NEHEMIYA 2:5 - Bibliyeeda Ghaydit

⁵ Ak geayeeshi sugoocheanda, “Iidaah sugoocheanda gideaba ghwahit, ak ghwanyas siidaang'u bea gadiyeeda baydeayda aba madeadaang'u abeeda giijeaktanean ea dawa ng'eanyiida Yuda, mujiineeda bung'eadinga ghweanigeasu, ak abeeda ghaadeaschi.”

NEHEMIYA 2:5 Mawu Ofanana

2 SAMWELI 14:22

Hean ghoabeada Yoabu nea ghabwada jih ng'eanyi, ak gamus, nea ghoadaw sugoocheanda ghawooda; ak gwayeesha Yoabu, “Eanean ninal siidaang'u bea gadiyeeda gideaba ninyas alooheeda aba madeeda gheanyangaagu, ng'utamiideanyu was sugoocheanda, ak aba ng'asheanji ea niidaw sugoocheanda siidaanyi bea gadiyeeda gidagasa.”

ESRA 5:17

Asi iimiy aba heeda sugoocheanda, nung' eegasa aba heeda siitiiwiisa haleanjeeda aba Babeli, eadaah ea huumwa gil gideaba Goresheeda was sugoocheanda ghayi ghoadayda diigheanda eadeas gheeda ASEETA aba Yerusalemu, ak gweaneasa sugoocheanda iidi aba gidagasiida aba badaydeaba ng'asheanji.”

NEHEMIYA 2:4

Hean gwayeeshiinean sugoocheanda, “Ak gigasayi musa naaha?” Hean ghaamwaashchi ASEETA humng'eeda.

NEHEMIYA 2:6

Ak gwayeeshiinean sugoocheanda (nea goopteada gatmoadaanyi aba murdeadaanyi), “Gayruuda eawooji hada, ak gaybiikni eeju?” Hean ghwadaah sugoocheanda gideaba ghwahit goojeaktanean; ak gearukusi niny damanda.

ESTA 1:19

Inyas ghwadaah sugoocheanda gideaba ghwahit, abeeda gaygwaleabu headaanyi diigheanda sugoocheanda, ak gajeang'waar aba jeeda deaweedajeega fuga Ajemi ea gea Mediya, ak ea majeegeanda, aba gideaba Fashti mayghwahidu madeeda sugoocheanda was Ahasuero; ak abeeda sugoocheanda gaygageanda sugoocheanduumeadaanyi ghoadaw gatmooda miy ng'al niny.

ESTA 5:8

Inyas ghaanyaschi masooda aba madeeda sugoocheanda, ak ghwahit aba heeda sugoocheanda ak ghamwas gideamuschi nea gwasinnean gideagasayi, ak ghwahidu gicha sugoocheanda sea Hamani numuji ghwaak hamiteaba askweari jea dasin aba badaydeaba saawa, abeeda numuji gaydasinda gidanyaashta sugoocheanda.”

ESTA 7:3

Hean ghwasha gatmooda sugoocheanda was Esta, ak gwayeesha, “Inyas ghaanyaschi masooda aba madeadaang'u, Ea sugoocheanda, ak inyas ghwahit aba heeda sugoocheanda, abeeda geegoonan eaweegeasu ghoah musoodeanyu, ea fugeasu ghoah gideagasayi.

ESTA 8:5

Ak gwayi, “Inyas ghwadaah sugoocheanda gideaba ghwahit, ak ghaanyaschi masoodeanyu aba madeadaanyi, ak geadaah gideaba ng'asheanda aamiy aba madeeda sugoocheanda, nea ghaanung' gahoosan gheanyangaaschi, abeeda geang'waar barawajeanda jea gwanuus fuga ghayi ng'oar Hamani bea dooshta Agagi, was orjeeda Hamedata, ghayi ng'oar badayda lasita uhuuda fuga Israeli mida jeeda darooraka sean bea sugoocheanda.

GHWASIILDEANGA 3:4

Ak abeeda gajeamwasnyi, nea geegwarseey aba madeeda ASEETA ea madeeda siida.

DANIELI 9:25

Asi nala ak gijeeng'u gideaba gidang'eada damanda sirukuna ng'asheanda jea eebiiksiina deesta Yerusalemu ea ghwahidu siida simwaar, jea ghoah sugoocheanda, gayghang'ata wiikaji ispwa niba gweanyeew ispwa. Ak abeeda wiikaji laadam ea iyeenya gajeebiikta eadeas gicha nea geesin naweadinga ea maparoojiga, aba damanda sawanadeeda.

Mattayo 23:27

“Ashageada geat ng'oorshoodiga, ea Farisaayajeega amiitu geat! Goowuurjeewi bung'eadinga siyeasha badahuuka roonghooda, amadu nea geeng'uluuna bwadaw ea miyaas, nea aba jih ghwanyiit geaka fuga nimeewa ea ririnnyeanda sean.

RUTI 2:13

Hean gwayeesha, “Ang'iing'i gisinnean alooheeda muuchi, ng'utamiideanyu, aba gideaba nihoosanyean nea gibalooli ng'asheega doobiiweadi hudaang'u bea gadiyeeda, nea ghaanali gideaba meabeahi jeeda haweagaagu bea gadiyeeda.”