NEHEMIYA 8:1 - Bibliyeeda Ghaydit

¹ Hean ghabwat geat buuneesean ea gawuurji siyagi aba seamooda mida madeeda beega mida ghuuta dooshta; ng'ata geeyeesha Esra, was ng'oorshoocheanda, gweadu gitaabwajeanda deaweedeeda Musa, ghayi adaw NG'UTAMIIDA fuga Israeli.

NEHEMIYA 8:1 Mawu Ofanana

2 SUGOODIGA 23:2

Ak ghang'eat sugoocheanda ghwascheang'da gawa gheeda NG'UTAMIIDA sea fuga sean bea Yuda, ea gea mida Yerusalemu sean, ea ashoohoodiga, ea sibanga, ea fuga sean was gea manang'i ea gea hees. Ak ghoasoamwa nea ghwayiiy sean ng'asheega sean mida jeeda gitaabooda Neajeeda sinyasa jeeda gheeda NG'UTAMIIDA.

2 DAMANYOOJIGA 34:15

Hean gwayeesha Hilkiya Shafaneeda was ng'oorshoocheanda, “Naanyaschi gitaabooda diigheanda aba jeeda gheeda NG'UTAMIIDA”; ak ghoadaw Hilkiya Shafani gitaabu.

2 DAMANYOOJIGA 34:30

Hean gwadiyeesa sugoocheanda heeda gheeda NG'UTAMIIDA, sea fuga sean bea Yuda sea fuga abiita Yerusalemu ea ashoohoodiga ea fuga Lawi, buuneeda sean gea hees ea gea manang'i; ng'ata ghoasoamwa aba madeeda nyaawa ng'asheega gitaabooda neajeeda ghayi sinyasa jeeda gheeda NG'UTAMIIDA.

ESRA 7:1

Nea iing'ata hiji, hean aba damanda sugoocheanduumeeda Artashasta was sugoocheanda Ajemi, Esra niny orjeeda Seraya gil, orjeeda Asariya, orjeeda Hilkiya,

ESRA 7:10

Aba gideaba Esra ghwayiin gurooroadaanyi nalooda deaweedeeda NG'UTAMIIDA, ak gwasin, nea ghoanaal diigheanyeekaaschi ea deaweedajeega aba jeeda Israeli.

ESRA 7:11

Nih barawajeanda adaw Artashasta was sugoocheanda Esrahi was ashoohoocheanda, ea ng'oorshoocheanda, anaalgeaw iita digheanyeeka NG'UTAMIIDA ea deaweedajeega aba badayda fuga Israeli:

ESRA 7:6

Hean gwascheeng'u Esra nea gwaleabu Babeli. Niny abeeda ng'oorshoocheanda deaweedeeda Musa gil ghayi guh NG'UTAMIIDA was ASEETA Israeli; ak gwanyaksa sugoocheanda niny haleanjeeda sean gasa, aba gideaba geatinda NG'UTAMIIDA was ASEATAANYI gwanda badaydaanyi.

NEHEMIYA 12:26

Nih abeeda damanda Yoyakimu gil, was orjeeda Yeshuwa orjeeda Yosadaki, ea damanda Nehemiya was sugoocheanda haw ea Esra was ashoohoocheanda ea ng'oorshoocheanda.

NEHEMIYA 12:37

Hean sihita dooshta gheang'deenda, hean geascheang'da, aba madeanyaawa ak geala gidingeayoojiga mujiineeda Dawdi, bea ghamarda naawa gheeh Dawdi ea eahita heeda beega laabwa dooshta heeda ghayeawa.

NEHEMIYA 3:26

ak fuga gadiyeeda gheeda sibata ASEETA abiita ng'eanyiida Ofeli ghwadeas ea ghwahita dooshta beega mida heeda ghayeawa ea madalooda Hodu.

NEHEMIYA 8:16

Hean gwarita buuneeda ak gweadu geediga ak gaba nih ding'da uhuudeaba gheanyi gwadeeksa geaw udahabeascheanda, ea seamoonigaaschi ea seamooniga gheeda ASEETA, ea seamooda mida ghuuta beega mida dooshta ea seamooda mida dooshta Efraimu.

NEHEMIYA 8:3

Hean ghoasoamwa aba madeeda seamooda deascheewa madeeda beega ghang'eada sakteayda ea ghabwarbwara aseeta aba madeeda headiga ea gadeemga ea giika ammu ghwanaliin, ak gooleeysiit buuneesean gitaabooda deaweeda.

ISAYA 8:20

Aba giinealshooda ea muuwuunooda! Nea aba huumwa ng'asheanji ruguun ea manda muudeanooda.

NG'ASHEEGA LAWI 9:5

Ak gweadu gidaghayi rukusa Musa aba madeeda maheemajeanda siroondooscheesa; ak gwaneekiit buuneesean ak ghamiinaada aba madeeda NG'UTAMIIDA.

MALAKI 4:4

“Apkaada deaweedeeda siideanyu bea gadiyeeda was Musa, digheanyeeka ea deaweedajeega ghayi earukusi niny aba Horebu aba badayda Israeleesean.

Mattayo 13:52

Ng'ata gwayeesha saawa, “Asi gilinyoo ea ng'oorshoocheanda gil was giinealaneeda sugoocheanduumeeda humng'eeda, gawuurji sea siida mideawa gheeda geanu aba jeeda gheaseadaanyi haleanjeeda eashish ea gea woosi.”

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 23:2

“Ng'oorshoodiga ea Farisaayajeega goobiitpiida hoorgeeda Musa;

Mattayo 23:34

Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinealshacheewa nea ghoahoanyi aba gilinyoo ea mujiini,

GIIPKEATA DIIGHEANDA 31:11

ibuwa fuga Israeli sean madeeda NG'UTAMIIDA was ASEATAANG'U, bea heeda loat, abeeda giisoami deaweedeeni aba madeeda fuga Israeli sean ghwayiiy.

FUGA LAJA GIRGWEAGUUTKA 20:1

Hean gwarudu fuga Israeli, ak gaguuyeata eemeetuw siyagi, gidang'eada Dani ea gagul Beer-sheba, ea ng'eanyiida Gileyadi, gaguyeesa heeda NG'UTAMIIDA aba Mispa.

FUGA LAJA GIRGWEAGUUTKA 20:8

Hean ghang'eata fugiga siyagi, ak gwayi, “Maygawa eara siyagi jeeda heemajeandaanyi, nea manda siida jea gabiikta gheanyi.