NEHEMIYA 1:9 - Bibliyeeda Ghaydit

⁹ ama inyas goobiigu heedeanyu ak ghoang'waanyi diigheanyeekeasu nea goosinyi, abeeda fugaagu ghayi dardaawaat mida meadajeega ng'eanyiida abeeda gaydabwada geat saawa ak gaydeadu saawa ea ghapka heeda ghayi aadawji, ak gayghwayiin gheawungeasu hoowa.’

NEHEMIYA 1:9 Mawu Ofanana

1 SUGOODIGA 8:48

inyas gaygwaduukuuna aba jeesinga nyaawa sean eara aba gurooruunatka nyaawa aba ng'eanyiida weajoodiga nyaawa, ghayi aat saawa ghoah soomjooga, inyas gamusnyi nea googeal iheenga ng'eanyiida ghayi iidawi ghweaniga nyaawa, mujiineeda ghayi iloadi, ea gheeda aadeaschi aba gheawungaagu;

1 SUGOODIGA 9:3

Hean gwayeesha NG'UTAMIIDA, “Naayiinyi musiischoadaang'u irukwiisi madeedeanyu; neabadiischeesi gheawi ghayi ideasiin, ak ghaayiinyi gheawungeasu damanda manda muudeanooda; ak gheanyangeasu ea gurooroodeanyu gaygwanda hoowa damanyoojiga sean.

1 DAMANYOOJIGA 16:35

Ak gooyeenyi agooga, “Ea ASEETA lealeanoodeanya, lealneasa, Bwadaneasa geat ak giiruuteaweasa jeeda eemoojiga, Ak geebadiischeesi gheawungaagu ghaydit, Nea goohoosanyi aba alooheadaang'u.

ESRA 6:12

Ak ASEETA nung' goobiida gheawungaaschi hooweaniin, gagasa ghwalas uhuuda sugoodiga sean, ea fuga sean jea ghoahaakta geatinga nyaawa ak ghwayam ng'asheanji nea ghwadatas gheawi bea ASEETA mida Yerusalemuun. Aniini Dariyo gil siida rugu diigheanji; ak gajeesin aba uurda.”

NYIIGHEEGA 106:47

Ea NG'UTAMIIDA was ASEETEANYA, lealneasa, bwadaneasa geat ak giiruuteaweasa bugusta eemoojiga, ak geebadiischeesi gheawungaagu ghaydit.

NYIIGHEEGA 107:3

ak ghoawaam aba darooraka sean ghang'eada heeda ghayeawa ea ghwahita heeda biyeara, ghang'eada wiilooda ng'eanyiida ghayeawa ea ghwahita wiilooda ng'eanyiida biyeara.

NYIIGHEEGA 147:2

NG'UTAMIIDA dea deas Yerusalemu; ak ghabwada geat fuga dardaawaat bea Israeli.

ISAYA 11:12

Ak gayghamiiinda beendeerajeanda goohiimsa eemoojiga gideaba gayghoawaam fuga Israeli ghayi siitaarda, nea ghabwada geat fuga Yuda ghayi darda mida meadajeega asang'wan sean bea ng'eanyiida.

ISAYA 27:12

Nea eaweedida, ghang'eada eenda Furati ea ghwahita moonghooda Misri NG'UTAMIIDA gayghwalach boagaaschi, ak agooga gajeeliimuunaneegwa, Ea fuga Israeli.

ISAYA 56:8

Gwayi NG'UTAMIIDA was ASEETA, dea bata geat gea ghayi sihoan bea Israeli, gaydabwadageat suuk aba headaanyi gea ghayi deena gea ghayi sibwada geat.”

YEREMIYA 12:15

Iinearuuteawi saawa jeedida, abeeda gaydabwayda ak gaygaba nih eadeelsi headaanyi bea hearaniischooda ea ng'eanyiidaanyi.

YEREMIYA 3:14

Abiikni, Ea diibiga mandeawana mureeda, gwarugu NG'UTAMIIDA; aba gideaba aniini geawooschi siidaang'u haw; gaydageandaneey, siyagi aba giliwas mujiini ea fih iyeenya aba giliwas ghoah, ak gaydeaneegwa ea ahiini Sayuni.

YEREMIYA 31:10

“Ooleeysiiniit ng'asheanda NG'UTAMIIDA, Ea eemoojiga, arukwiida aba ng'eanyoojiga sheagi bea ghuuta basooda, nea gooyeenyi, ‘Dea adabwaarda fuga Israeli gayghabwadageat niny, nea niny gaygafurda gidafuriideayda jeagiischoocheanda gisilgaaschi.’

YEREMIYA 32:37

Ng'ata gaydabwada geat saawa ghang'eada mujiinajeega sean ghayi eadearsi saawa aba nyarasteanyu ea sawanadeedeanyu ea aba nyarasteanyu haw, ak gaydeadu gicha hiji ak gaydanung' goobiitpiit nea gaba seayu.

YEREMIYA 6:22

Gwayi NG'UTAMIIDA, “Ng'ula gwanda fuga jea ghapka nea gwaleabu ng'eanyiida mida wiilooda ng'eanyiida ghayeawa, eemeeda haw uur goodiing'diing'da nea gwaleabu heeda sheagi.

ESEKIELI 14:6

“Aba badaydeaba nih eeshiina fuga Israeli, gwayi NG'UTAMIIDA was ASEETA; Aduukuunana, ak ghoanung'waadi badita sanaamajeegeagwa. Anung'waada sinooda gichea ghoanyareasan.

ESEKIELI 36:24

Aba gideaba gaydearuuna jeeda eemoojiga ak gaydabwada geat ak gearuuni jeeda darooraka sean ak geadeelsi jeeda ng'eanyiideang'wa.

NG'ASHEEGA LAWI 26:3

“Iibiidi jeeda deaweedajeegeasu nea ghoawali diigheanyeekeasu nea goosinyi,

SAKARIYA 8:7

Gwayi NG'UTAMIIDA bea lugweega, Ng'ula gaydalealu fugeasu, ghang'eada ng'eanyiida ghayeawa ea ghwahita ng'eanyiida biyeara;

Mattayo 24:31

ak gaygoojeakta malaykajeagaaschi ghaghuut muuchi durumbeati ak gaygaweay gooweamu fugaaschi loat aba murdajeega asang'wan bea ng'eanyiida, ghang'eada murdeeda humng'eeda meatkweeni ea gagul meatkweedida.

GIIPKEATA DIIGHEANDA 12:21

Inyas heeda loat NG'UTAMIIDA was ASEATAANG'U ghoah heeda jea ghwayiin gheawungaaschi iisheageewaneey, abeeda giimuusi nuus agi aba jeeda dugwaagu ghana jeeda noagaagu, goonyi NG'UTAMIIDA, gawuurji gidearukuneey; ak gajaga aba jeesingeaba gheang'u gidigasiidi.

GIIPKEATA DIIGHEANDA 12:5

Agooga gajagasa jeeda jea ghwaloat NG'UTAMIIDA was ASEETEANG'WA aba bugusta eemoojigeagwa sean heeda jea ghwayiin gheawungaaschi headaanyi bea giibinda, ak gajuna ghadoawana,

GIIPKEATA DIIGHEANDA 30:1

“Inyas ghapka badaydaang'u haleanjeeni seaniin, was ghawooda ea mooshteayda, ghayi aayiinyi madeadaang'u, ak giguursi saawa ghoapkaat aba bugusta eemooji bea heeda jea ghwayiinyi NG'UTAMIIDA was ASEATAANG'U,