NEHEMIYA 8:9 - Bibliyeeda Ghaydit

⁹ Nea Nehemiyeeda was sugoocheanda haw, ea Esraheeda was ashoohoocheanda ea ng'oorshoocheanda, ea fuga Lawi ghoanaal buuneeda, nea geeyeesha buuneesean, “Eaweecheanji ea ghaydit aba heeda NG'UTAMIIDA was ASEETEANG'WA; adoogiisanyi nea adooyeawdi.” Aba gideaba fuga sean gooyeawda iisiyiiy ng'asheega deaweeda.

NEHEMIYA 8:9 Mawu Ofanana

2 SUGOODIGA 22:11

Iidu nea ghwayiiy sugoocheanda ng'asheega gitaabooda deaweeda, hean ghabwaashaada hang'weakaaschi.

2 SUGOODIGA 22:19

ak ghang'arng'ariit gurooroadaang'u nea giyaadigeaw ng'eanyi aba madeeda NG'UTAMIIDA, damanda iiyiinyi ng'asheega eargu aba badaydeaba hiji ea badayda fuga mida hiji, bea gideaba gayghwaak salgheang'da nea geamwaashta, ak gibwaashaadi hang'weakaagu, nea giiyeawdi aba madeedeanyu, asi nealeeyseey iit gwarugu NG'UTAMIIDA.

2 DAMANYOOJIGA 15:3

Aba gideaba fuga Israeli gweanyeeka saang'a mandeawana ASEETA huumwa, nea mandeawana ashoohoocheanda anealshachi, nea ea mandeawana deaweeda;

2 DAMANYOOJIGA 30:22

Hean goohoosan Hesekiya fuga Lawi aba gideaba ghoahiimu gearinda aba gadiyeesinda NG'UTAMIIDA. Ng'ata ghwaak buuneeda hamita ghweelmeeda aba eawooji ispwa, nea ghoadayda lukghumajeega haleanjeeda sisabwa geadi bea hoyyoo nea gabadiischeesa NG'UTAMIIDA was ASEETA ghweaniga nyaawa.

2 DAMANYOOJIGA 34:19

Hean nea ghwayiiy sugoocheanda ng'asheega diigheanda hean ghabwaashaada hang'weakaaschi.

2 DAMANYOOJIGA 34:21

“Aweayeena ak goopearsi NG'UTAMIIDA ng'asheegeasu ea gea fuga siipuut aba Israeli ea Yuda, aba ng'asheega gitaabooda sinyas; aba gideaba nyarasta NG'UTAMIIDA aahaw dea hidu badaydeanya, aba gideaba ghweanigaasa ghayi mwaang'waanya ng'asheega NG'UTAMIIDA, ak gwasin gawuurji gising'waarda aba jeedeaba gitaaboani.”

2 DAMANYOOJIGA 35:3

Ak gwayeesha fuga Lawi was giinealshoodiga fuga sean bea Israeli was fuga ghaydidi aba heeda NG'UTAMIIDA, “Ayiina sandakwajeanda ghaydit jeeda gheeda ghayi deas Sulemaneeda was orjeeda Dawdi, was sugoocheanda fuga Israeli; maygudu ayeateena gheatkeagwa. Asi ghamneawa agadiyeesiina NG'UTAMIIDA was ASEETEANG'WA sea fugaaschi was Israeli.

ESRA 2:63

ak ghwalamda sugoocheanda haw ak gwayeesha saawa adiidu ghoayaaji hamita ghaydit muuchi, ea bwak ea ghamiinaada ashoohoocheanda mideawa haleanjeeda ASEETA ghaydidi siguura Urimu ea Dumimu.

ESRA 7:11

Nih barawajeanda adaw Artashasta was sugoocheanda Esrahi was ashoohoocheanda, ea ng'oorshoocheanda, anaalgeaw iita digheanyeeka NG'UTAMIIDA ea deaweedajeega aba badayda fuga Israeli:

NEHEMIYA 10:1

Fuga iin giirooraneeda suh gil, Nehemiyeeda was sugoocheanda haw, was orjeeda Hakaliya, ea Sedekiya,

NEHEMIYA 12:26

Nih abeeda damanda Yoyakimu gil, was orjeeda Yeshuwa orjeeda Yosadaki, ea damanda Nehemiya was sugoocheanda haw ea Esra was ashoohoocheanda ea ng'oorshoocheanda.

NEHEMIYA 7:65

gwayeesha sugoocheanda haw saawa gideaba adoayaaji haleanjeeda ghaydidi bwak ea ghang'eat ashoohoocheanda mideawa lagheanga siguura Urimu ea Dumimu.

