NEHEMIYA 7:2 - Bibliyeeda Ghaydit

² hean geambiichi orjeediyya was Hanani, sea Hananiya was sugoocheanda mujiini ak ghoah siida haw bea Yerusalemu, aba gideaba niny ea doabiiwaat, ak niny ghoawal gheang'da ASEETA ea ghang'al buuneeda suurja.

NEHEMIYA 7:2 Mawu Ofanana

GIING'EETA 42:18

Ng'ata eawooji samwagu gwayeesha Yosefu saawa, “Asina ng'asheanji ak gajaghuuha, aba gideaba geawooschi siida awali gheang'da ASEETA:

2 SAMWELI 23:3

ASEETA Israeli nibalool, lagheaneeda haw bea Israeli niyeeshiinean: siida iimida madeeda buuneeda nea ghoahaaghwa muuchi, ak ghoahaaghwiida buuneeda gheawalmeeda ASEETA,

1 SUGOODIGA 18:12

Ak ghamneawa iyaang'ami headaang'u, guroorooda NG'UTAMIIDA gaygoogealnyi heeda mwaanali; ak inyas geawi heeda Ahabu ak ea mwanyasa heeda indi abeeda gaygwanuusan, nea aniineeda was siidaang'u bea gadiyeeda geawalayi gheang'da NG'UTAMIIDA gidang'eada jeepcheanduumeedeanyu.

1 SUGOODIGA 18:3

Gaguursa Ahabu Obadiyayda was siida miineadaysa gheanyi. (Nea Obadiya gwasissa mureeda muuchi NG'UTAMIIDA.

NEHEMIYA 1:2

ghwahidu Hanani was siyagi was orjeediyya, nea goodeana buuneeda nea gwaleabu Yuda; ak ghaanyaashchi saawa iita fuga Yahudi ghayi ghuh was gheaptanga aba giibaleakta, ea iita Yerusalemu.

NEHEMIYA 10:23

Hosheya, ea Hananiya ea Hashubu,

NEHEMIYA 13:13

Ak ghayiinyi fuga adiiwshachi jea gang'ula heeda siitiiwshacheewa, nea Shelemiya gil was ashoohoocheanda, ea Sadoki, was ng'oorshoocheanda, ea Bedaya was siida Lawi, ak weedaneeda nyaawa ea Hanani gil was orjeeda Sakuri, ea orjeeda Mataniya, aba gideaba suh ea doobiiweadi; ak ea gadiyeeda nyaawa gil gideaba gwalakiisa fuga nyaawa duupchi.

NEHEMIYA 2:8

ea barawajeanda jea deasa Asafu, was furiischoocheanda dimda sugoocheanda, ak gagoonan geeta jea dasina darearjeeka bea dooshinga hoorgajeega gheeda sibata ASEETA, ea ghamarda mujiini, ea gheeda jea deabiida.” Ak gagoonan sugoocheanda gideamuschi; aba geatinda miy bea ASEETEANYU mida badaydeanyu.

NEHEMIYA 5:15

Nea sugoodiga ghayi bea madeeda asheedeawean ghwanung' ghwasar buuneeda sareenyoojiga hees, ak ghoareat saawa hamita ea difaayi, ak ghawaasa murdeeda shiliingaji haradam. Ak eara fuga nyaawa bea gadiyeeda gwasawan buuneeda. Ak ea measini ng'asheesu aba gheawalmeeda ASEETA.

NEHEMIYA 7:3

Ak geayeeshi saawa, “Adeajaat dooshta Yerusalemu ea goorearu aseeta; nea ghamiinaada furiischoodiga, ak ghwarat gidaghuudajeega nea goomajeek. Ak ghoayiinyi furiischoodiga jea gwalageanyi aba jeedeaba suh mida Yerusalemuun ak gaba nih bea galandaanyi nea gaba nih duukusa gheanyi.”

AYUBU 1:1

Ghayi aba jeeda ng'eanyiida Usi, gwanda siida siguura Ayubu, siisi abeeda ea doabiiwaat nea aamiy seara, ak goowali gheang'da ASEETA nea ghwasaja geaw ng'asheega munyas.

NYIIGHEEGA 101:6

Gheanyangeasu gaygagal fuga doobiiweadi mida jeeda ng'eanyiida suh deabiidana heedeanyu; siida beawa naweeda doabiiwaat niny dea jea gagadiyeesean.

RITEAYDA 18:21

Ea meakghusa nih, aba jeedeaba fiisu seaniin gassa fuga awali gheang'da ASEETA, fuga doobiiweadi, was fuga magasa seawshooda, ak ginung' goombal fiisu, buuneeda ambal sagalamnyoojiga ea fuga was bughalajeega ea fuga was haradam ea damanamughuushcheeka, ea gea ambal damanamughuushcheeka.

DANIELI 6:4

Muchu gagasa sugoodiga hees ea fuga hees gichea eaniigha aba badayda Danieli aba gida ahaaghwiita ng'eanyiida; ak ghwaraay ghwanyas gichea gwadiing'sa iheenga ghana ramaseanda, aba gideaba ea doabiiwaat, ak ea meanyasana ramaseanda ghana giidiinyeanda.

IITOODA 12:7

Maygawuurji giduurji aba heeda siideanyu bea gadiyeeda, was Musa; niny ea garbabu aba jeedeaba gheenyu sean;

Mattayo 24:45

“Nih gajea anasihi was soomjeanda doabiiwaat mideawa weaghuumeeda, iin siidaanyi haw uhuudeaba gheanyi ak ghoadaw buuneeda daghwarda aba damandaanyi?

Mattayo 25:21

Gwayeesha siidida hawiin, ‘Ghwadoabiiw soomjeanda miy doabiiwaat; niwoosi doabiwaat aba haleanjeeda ng'ay, gajambala gea saang'a, beeni apteada nea gihoosani sea siida haw.’

1 Goriinto 4:2

Nea gissigasa aba heeda fuga siiteaga gadiyeeda doobiiwnata gil.

2 Dimoteo 2:2

Ak ng'asheega ghayi iyiing'si heedeanyu aba madeeda muushoodiga saang'a iina ng'asheega geatinga fuga doobiiweadi jea ghoamu ghwanal suurja.