NEHEMIYA 9:1 - Bibliyeeda Ghaydit

¹ Hean eaweedeaba diktam ea ang'wan bea sheeni ghabwatgeat fuga Israeli nea gooluulda geat nea gookwa hang'weaka guniyajeega, nea gwasaksa birjeanda iheenga nyaawa.

NEHEMIYA 9:1 Mawu Ofanana

2 SAMWELI 1:2

hean eaweeteaba samwagu, ng'ula, ghwahidu siida leabu museasooda Sawli, nea gwanda uhuuda hang'weaka beareadi, nea gwanda uhuudaanyi birjeanda. Hean nea ghwahidu heeda Dawdi, gwatkuy aba ng'eanyi ak ghaghadoawan.

2 DAMANYOOJIGA 20:3

Hean ghang'ut muuwda Yehoshafati, ng'ata ghang'eat gagaseada NG'UTAMIIDA, aba ng'ata gwarukuta giiluuldeaydeaba geat aba jeeda ng'eanyiida sean bea Yuda.

2 DAMANYOOJIGA 7:10

Ng'ata gwasiksa buuneeda gaweay jeesinga maheemajeega nyaawa eaweeteaba diktam ea samwagu, bea sheedeaba ispwa, nea gaba hooseaneega nea gang'weela gurooruunatka nyaawa aba doobiiwnata sean niihiimsa NG'UTAMIIDA Dawdi, ea Sulemani, ea fugaaschi was Israeli.

ESRA 8:21

Hean ghaanung' gooluulda geat aba hoowa, bea ghuuteenda Ahafa, nea geayaachi geat ng'eanyi aba madeeda ASEETEANYA nea geegasayi naweeda doabiiw aba heedeanya ea diibigaasa, ea haleanjeedeanya sean.

ESRA 8:23

Hean geeluuldi geat ak geemuschi ASEETEANYA aba badaydeaba ng'asheanji, ak gooleeyseasa iit.

NEHEMIYA 8:2

Ak gweadu Esraheeda was ashoohoocheanda diigheanda madeeda fuga bwatgeat, was headiga ea gadeemga ea fuga sean jea ghwayiiy ak ghwanal, nea abeeda ea eaweeda madeeda gil bea sheedeaba ispwa.

ESTA 4:16

“Una, ak gibwadigeat fuga Israeli sean mida ng'eanyiida Susa, ak gooluuldi geat aba badaydeanyu, adooyeagiischi nea adooleeshi eawooji samwagu, eawa ea askweari ak eara aniini ea haweegeasu bea gadiyeeda gajeeluulda geat eewuurjeewaneegwa. Hean gaydawa heeda sugoocheanda, nea mii deaweeda gil, ak inyas ghaameayi abeeda ghaameayi.”

ESTA 4:3

Ak daroorda nyooh ghwahita iidi ea diigheanda rukuta sugoocheanda, abeeda gwanda giinyahuushooda haw aba bugusta fuga Yahudi; geeluulda geat nea geeyeawda nea geanyahuushi, nea mwaatkwa aba jeenyaawa gwalil aba badayda guniya ea deareeda.

AYUBU 2:12

Hean nea geang'wearda geadaah Ayubu nea sheagi, ak ea meanala. Hean geechuur nea gooyeawda, ak ghabwaashaada hang'weaka nyaawa, nea geesaksa birjeanda humng'eeda ea iheenga nyaawa.

ISAYA 22:12

Eaweedida NG'UTAMIIDA was ASEETA lugweega gaygaguursa buuneeda gooyeawda nea goonyahuushi, nea gwalootu buudeega nyaawa nea gookwa guniyajeega.

YOELI 2:12

“Ak eara ghamneawa,” gwayi NG'UTAMIIDA, “abiiksean aba gurooruunatkeagwa sean, aba giiluuldeaydeaba geat, aba shooka, nea googutu heareega;

NG'ASHEEGA LAWI 23:34

“Eeshiina fuga Israeli, Eaweeteaba damanamuut bea sheedeaba ispwa gajea ghweelmeeda udahabeaschajeega gil bea NG'UTAMIIDA.

NG'ASHEEGA LAWI 23:39

“Eaweeteaba damanamuut bea sheedeaba ispwa, iing'ata giiweamda haleanjeeda jih ng'eanyiida, gajeang'waanya ghweelmeeda NG'UTAMIIDA eawooji ispwa; eaweeda madeeda gajea dea fuufta, nea eaweeteaba sis gajea dea fuufta.

YOSHUWA 7:6

Hean ghabwaashaada Yoshuwa hang'weakaaschi ak gwajaksa geaw ng'eanyi nea ghang'uda gheamamdaanyi ng'eanyi aba madeeda sandakwajeanda neajeeda bea NG'UTAMIIDA ea ghoah shing'ada, niny ea gweargwa Israeli; nea gang'alsa birjeanda iheenga nyaawa.

Giidaheechta 11:3

Ak gaydaadaw Muuwshoodigeasu asiyeenya uurda ak ghwaramoar eawooji sagalam ea bughalaji iyeenya ea laadam, nea siikwealsa guniyajeega.”

FUGA LAJA GIRGWEAGUUTKA 20:26

Ak fuga sean bea Israeli, fiisu seaniin, gwadiyeada gaweay Beteli, ak gooyeawdi, goobiitpiit aba madeeda NG'UTAMIIDA, ak gooluulda geat eaweedida ea ghoah shing'ada; ak ghwayiin lukghumajeega sigwariida ea haleanjeeda sisabwa geadi was gea hoyyoo aba madeeda NG'UTAMIIDA.

1 SAMWELI 4:12

Hean ghafwach siida Benjamini aba madeeda ng'ucheeda, ak ghwaan Shilo askweardida, nea nibwaashaada hang'weakaaschi nea ning'alsa uhuudaanyi sigeeda.

1 SAMWELI 7:6

Hean ghabwat geat aba Mispa, ak gwaramu beega ak ghoahiida aba madeeda NG'UTAMIIDA, ak gooluulda geat eaweedida, nea gwayi, “Aseasa sisinyi riing'eeda aba madeeda NG'UTAMIIDA.” Ak goorooroochi Samweli fuga Israeli aba Mispa.