NEHEMIYA 7:70

Ak fuga hees bea gealga gweargwa ghoadayda haleanjeeda nyaawa aba gadiyeeda. Sugoocheanda haw ghoadayda aba giidiiwshooda heelajeega sisna dahaabu sagalama ea gweeraji haradam ea damanamughuush, ea hang'weaka ashoohoodiga bughalaji muut ea diktam ea damanamughuush.

NEHEMIYA 8:2

Ak gweadu Esraheeda was ashoohoocheanda diigheanda madeeda fuga bwatgeat, was headiga ea gadeemga ea fuga sean jea ghwayiiy ak ghwanal, nea abeeda ea eaweeda madeeda gil bea sheedeaba ispwa.

REEKUSIINDA 3:4

damanda shooka, ea damanda agiteaba reari; damanda gutuunooda heareega, ea damanda ng'wasooda;

ISAYA 61:3

Ak ghaadawji fugiga ayeawdean aba Sayuniin– shiipka deakghweeda gawa hoorgeeda deareeda, ea nagheeda ghweelmeeda aba hoorgeeda giinyahuushooda, eaghwada gwarsiinda gawa hoorgeeda guroorooda durumwana ak saawa gajeeguura sawacheeka doobiiweadi ghayi ng'aapta NG'UTAMIIDA aba gideaba eakghaambiit.

HOSEYA 4:6

Fugeasu sihuuyda aba nyoota fughareeda; aba gideaba niheawi fughareeda, ak ea naaheawi huwa ashoohoocheandeanyu. Damanda roosiineeyi diigheanda ASEATAANG'U. Eara aniini gaygwaroosiineani diibigaagu.

NG'ASHEEGA LAWI 23:24

“Eeshiina fuga Israeli, aba eaweeda madeeda bea sheedeaba ispwa, gajea eaweeda fuufta gil, nea ghoapkaachi ghuudita durumbeatajeega ajuur, nih badoodeaba geat ghaydidi.

MALAKI 2:13

Ak goobiikti asina ng'asheanji. Goodukuteawi dabeaka heeda wagiida hean NG'UTAMIIDA, aba shooka ea giiseaneega aba gideaba mudu gagasa haleanjeeda ghadooweeda ghana ghamwas bariinyeega haleanjeeda geatingeagwa.

Ruumi 3:20

ak ea manda siida jea ghwanyas doobiiwnata aba madeadaanyi aba gadiyoojiga deaweeda, nea aba deaweeda iissa geanyas fughareeda riing'eeda.

Ruumi 7:9

Nea abeeda geawooschi majeek nea abeeda ea manda deaweeda, ama muchu nea ghwahidu diigheanda, gamajeegiit riing'eeda ak ghaameayi;

GIIPKEATA DIIGHEANDA 12:12

Ak agooga gajahoosana aba madeeda NG'UTAMIIDA was ASEETEANG'WA, agooga ea orjoogeagwa ea haweegeagwa, ea soomjoogeagwa bea headiga ea gea haweega, ea siida eemeeda Lawi mida jeeda mujiinajeegeagwa, aba gideaba niny manda headaanyi ghana gichea gwahearan aba heedeang'wa.

GIIPKEATA DIIGHEANDA 12:7

ak abeeda aba hoowa gajayeagiischeena aba madeeda NG'UTAMIIDA was ASEETEANG'WA, ak gajahoosana, agooga ea fuga mida jeesinga gealgeagwa, aba gadiyoojiga sean noosinyi, goonyi ghawooda NG'UTAMIIDA was ASEATAANG'U.

GIIPKEATA DIIGHEANDA 16:11

ak gayhoosana aba madeeda NG'UTAMIIDA was ASEATAANG'U, ang'iing'i ea orjeedang'u ea hudaang'u, ea soomjeandaang'u was ng'eedeeda ea dea was gatmooda, ea siida eemeeda Lawi abiita mujiineadaang'u, ea rabascheanda, ea bananeeda ea masinung'weanda mida headaang'u, aba heeda jea ghwaloat NG'UTAMIIDA was ASEATAANG'U, heeda jea gamiindeaysa gheawungaaschi.

GIIPKEATA DIIGHEANDA 26:14

nea ea miidaak aba jeedeaba haleanjeedida siitaydaan gilagi aba jeeda damanamughuush aba damanda eawooschi shoogoocheanda, ghana dageanda gida wassean nea geabea ririnnyaan, ghana daadayda gida wassean aadawji fuga nimeewa, ak ea nealeeysi iit ghuuta NG'UTAMIIDA was ASEETEANYU, ak geasindi haleanjeeda sean gida irukuteaydi.

Yakkobo 4:9

Agiisana nea goonyahuushi nea gooyeawdi. Reargeagwa gagasa ghwayamwa ghoah giinyahuushooda, nea ghoah hooseaneegeagwa giiseaneega.