NEHEMIYA 8:12 - Bibliyeeda Ghaydit

¹² Ng'ata ghang'eat buuneesean gaweay heechea gaweay, ak gweagiischi nea gwaleeshi nea ghoadaw gea mandeawana nea geesin ghweelmeeda haw, aba gideaba siinaal ng'asheega sirukusa saawa.

NEHEMIYA 8:12 Mawu Ofanana

1 DAMANYOOJIGA 29:22

ak gweagiischi nea gwaleeshi aba madeeda NG'UTAMIIDA eaweedida, nea gahoosan muuchi. Ak goombiit Sulemani, was orjeeda Dawdi, deabiyeenya, ak geamwaar aba madeeda NG'UTAMIIDA, ak geanung' gwaheedu ak ghoah Sadoki ashoohoocheanda.

NEHEMIYA 8:10

Hean gwayeesha saawa, “Aweayeena heechea aweayeena, ak ghoayaaji gidariishaat nea ghoaleayi difaayeeda inya nea gooyeasi siida mandeawana; aba gideaba eaweecheanji ea ghaydit aba heeda NG'UTAMIIDEANYA; nea adaghang'udeagwa giiseaneega, aba gideaba hooseaneega NG'UTAMIIDA uurdeang'wa gil.”

NEHEMIYA 8:11

Hean ghwanung' fuga Lawi ghwasiinda buuneesean, nea gwayeesha, “Asiinda aba gideaba eaweecheanji ea ghaydit adoogiisanyi.”

NEHEMIYA 8:13

Iimuchu eaweedeaba iyeenya ghapka heeda Esraheeda was ng'oorshoocheanda fuga hees bea gweargwa gealga buuneesean, sea ashoohoodiga ea fuga Lawi, ak ghabwatgeat eanaal ng'asheega deaweeda.

ESTA 9:22

nea abeeda ea eawoojiga ghayi nyasa fuga Israeli fuufta gil, aba heeda weajoodiga nyaawa, nea sheeda siyamwa gurmeahiida nyaawa gil ghoah hooseaneega nea geayam shooka ghoah ghweelmeeda ak geanung' ghoah eawoojisu ghweelmeeda ea hooseaneega, nea geetawi geat haleanjeeda guskuseega nea geataw eara fuga barbari haleanjeeda guskuseega.

AYUBU 23:12

Mii dabiikta bwadaw ak ghaanung'waadi diigheanda ghuutaanyi; neadiiwji ng'asheega ghuutaanyi aba jeeda gurooroodeanyu.

NYIIGHEEGA 119:111

Ng'asheagaagu imuuwu gideahearanyi gil damanda manda muudeanooda; nih gidahoosan gurooroodeanyu.

NYIIGHEEGA 119:127

Ak ghoah gideabariiysi diigheanyeakaagu ea ghang'al dahaabu, ea ghang'al dahaabooda miy.

NYIIGHEEGA 119:130

Sikiideayda ng'asheagaagu gweatu weeshinda; nea ghoanaal siida dasha.

NYIIGHEEGA 119:14

Neahoosasi naweeda ng'asheagaagu imuuwwu mwasamwa gideaba geandeawi baruureega muuchi.

NYIIGHEEGA 119:16

Gaydeahoosan geaw aba diigheanyeakaagu; maygwaroosean ng'asheandaang'u.

NYIIGHEEGA 119:171

Ghuuteanyu darukuna duumsheesiinda aba gideaba giinaalaan deaweedajeagaagu.

NYIIGHEEGA 119:174

Ea NG'UTAMIIDA, neagasayi lealeanoadaang'u, nea deaweedeadaang'u ea gida aabwariinyi.

NYIIGHEEGA 119:72

Deaweedeeda ghuutaang'u aamiy aba heedeanyu ea ghang'al sagalamnyoojiga dahaabu ea lapiya.

NYIIGHEEGA 119:97

Deaweedeadaang'u ghaabwariinyi muuchi! Nih gideasikiideawi askwearda seani.

YEREMIYA 15:16

Hean ghapka ng'asheagaagu, hean ghaayaaji, Hean ghwanung' dang'weela ng'asheagaagu Ea hooseaneega aba gurooroodeanyu; Aba gideaba geeguureeweani aba gheawungaagu, Ea NG'UTAMIIDA, was ASEETA bea lugweega.

Lukka 24:32

Goonyeari geat nea gwayeena, “Neada jeesingaasa ea mwayeadana beasta damandida gwachi abaloolaneasa aba naweedean, nea gang'acha iiteanya aba gidaghayi nyaah ng'ooruutka?”

Ruumi 7:18

Asi ghaanali gideaba jeedeanyu manda gidamiy, nih aba saseedeanyu. Iissa geagasayi dasin gil doabiiw, ak ea maydasin.

Giidaheechta 11:10

Nea fuga mida badayda ng'eanyiida gaygahoosan aba badahuuka nyaawa nea gang'weela ak saawa gweatiisa geat haleanjeeda siipareanyi, aba gideaba sibang'su asiyeenyean gwasawan fugiga mida badayda ng'eanyiidean.