NEHEMIYA 9:6 - Bibliyeeda Ghaydit

⁶ Ghwalamda Esra ak gwayi. “Ang'iing'i guwoosi NG'UTAMIIDA, nea gibwaageaw; nea gibwadi humng'eeda, ea humng'eeda mida humng'eeda, ea lugoadaanyi sean, ea ng'eanyiida ea haleanjeeda sean mida jeeda, ea baskweega ea haleanjeeda sean mida jeesinga nyaawa; nea haleanjeeni seaniin giidiiwi ang'iing'i; nea ghabwannyi lugooda humng'eeda.

NEHEMIYA 9:6 Mawu Ofanana

GIING'EETA 1:1

Ghayi aba giing'eeta ASEETA ghabwat humng'eeda ea ng'eanyiida.

GIING'EETA 1:9

Ak gwayi ASEETA, “Beega mida hing'eadayda humng'eeda dabasiina geat hijagi, ak abeeda gwardu ng'eanyiida ghajaam.” Ak gwasa.

GIING'EETA 2:1

Hean ghwahit humng'eeda ea ng'eanyiida, ea haleanjeadaanyi sean.

GIING'EETA 32:2

hean nea ghwadaah Yakobo malaykajeegiga gwayi, “Suh lugooda ASEETA!” Ak gaguura gheawungeaba ng'eanyiita Mahanaimu.

1 SUGOODIGA 22:19

Ak gwayeesha Mikaya, “Ghamneawa aleaydiit ng'asheanda NG'UTAMIIDA: Ghaadaayi NG'UTAMIIDA nea goopteada aba hoorgeadaanyi, ea giijasoodigaaschi bea humng'eeda nea ghamiinaada aba meadajeagaaschi sean;

1 SUGOODIGA 8:27

“Ghamneawa ASEETA ghoamu goobiida badayda ng'eanyiida? Ng'ula, humng'eeda ea humng'eeda sheagi moamu ghoahiinyi; ak gaygawuurjiin gheawi mwanang' aadeaschiin!

2 SUGOODIGA 19:15

Ak ghamwaash ASEETA Hesekiya aba madeeda NG'UTAMIIDA nea gwayi, “Ea NG'UTAMIIDA was ASEETA Israeli, hoorgeadaang'u iibiiti ghwasuut geeruubajeanda, ang'iing'i geaghusnyi guwoosi ASEETA sugoodiga sean bea badayda ng'eanyiida, ang'iing'i gibwadi humng'eeda ea ng'eanyiida.

2 SUGOODIGA 19:19

Asi ghamneawa Ea NG'UTAMIIDA was ASEETEANYA aghuuhaneasa geatindaanyi, geamuscheey aba gideaba ghwanal sugoodiga ng'eanyiisean gideaba ang'iing'i ak ghwahit guwoosi NG'UTAMIIDA was ASEETA.”

NEHEMIYA 9:5

Hean ghwalamda fuga Lawi ea Yeshuwa, ea Gadimieli, ea Bani, ea Hashabneya, ea Sherebiya, ea Hodiya, ea Shebaniya, ea Betaliya ak gwayeesha, “Amiinaada ak ghoakghaambiichi NG'UTAMIIDA was ASEETEANG'WA ea ghoah damanda manda muudeanooda. Nea geakghambiit gheawungaagu ghaambiidaat ng'ataawa ghawooda sean ea giigheambiita.”

NYIIGHEEGA 102:25

Ghayi garayi gisini sindeeta ng'eanyiida, nea humng'eeda ea gadiyeeda geatingaagu.

NYIIGHEEGA 103:21

Abadiischeesiina NG'UTAMIIDA, agoogeeda oowooschi lugoadaanyi sean, agoogeeda oowooschi fugaaschi bea gadiyeeda oosinayi ng'asheega bwariiyiin!

NYIIGHEEGA 115:15

Gagasa gabadiischooweegwa NG'UTAMIIDA, was dea bwat humng'eeda ea ng'eanyiida!

NYIIGHEEGA 124:8

Weeteanya gwanda jeeda gheawunga NG'UTAMIIDA, was dea sin humng'eeda ea ng'eanyiida.

NYIIGHEEGA 146:6

was dea ghayi bwat humng'eeda ea ng'eanyiida, ea basooda, ea haleanjeeda sean mida jeeda; niny iissa ghoang'waay neajeadaanyi damanda manda muudeanooda.

NYIIGHEEGA 24:10

Neada ea ng'eaha Sugoocheanda ghaambiidaat? NG'UTAMIIDA bea lugweega, niny Sugoocheanda ghaambiidaadi.

NYIIGHEEGA 33:6

Aba ng'asheanda NG'UTAMIIDA geesin humng'eeda, ea lugoadaanyi sean aba aroosta ghuutaanyi.

NYIIGHEEGA 36:6

Doobiiwnataang'u gawuurji giijeega ASEETA, girgweaguutkaagu gawuurji basooda sheagi jih; Ea NG'UTAMIIDA, ang'iing'i gilealu buuneeda ea diyeanga.

NYIIGHEEGA 86:10

Aba gideaba ang'iing'i guwoosi haw nea gisinayi ng'asheega deamdeameadi, ang'iing'i guwoosi ASEETA nea gibwaageaw.

