NEHEMIYA 13:22 - Bibliyeeda Ghaydit

²² Ak gearukusi fuga Lawi gideaba ghoamiidu geat ak ghapka gafur dooshinga, nea ghoaghaydiit eaweeda sabaato. Apkaada eara nih aba jeeda alooheedeanyu, Ea ASEETEANYU, ak gisiksean aba seang'ayda bariinyeagaagu.

NEHEMIYA 13:22 Mawu Ofanana

2 SUGOODIGA 20:3

“Apkaada ghamneawa Ea NG'UTAMIIDA, gidaghayi aabeadi aba madeadaang'u, aba doobiiwnata gurooroodeanyu sean. Nea geasinyi gea miyaasiin aba madeadaang'u.” Hean gooyeawda Hesekiya muuchi.

2 SUGOODIGA 23:4

Ng'ata gwarukusa sugoocheanda Hilkiya was ashoohoocheanda haw, ea ashoohoodiga suurja weat niny, ea furiischoodiga fur gidaghuuta gideaba eeruuta jarooda dabita sean, mida jeeda gheeda NG'UTAMIIDA, ghayi sisissa Baali, ea Ashera, ea lugoosean mida humng'eeda. Ak gooruuteawa jeeda mujiineeda Yerusalemu ak ghaghwarda aba hoowa, aba jeeda madameega Gidironi, ak ghwaat deareadaanyi ea ghwahita Beteli.

2 DAMANYOOJIGA 29:24

ng'ata gwanuus ashoohoodiga, ak ghoadayda foojeanda nyaawa ghoah haleanjeeda sisabwa geadi bea riing'eeda aba heeda wagiida ghoah giiduupcheeda aba heeda fuga sean bea Israeli; aba gideaba ghayi sugoocheanda gwarukuta gideaba fuga sean bea Israeli gajeesissa haleanjeeda sisabwa geadi sigwariida ea gea riing'eeda.

2 DAMANYOOJIGA 29:27

Hean gwarukuta Hesekiya gideaba gajeatayda haleanjeeda sisabwa geadi sigwariida aba heeda wagiida. Hean nea ghang'eat giidaydeayda haleanjeeda sisabwa geadi sigwariida, hean ghang'eat eara duumda NG'UTAMIIDA, ea durumbeatajeega nea goodeayi sea ginandajeega sugoocheanda was Dawdi bea Israeli.

2 DAMANYOOJIGA 29:30

Hean sugoocheanda was Hesekiya sea fuga hees gwayeesha fuga Lawi aduumsheesiina NG'UTAMIIDA aba ng'asheega Dawdi ea Asafu was meang'nyeanda. Hean gwaduumsheesa aba hooseaneega, aba ng'ata ghwahiiy geat ak ghaghadoawan niny.

NEHEMIYA 12:10

Nea Yoshuwa abeeda ghweanda Yoyakimu gil, Yoyakimu ea ghweanda Eliashibu, nea Eliashibu ea ghweanda Yeada,

NEHEMIYA 12:30

Ak ghoamiidu geat ashoohoodiga ea fuga Lawi, amang'ata geamiidu buuneeda ea dooshinga ea ghamarda.

NEHEMIYA 13:14

Apkaadan, Ea ASEETEANYU, aba badaydeaba suh, ak ea adiibuusi ng'asheega miyaasiin ghayi easinyi aba gheeda ASEETEANYU ea aba gadiyeadaanyi.

NEHEMIYA 13:31

ea haleanjeeda sisabwa geadi bea ghweenga, aba damanda sirukuna, ea haghweega madeeda. Apkaadaan, ea ASEETEANYU, aba ng'asheega miyaas.

NEHEMIYA 5:19

Ea ASEETEANYU, Apkaada ng'asheega easinyi miyaas, aba badaydeaba fiisu seaniin.

NYIIGHEEGA 130:7

Ea Israeli, ghusa NG'UTAMIIDA! Aba gideaba heeda NG'UTAMIIDA gwanda bariinyeega, ak headaanyi gwanda lealeanooda haw.

NYIIGHEEGA 5:7

Nea aniini aba giteena hawunda bariinyeagaagu gaydawa jeedeaba gheang'u, gaydamwaashnyi aba gheawalmeadaang'u nea geagali gheang'u ghaydit sibata ASEETA.

NYIIGHEEGA 51:1

Ea ASEETA, eaniyean bwaydanaan, aba giteena hawunda bariinyeagaagu bea huumwa; aba giteena hawunda baydeaydaang'u geanda riing'eegeasu.

ISAYA 38:3

nea gwayi, “Ea NG'UTAMIIDA, apkaada gidaghayi aabeadi aba madeadaang'u, aba doobiiwnata gurooroodeanyu sean. Nea geasinyi ng'asheega miyaasiin aba madeadaang'u.” Ng'ata gooyeawda Hesekiya muuchi.

ISAYA 49:23

Sugoodiga gaygawuurji ghweaniga aba headaang'u, nea gadeemga was sugoodiga gaygawuurji gheamadiga, gaygwatkuy aba madeadaang'u ak gagoonyi mureeda, saawa gayghwaat geat ng'eanyi gwasineey mureeda. Ak gaynala gideaba aniini geawooschi NG'UTAMIIDA; nea gea amuukghunaan ea mwajeapwaaspwaas.”

ISAYA 55:7

fuga munyas danung'i naweadinga nyaawa munyas, fuga munyas danung'waada giiteemshooda nyaawa munyas dabiksiina NG'UTAMIIDA, ak gayghabwayda, ak gaweesa ASEETEANYA ak gaygwasamsa.

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

GIIPKEATA DIIGHEANDA 5:12

“‘Apkaada eaweeda sabaato, ak giighaydiidi, ghoah gidarukuneataneey NG'UTAMIIDA was ASEATAANG'U.