NEHEMIYA 13:1 - Bibliyeeda Ghaydit

¹ Eaweedida geasoamwa gitaabooda Musa nea ghwayiiy buuneeda; ak aba jeedida geang'waar gideaba siida Amoni ghana siida Moabu maygawa jeeda fuga bwatgeat bea ASEETA;

NEHEMIYA 13:1 Mawu Ofanana

2 SUGOODIGA 23:2

Ak ghang'eat sugoocheanda ghwascheang'da gawa gheeda NG'UTAMIIDA sea fuga sean bea Yuda, ea gea mida Yerusalemu sean, ea ashoohoodiga, ea sibanga, ea fuga sean was gea manang'i ea gea hees. Ak ghoasoamwa nea ghwayiiy sean ng'asheega sean mida jeeda gitaabooda Neajeeda sinyasa jeeda gheeda NG'UTAMIIDA.

NEHEMIYA 13:23

Aba jeedeaba eawoojigiga ghaadaayi fuga Israeli nea ghaghi gadeemga eemeeda Ashdodi, ea Amoni, ea Moabu;

NEHEMIYA 2:10

Iidu nea ghwayiiy ng'asheanji Sambalati was siida eemeeda Horoni ea Dobiya was siida gadiyeeda, bea eemeeda Amoni, hean ghang'ut saawa gurmeahiida muuchi aba gideaba nihidu siida jea gwasissa gidamiy diibiga Israeli.

NEHEMIYA 2:19

Hean nea ghwayiiy Sambalati was siida eemeeda Horoni ea Dobiya was siida gadiyeeda bea eemeeda Amoni, ea Geshemu was Arabajeanda gabareeweasa reari nea gafooleasa nea gwayi, “Nih ana ng'ashaan gil oosinyiin? Gajaheawana sugoocheanda?”

NEHEMIYA 4:3

Abeeda Dobiya bea eemeeda Amoni ea neekeewa niny, ghwalamda ak gwayeesha, “Huumwa, eara gili ghamneawa sideasiin–inyas gwading'da fureayooda gawa uhuuda gayghwanung' gawa ng'eanyi ghamarda nyaawa bea lagheanga!”

NEHEMIYA 8:2

Ak gweadu Esraheeda was ashoohoocheanda diigheanda madeeda fuga bwatgeat, was headiga ea gadeemga ea fuga sean jea ghwayiiy ak ghwanal, nea abeeda ea eaweeda madeeda gil bea sheedeaba ispwa.

NEHEMIYA 9:3

Ak gaba nih miinaada aba headaanyi ak geasoamwa gitaabooda deaweedeeda NG'UTAMIIDA was ASEETA nyaawa, ama inyeesa iing'ata gheadi nuwaas aba askweardida geeduukuuna riing'eega nyaawa, nea geabwat NG'UTAMIIDA was ASEETA nyaawa.

ISAYA 34:16

Agasa ak ghoasoami aba jeeda gitaabooda NG'UTAMIIDA: Aba jeedeaba suh manda dea jea ghwaroat, gaygaba nih mideawa nuut. Aba gideaba nih gwarukuna NG'UTAMIIDA ghuutaanyi, ak gayghabwadageat gurooroadaanyi saawa.

YEREMIYA 48:1

Iita Moabu. Asi gwayi NG'UTAMIIDA bea lugweega, was ASEETA Israeli: “Nebo shageada, aba gideaba nimunyiidi! Giriataimu siipwaaspwaasnyi, ak ea sigeandaneeyi; hilgweandaang'u siipwaaspwaas ak geenyarja;

AMOSI 1:13

Asi gwayi NG'UTAMIIDA: “Fuga Amoni nisin riing'eeda gicha, ak aba sareani gaydalas saawa; aba gideaba geabwaashaada jeesinga gadeemga was bungaroodiga mideawa diibiga bea Gileyadi, aba gideaba gagasa goosiipta moonghooda nyaawa.

IITOODA 22:5

Hean goojeakta buuneeda heeda Balaamu orjeeda Beori, mida Betori, mida ghuuta Eenda, aba ng'eanyiida Amawi ak gaguursa nea gwayeesha, “Ng'ula gwanda fuga leabu ng'eanyiida Misri; ak gwadukuta badayda ng'eanyiida, ak ea sukwa geefursiinyi.

Lukka 10:26

Gwayeesha niny, “Geang'waar naaha aba jeeda deaweeda? heapi giisoamwandiin?”

Gadiyeeda Giijasoodiga 13:15

Iing'ata nea nihit giisoomanda diigheanda ea gitaabooda deaweedeeda Musa ea gea ng'ooruutka sibanga, hean ghang'eat fuga hees bea ghooriida siinealshacheewa ak geecheaksa nea geeyeesha, “Fuga siduupcheewi, iyoondeawi ng'asheanda oogasayi amusa aba badahuukeaba fiisu ak goomajeek goorugu.”

Gadiyeeda Giijasoodiga 15:21

Aba gideaba ghang'eada seaygoojiga gwandeawa Musa fuga rukwiida ng'asheagaaschi aba jeesinga giliwas mujiini, iissa geasoamwa gilinyoo ea sabaato gil aba jeesinga ghoorajeega siinealshacheewa.”