ISAYA 37:16

“Ea NG'UTAMIIDA bea lugweega, ASEETA Israeli mida badayda hoorgeeda gheambalmeeda, ak giibiiti heeda laabwa hoowa geeruubajeanda, ang'iing'i geaghusnyi guwoosi ASEETA sugoodiga sean bea badayda ng'eanyiida, ang'iing'i ghayi gibwadi humng'eeda ea ng'eanyiida.

ISAYA 37:20

Asi ghamneawa, Ea NG'UTAMIIDA was ASEETEANYA, lealnaneasa geatingaaschi, ak ghwanal sugoodiga sean bea badayda ng'eanyiida gideaba ang'iing'i guwoosi NG'UTAMIIDA nea gibwaageaw.”

ISAYA 43:10

“Agooga goowooschi muushoodigeasu,” gwarugu NG'UTAMIIDA, “ea siideanyu bea gadiyeeda aaloachi, ak abeeda ghoanali nea ghoamwaschaan ak ghoanali gideaba aniini geawooschi siidida. Damanda miidahina manda ASEETA nuut nea manda dea jea ghwahidu.

ISAYA 44:6

Gwayi NG'UTAMIIDA was sugoocheanda Israeli was lealnoocheandaang'u was NG'UTAMIIDA lugweega: “Aniini geawooschi dea madeeda ak geawooschi dea huuydean; ak ea manda aseeta nuut geakghusan.

ISAYA 44:8

Adoabeali, nea adaghang'udeagwa muuwda; ghayi garayi ng'asheesu mii daahiimneegwa nea miidarukuneegwa? Nea agooga goowooschi muushoodigeasu! Heapi gwanda ASEETA nuut ng'alaani? Heapi gwanda dea burdeawean uurda? Nih mwaanali.”

ISAYA 45:12

Aniini geasinyi ng'eanyiida, ak geasinyi siida abiita jeeda; ak geasini humng'eeda geatingeasu, ak lugooda sean bea miinga gwanda aba diigheandeanyu.

YEREMIYA 32:17

‘Ea NG'UTAMIIDA was ASEETA, ng'ula ang'iing'i gibwadi humng'eeda ea ng'eanyiida aba uurdaang'u haw ea aba geatindaang'u doabiiwaat manda ng'asheanda hang'waay miimuusi.

ESEKIELI 20:11

Ak ghaadawji saawa deaweedajeegeasu nea geahiimsi saawa hamurajeegeasu nea siida jea ghoang'waay suh gayghwanyas eaweega.

YONA 1:9

Ng'ata gwayeesha fugiga, “Aniini geabeayi Ebraniya; ak geawalayi gheang'da NG'UTAMIIDA, was ASEETA humng'eeda, ghayi sin basooda ea ng'eanyiida ghajaam.”

Yohaana 10:30

Aniini sea Bwaabwa geawooschi gilagi.”

Gadiyeeda Giijasoodiga 4:24

Nea ghwayiiy, gagatkat sean daghanuunatka nyaawa nea googeal heeda ASEETA nea gwayi, “Ng'utamiida Haw, ghayi sin humng'eeda ea ng'eanyiida ea basooda ea haleanjeeda sean mida jeeda,

GIIPKEATA DIIGHEANDA 10:14

Ng'ula humng'eeda gaba NG'UTAMIIDA was ASEATAANG'U ea humng'eeda mida humng'eeda ea ng'eanyiida ea gilinyoo gwanda jeeda;

GIIPKEATA DIIGHEANDA 32:39

“‘Daaha ghamneawa gideaba, Aniini, ea Aniini geawooschi, ak ea manda aseeta nuut murdeedeanyu; gaydanuus ak gaydeaduudu; gaydasawan ak gaydaahaap; ak ea manda siida jea ghoamu ghoaghu aba geatindeanyu.

GIIPKEATA DIIGHEANDA 6:4

“Ea Israeli, aleaydiit gideaba: NG'UTAMIIDA was ASEETEANYA niny NG'UTAMIIDA asagi gil,

Ebraniya 1:3

Aba gideaba niny ghoahiimu weeshinda giigheambiita ASEETA nea gwandeawa giirooraneeda ea seareadaanyi, ak ghwasar ng'eanyiida aba ng'asheandaanyi mideawa uurda. Iing'ata nea nisin giimiinnooda riing'eeda, hean goopteada aba meatkweeda geatinda dugwa bea ASEETA was Ng'utamiida aba hoowa bea dea daliiliin.

Ebraniya 1:6

Ak gicha, iyeadu duweacheadaanyi badayda ng'eanyiida, gwayeesha, “Nung'waada ghaghadoawan niny malaykajeega sean bea ASEETA.”

Giidaheechta 14:7

ak gwayi aba ghuuta haw, “Oawala ASEETA nea ghoatawji niny giigheambiita, aba gideaba damanda girgweageadaanyi nihidu; aghadoawana niny deabwat humng'eeda ea ng'eanyiida, ea basooda ea gheanyanga eenda.”

Giidaheechta 4:11

“Ng'utamiideanya was ASEETA gamiiseey ang'iing'i giigheambiita ea mureeda ea uurda, aba gideaba ghayi gisini haleanjeeda sean, nea aba gidigasiidi gisini ak goobiida.”