NEHEMIYA 8:3 - Bibliyeeda Ghaydit

³ Hean ghoasoamwa aba madeeda seamooda deascheewa madeeda beega ghang'eada sakteayda ea ghabwarbwara aseeta aba madeeda headiga ea gadeemga ea giika ammu ghwanaliin, ak gooleeysiit buuneesean gitaabooda deaweeda.

NEHEMIYA 8:3 Mawu Ofanana

NEHEMIYA 10:29

ak gaguuyi sea fuga nyaawa duupchi, ea fuga nyaawa hees, ak gaweay jeeda mooshta ea habeawooda nea gwaneayeewa jeeda deaweedeeda ASEETA, ghayi siitaw Musa was siida gadiyeeda ASEETA, ak ghoang'waay nea gwasin digheanyeeka sean bea NG'UTAMIIDA was Ng'utamiideanya ea deaweedajeagaaschi ea diigheanyeekaaschi.

NEHEMIYA 13:1

Eaweedida geasoamwa gitaabooda Musa nea ghwayiiy buuneeda; ak aba jeedida geang'waar gideaba siida Amoni ghana siida Moabu maygawa jeeda fuga bwatgeat bea ASEETA;

NEHEMIYA 8:1

Hean ghabwat geat buuneesean ea gawuurji siyagi aba seamooda mida madeeda beega mida ghuuta dooshta; ng'ata geeyeesha Esra, was ng'oorshoocheanda, gweadu gitaabwajeanda deaweedeeda Musa, ghayi adaw NG'UTAMIIDA fuga Israeli.

NEHEMIYA 8:18

Ak inyeesa galeagasean, ghang'eada eaweeda madeeda ea ghwahita eaweeda huuydean, ghoasoamwa gitaabooda deaweedeeda ASEETA. Nea geesin ghweelmeeda eawooji ispwa; ak eaweedeaba sis ghabwat geat buuneeda gawuurji gida ghayi nyaashta diigheanda.

NEHEMIYA 8:4

Ak ghamiinaada Esraheeda was ng'oorshoocheanda aba badayda geeta sisin aba gadiyeani; ak ghamiinaada fih suuk aba murdeadaanyi bea geatinda dugwa nea geaba Matatiya gil ea Shema, ea Anaya, ea Uriya ea Hilkiya, ea Maaseya; ak Bedaya, ea Mishaeli, ea Malkiya ea Hashumu ea Hashbadana ea Sakariya, ea Meshulamu ghamiinaada aba geatindaanyi ghaadaam.

NEHEMIYA 8:5

Hean gootin Esra gitaabu aba madeeda buuneesean, aba gideaba gwanda madeeda buuneesean; hean nea gootin ak ghang'eatng'eat buuneesean.

Marko 12:37

Dawdi niny gaguura Gristo Ng'utamiida. Asi abeeda Gristo gayghoawataan jeaptaanyi?” Abeeda eemeeda gooleeysiit ng'asheega Yesu nea gahoosan.

Lukka 19:48

ak ea meanyasa gichea eesin aba gideaba geeleeysiit buuneesean.

Lukka 8:18

Asi ashageada aba gidoayiing'di; aba gideaba siisi agar gil gajeeheasa, nea siidida meagara giliin, eara gidida mideawean gajeegeanda.”

Gadiyeeda Giijasoodiga 13:15

Iing'ata nea nihit giisoomanda diigheanda ea gitaabooda deaweedeeda Musa ea gea ng'ooruutka sibanga, hean ghang'eat fuga hees bea ghooriida siinealshacheewa ak geecheaksa nea geeyeesha, “Fuga siduupcheewi, iyoondeawi ng'asheanda oogasayi amusa aba badahuukeaba fiisu ak goomajeek goorugu.”

Gadiyeeda Giijasoodiga 13:27

Aba gideaba fuga mida Yerusalemu ea fuga nyaawa ambaliischi, ak ea mwanala niny ghana gwajeeng'u ng'asheega sibanga siisoomwani aba giliwas sabaato, hean ghoahiit aba girgweaksiinda.

Gadiyeeda Giijasoodiga 15:21

Aba gideaba ghang'eada seaygoojiga gwandeawa Musa fuga rukwiida ng'asheagaaschi aba jeesinga giliwas mujiini, iissa geasoamwa gilinyoo ea sabaato gil aba jeesinga ghoorajeega siinealshacheewa.”

Gadiyeeda Giijasoodiga 16:14

Abeeda gwanda gatmoanagi aleeyseasa iit siguura Lidiya, leabu mujiineeda Diyatira, nea gwasheahiida hang'weaka oomng'i, haw sheayeat ak gabada ASEETA. Hean ghwajaat Ng'utamiida gurooroadaanyi gooleeysiit muuchi ng'asheega rugu Bawlo.

Gadiyeeda Giijasoodiga 17:11

Fugeaba ng'eanyiita gooleehiidiit muuchi mawuurji fuga ng'eanyiida Desalonike, aba gideaba ghwadeapta ng'asheanda aba hooseaneega, ak gwasikiideawa ng'ooruutka ghaydidi galeagasean ghwadaah gideaba ng'asheega huumwa gil.

Gadiyeeda Giijasoodiga 20:11

Iidu nea gabiikta Bawlo gwadiyeada ak ghwasuuy mukaate ak ghwaak, hean goobalool saawa, ea gageawiit, geeyi bwak ea goorearu aseeta, ak ghang'eat Bawlo gawa.

Gadiyeeda Giijasoodiga 20:7

Eaweeda madeeda bea eawooji ispwa, nea abeeda ea sibwachi geat easuunya mukaate, hean goobalool Bawlo saawa, nea abeeda gagasa gideaba gaygawa iimuchu; hean googeawiit baloaldaanyi ea ghoah bugusta eaweeda.

Gadiyeeda Giijasoodiga 28:23

Iing'ata nea niheeleesa eaweeda jea gwaroonyeewa, gaweesa fuga saang'a eanyasa gheeda abiita. Gwarukusa nea gweasa geaw ghang'eada sakteayda ea ghoah shing'ada muuwuunooda ng'asheega sugoocheanduumeeda ASEETA, nea ghaghurghur aba ng'asheega Yesu, aba deaweedeeda ghayi bea Musa ea dea sibanga.

GIIPKEATA DIIGHEANDA 31:9

Ak ghang'oar Musa deaweedeeni, ak ghoadaw ashoohoodiga was orjooga fuga Lawi, sar sandakwajeanda neajeeda bea NG'UTAMIIDA ea gweargwa sean bea Israeli.

1 Desaloniikke 2:13

Nea iissa geebadiischeesi ASEETA galeagasean aba badaydeaba ng'asheanji, gideaba dea noang'waanyi ng'asheanda ASEETA ghayi ooyiing'si heedeanya, ea moang'waaydani ng'asheanda buuneeda ghoanung' gawuurji ng'asheanda ASEETA, biissa gagadiiy aba jeedeang'wa agoogeeda mideawa masaweega.

YOSHUWA 8:35

Manda ng'asheanda mii ghoasoamwa Yoshuwa aba madeeda fuga sean bwat geat bea Israeli, was gadeemga, ea diibiga, ea rabasta mida bugusta nyaawa was ng'asheega sean ghayi rukuta Musa.

Giidaheechta 2:29

Gilinyoo googar iita, dayiinya ng'asheanji rukusa Guroorooda ganiisajeegean.’

Giidaheechta 3:22

Gilinyoo googar iita, dayiinya ng'asheanji rukusa Guroorooda ganiisajeegean.’”