NEHEMIYA 9:2 - Bibliyeeda Ghaydit

² Ng'ata gooheeli geat fuga Israeli rabasta sean, ak ghamiinaada ak gwaduukuuna riing'eega nyaawa, ea giidiinyeanyeeka ghweaniga nyaawa.

NEHEMIYA 9:2 Mawu Ofanana

1 SUGOODIGA 8:47

inyas gabumbuniidi gurooruunatka aba ng'eanyiida ghayi siyaat ghoah soomjooga, ak gwaduukuuna, ak gamusnyi aba ng'eanyiida weajoodiga nyaawa, nea gwayi, ‘Sisinyi riing'eeda, ea ng'asheega gwaneadi ea gea munyas’;

ESRA 10:11

Asi aduukuunana aba heeda NG'UTAMIIDA was ASEETA ghweanigeagwa, ak goosindi gidagasiida; ak ghoasaji geat fugeaba ng'eang'i ea gadeemga eemoojiga.”

ESRA 6:21

ak ghwaat fuga Israeli ghayi biikna giibaleakta, ea siida wassean ghasa geaw saawa ak ghwasaja geaw ng'asheega munyas bea fuga jeeda ng'eanyiida ak ghabwat NG'UTAMIIDA, was ASEETA Israeli.

ESRA 9:1

Iing'ata ng'asheesu seaniin ghapka heedeanyu fuga hees ak gwayi, “Fuga Israeli ea ashoohoodiga ea fuga Lawi meang'aamwana geat fugeaba ng'eang'i aba ng'asheega nyaawa munyas bea fuga Ganaani, ea Hiti, ea Berisi, ea Yebusi, ea Amoni, ea Moabu, ea fuga Misri, ea Amori.

ESRA 9:15

Ea NG'UTAMIIDA was ASEETA Israeli, ang'iing'i guwoosi dea doabiiwaat aba gideaba aseasa geewooschi fuga siipuut laalaan gawuurji gideaba ghamneawa. Ng'ula geendi madeadaang'u geendeawi giidiinyeanda aba madeadaang'u, ak ea manda siida jea ghamiinaada aba madeadaang'u aba ng'asheanji.”

ESRA 9:2

Aba gideaba nigeena haweegeaba fiisu ghoah gadeemga nyaawa, ea gadeemga orjooga nyaawa; hean ea niguuyi ghaydidanda nyaawa sea fugeaba ng'eang'i. Ak giidiinyeanda goosheeda gwasin geatinda fuga hees.”

NEHEMIYA 1:6

aleaydiit, ak ginung' ghwajaada gheanyangaagu ak giileeysiit gidamwaash siidaang'u bea gadiyeeda ghamneawa aamoashchi aba madeadaang'u askweari ea eawa aba badayda fuga Israeli was fugaagu bea gadiyeeda, geaduukuuni aba badayda riing'eeda fuga Israeli, ghayi sisinyi aba badaydaang'u. Aniini ea gheeda ghweanigeasu siitiinyi.

NEHEMIYA 10:28

Ea fuga abit, ea ashoohoodiga, ea fuga Lawi, ea fuga fur dooshta, ea fuga sarmani, ea fuga gadiyeeda gheeda sibata ASEETA, ea gea ang'aamwa geat fuga ng'eanyiida aba deaweedeeda ASEETA, gadeemga nyaawa, ea orjooga nyaawa, ea haweega nyaawa, ea gea mideawa fughareenga sean, ea nalooda,

NEHEMIYA 10:29

ak gaguuyi sea fuga nyaawa duupchi, ea fuga nyaawa hees, ak gaweay jeeda mooshta ea habeawooda nea gwaneayeewa jeeda deaweedeeda ASEETA, ghayi siitaw Musa was siida gadiyeeda ASEETA, ak ghoang'waay nea gwasin digheanyeeka sean bea NG'UTAMIIDA was Ng'utamiideanya ea deaweedajeagaaschi ea diigheanyeekaaschi.

NEHEMIYA 13:3

Iidu nea ghwayiiy buuneeda deaweeda, geanung' gooheeli geat fuga sean bea Israeli ea rabasta mida jeenyaawa.

NEHEMIYA 13:30

Ng'ata ghaamiidu saawa ea haleanjeeda sean bea rabasta ak ghaanung' gaba nih ang'waay galandaanyi ashoohoodiga ea fuga Lawi, ak gaba nih bea gadiyeadaanyi;

NYIIGHEEGA 144:11

Lealnean aba ng'uta weajoocheanda ng'waan, ak giighuuyaan aba geatinga rabasta, was gea ruku ng'uyeega aba ghuusiga nyaawa, nea iissa ghamiinda geatinga nyaawa bea dugwa bea ng'uyeega.

NYIIGHEEGA 144:7

Adoabiiwa geatingaagu aba humng'eeda, ak gilealnean nea giighuuhanaan beega saang'a, ang'aamwaan geatinga rabasta,

GHWASIILDEANGA 28:13

Siida fuy giidiinyeanyeekaaschi mayghwanyas nyageadayda, nea dea duukuuna ak ghoabuut gayghwanyas baydeayda.

ISAYA 2:6

Aba gideaba ang'iing'i ninung'wi heeda fugaagu, was gheeh Yakobo, aba gideaba ng'eanyiida ghwanyiit fuga bara lagheanga leabu gayeew ea fuga ruku ramooranga uurji fuga Filisti, ak gabareanyi sea fuga was rabasta.

YEREMIYA 14:20

Ea NG'UTAMIIDA, geamwaschi munyasnacheakaasa ea ramaseanyeeka ghweanigaasa, aba gideaba sisinneey riing'eeda.

YEREMIYA 3:13

Ang'iing'i mwasa giidiinyeandaang'u, bea gideaba ninung'usi heeda NG'UTAMIIDA was ASEETEANG'WA ak gookeali bariinyeegeagwa rabasta ea giliwas geeta nyawiish, ea gideaba miyooleeysiina iit ghuuteanyu, gwarugu NG'UTAMIIDA.

DANIELI 9:20

Damanda duu dabaloola nea ghaamwaashchi ghawooda, nea geaduukuuni riing'eegeasu ea riing'eega buuneedeanyu was Israeli, nea ghaadaydi haleanjeedeanyu bea ghadooweeda aba madeeda NG'UTAMIIDA was ASEETEANYU aba badayda heayeeda ghaydit bea ASEETEANYU;

HOSEYA 5:7

Nidatas masaweega nyaawa aba heeda NG'UTAMIIDA; aba gideaba niji diibiga jarooda. Ak ghamneawa sheeda sing'usha gaygahuuyda saawa ea madameega nyaawa.