini, ak aseasa geawooschi fuga saang'a geegooneasa ng'eanyiini ghoah hearaniischoodeanya.’

IITOODA 13:29

Amaleki goobiita ng'eanyiida Negebu; ea fuga Hiti, ea fuga Yebusi, ea fuga Amori nea goobiita giijeega, ea fuga Ganaani goobiita ghuuta basooda; ea murdeeda giigheawda Yordani.”

IITOODA 23:19

ASEETA mii siida gil, ea gwarugu ng'uyeega; ak ea mii siida gil, ea gagiisan; Neada iinirgu ng'asheanda, ea maygwasin? Ama nirugu, ea mayghoahiidi?

Gadiyeeda Giijasoodiga 13:22

Iidu nea geegeanda niny, hean ghwaloat Dawdi ghoah sugoocheanda nyaawa; hean gamuuwu ng'asheega badaydaanyi nea gwayi, ‘Naanyaschi aba jeeda Dawdi orjeeda Yese siida mwas guroroodeanyu, ak nih ea siichea gwasin ng'asheega sean eagasayi dasin.’

GIIPKEATA DIIGHEANDA 26:3

Amang'ata giweesi ashoohoocheanda mida gadiyeeda aba damandida, ak giyeeshi niny, ‘Aniini gearugu eaweecheanji aba madeeda NG'UTAMIIDA was ASEETEANYU gideaba naawunyi jeedeaba ng'eanyiini ghayi aksa NG'UTAMIIDA habeawoodean gideaba gayghoadaw ghweanigaasa.’

GIIPKEATA DIIGHEANDA 32:4

“Niny harearacheanda, gadiyeadaanyi ea hidaat aba gideaba naweadingaaschi sean ghwadoabiiw. ASEETA doabiiwaat, mandeawana ng'asheega munyas, niny ea doabiiwaat gaba ng'asheega doobiiweadi.

GIIPKEATA DIIGHEANDA 7:1

“Iimuchu nea gweaneegwa NG'UTAMIIDA was ASEATAANG'U jea oombala, ak gayghahoana madeadaang'u eemoojiga saang'a, siguura fuga Hiti ea Girgashi, ea Amori, ea fuga Ganaani, ea Berisi ea Yebusi, eemooji ispwa hees mideawa uurjeenga burdeaweegwa agooga.

GIIPKEATA DIIGHEANDA 9:5

Nea mii doobiiwnataang'u gil ghanea doobiiwnata gurooroadaang'u gil gideaba ghamneawa gajuna jeeda ng'eanyiida nyaawa ak giimbaliischi, gweagu ramaseanyeeka eemoojisu abeeda NG'UTAMIIDA was ASEATAANG'U hean gwariteawa madeadaang'u, ak ghoahang'waay ng'asheanda abeeda aksa NG'UTAMIIDA habeawooda ghweanigeagwa was Abrahamu, ea Isaka ea Yakobo.

Ditto 1:2

Aba jeeda rarooda eaweega manda muudeanooda, aba heeda ASEETA moamu gwanaba ng'uyeega, sibean eeheeleesa gweanyeeka goola ghang'ata

Ebraniya 11:17

Abrahamu aba masaweega, eaweeda sisimsima, ghoadayda Isaka, nea ninyeeda ghayi nyas heeleesiinda hean gagasa ghoadayda orjeedaanyi was haghasheeda,

Ebraniya 6:18

asi aba jeemba haleanji iyeenya moamu ghwayamwa, nea aba jeedeaba suh ea moamu gwarugu ASEETA ng'uyeega, aseaseeda mang'aw gasa heechea gamng'awsa abeeda ghwanyas giimajeekta ak ghwanyas rarooda ghayi siyiin madeedeanya.

YOSHUWA 11:23

Hean ghoang'waay Yoshuwa ng'eanyiisean, gawuurji gidarukusiinda NG'UTAMIIDA ng'asheega sean Musa; ak ghoadaw Yoshuwa fuga Israeli gwahearan, nea gwaheeli gaba nih bea eemeadaanyi. Ak gwayi saw ng'eanyiida ak ea mudugwanda ng'ucheeda.

YOSHUWA 11:3

ea ghoah fuga Ganaani mida heeda ghayeawa ea heeda biyeara, ea fuga Amori, ea Hiti, ea Berisi, ea Yebusi ea gea mida ng'eanyiida heayeeniga, ea Hifi mida hing'eadayda Hermoni bea ng'eanyiida Mispa.

YOSHUWA 23:14

“Ak ghamneawa aniini gaydabisa dami aba jeeda ng'eanyiida, ak ghoanali gurooruunatkeagwa ea jeesingeagwa, oagasean, gideaba miighoashoanyaneegwa ng'ashaan aba jeeda haleanjeeda miyaasiin sean ghayi rugu NG'UTAMIIDA was ASEETEANG'WA ng'asheega sean nisa aba heedeang'wa, manda eara ng'asheanjagi ashoanyaneegwa.

YOSHUWA 9:1

Iidu nea ghwayiiy ng'asheesu sugoodiga mida giigheawda Yordani bea ng'eanyiida heayeeniga mida jeeda mooheeda ea ghuuta basooda haw deaschi Lebanoni, ea fuga Hiti, ea Amori, ea Ganaani, ea Beresi, ea Hafiti, ea Yebusi iiy ng'asheesu,

1 Yohaana 1:9

Nea iisiduukuuni riing'eegaasa, niny awaam nea doabiiwaat, ak gaygwasamsa riing'eegaasa, ak goohuuneasa aba haleanjeeda sean mwadoabiiwa.