NEHEMIYA 1:6 - Bibliyeeda Ghaydit

⁶ aleaydiit, ak ginung' ghwajaada gheanyangaagu ak giileeysiit gidamwaash siidaang'u bea gadiyeeda ghamneawa aamoashchi aba madeadaang'u askweari ea eawa aba badayda fuga Israeli was fugaagu bea gadiyeeda, geaduukuuni aba badayda riing'eeda fuga Israeli, ghayi sisinyi aba badaydaang'u. Aniini ea gheeda ghweanigeasu siitiinyi.

NEHEMIYA 1:6 Mawu Ofanana

1 SUGOODIGA 8:30

Aleeysiina iita mooshta siidaang'u bea gadiyeeda ea gea fugaagu bea Israeli, inyas gamusiischi nea gwayamsa geat hiji, aleaydiit aba humng'eeda heeda iibiiti; aba inyas giyiinyi, abeeda gisamsi.

1 SUGOODIGA 8:47

inyas gabumbuniidi gurooruunatka aba ng'eanyiida ghayi siyaat ghoah soomjooga, ak gwaduukuuna, ak gamusnyi aba ng'eanyiida weajoodiga nyaawa, nea gwayi, ‘Sisinyi riing'eeda, ea ng'asheega gwaneadi ea gea munyas’;

2 DAMANYOOJIGA 28:10

Ak ghamneawa ea noogasayi oombala fuga Yuda ea gea Yerusalemu, headiga ea gadeemga ak ghoanung' ghoah fugeagwa bea gadiyeeda. Agooga nea goobea geat miy asina riing'eeda aba badayda NG'UTAMIIDA was ASEETEANG'WA?

2 DAMANYOOJIGA 29:6

Aba gideaba ghweandeanya niny ghayi miy doabiiwaat nea nisin gida muy aba madeeda NG'UTAMIIDA was ASEETEANYA, nea ea nijakta niny, nea ea niyam iheenga nyaawa gwasheagiida heeda abiita NG'UTAMIIDA, ak goofuursa badahuuka.

2 DAMANYOOJIGA 6:40

Ak ghamneawa, Ea ASEETEANYU, nung' ghoang'wearu gheanyangaagu nea ginung' gwayiing'shi iidigaagu mooshta simus aba hiji.

ESRA 10:1

Damanda moasheewa Esra ghawooda ak gwaduukuuna, nea gooyeawda nea gwajaksa geaw ng'eanyi aba madeeda gheeda ASEETA, hean gabassa geat buuneeda saang'a muuchi bea Israeli headaanyi, headiga, ea gadeemga, ea diibiga, abeeda buuneeda gooyeawda muuchi.

ESRA 10:11

Asi aduukuunana aba heeda NG'UTAMIIDA was ASEETA ghweanigeagwa, ak goosindi gidagasiida; ak ghoasaji geat fugeaba ng'eang'i ea gadeemga eemoojiga.”

NEHEMIYA 1:11

Ea NG'UTAMIIDA, aleeysiiniit mooshta ghawooda bea siidaang'u bea gadiyeeda, ea mooshta ghawooda bea fugaagu bea gadiyeeda awali gheawungaagu; ak ginung' danyagaada askweareani, ak ginung' danyas baydeayda aba madeedeaba siisi.” Aba gideaba aniini geadawayi gichea ghwali sugoocheanda.

NYIIGHEEGA 102:17

ak googeal jeeda mooshta siida bwarbwar, ak ea mayghaheawa mooshta nyaawa bea ghawooda.

NYIIGHEEGA 106:6

Aseasa sisinyi riing'eeda sea ghweanigaasa; sisinyi ng'asheega munyas, ak ea sisinyi munyinda.

NYIIGHEEGA 130:2

Ng'utamiida, iinya ghuuteanyu! Nung' ghwayiiy iidigaagu gida aamoashti ghawooda!

NYIIGHEEGA 32:5

Ak aniini gearukuneey riing'eedeanyu, ak ea mii dafuy munyindeanyu ak geayeenyi “gaydamwas giidiinyeanyeekeasu aba heeda NG'UTAMIIDA”; ak gisamsean aba gidaroat aba riing'eedeanyu.

NYIIGHEEGA 34:15

Gheanyanga NG'UTAMIIDA gagal fuga doobiiweadi, nea iidigaaschi gagal shooka nyaawa.

NYIIGHEEGA 55:17

Shing'ada ea sakteayda ea askweari ghaaniikghchi nea geayeawdi, ak gayghwayiiy ghuuteanyu.

NYIIGHEEGA 88:1

Ea NG'UTAMIIDA was ASEETEANYU, geaguurneey askweari nea geagasayi weeta; ak geayeawdi eawa aba madeadaang'u.

ISAYA 6:5

Hean geayeenyi, “Deashageadi! Aba gideaba naaroachi aba gideaba aniini geawooschi siida muy ghuut, ak geabiidi bugusta fuga munyasi ghuusi, ak ea naadaayi sugoocheanda, was NG'UTAMIIDA bea lugweega.”

HEAREEGA 5:7

Ghweanigaasa gwasin riing'eeda, ak ghamneawa saawa ea mandana; ak ghamneawa geesareanyi munyasnacheeka nyaawa.

DANIELI 9:15

Asi ghamneawa, Ea NG'UTAMIIDA was ASEETEANYA, ghayi iiruuni fugaagu jeeda ng'eanyiida Misri aba geatinda mideawa uurda, ak ea nisisi geaw gheawunga, gawuurji gideaba ghamneawa, sisinyi riing'eeda, ak ea sisinyi gea munyas.

DANIELI 9:20

Damanda duu dabaloola nea ghaamwaashchi ghawooda, nea geaduukuuni riing'eegeasu ea riing'eega buuneedeanyu was Israeli, nea ghaadaydi haleanjeedeanyu bea ghadooweeda aba madeeda NG'UTAMIIDA was ASEETEANYU aba badayda heayeeda ghaydit bea ASEETEANYU;

DANIELI 9:4

Ak ghaamwaashchi ghawooda aba heeda NG'UTAMIIDA was ASEETEANYU ak geaduukuuni, nea geayi, “Ea NG'UTAMIIDA haw, biissa aang'waan, was dea ang'oonyi neajeeda ea bariinyeega huumwa aba heeda fuga bwariiy niny ea ghoang'waay diigheanyeekaaschi,

DANIELI 9:5

aseasa sisinyi riing'eeda ak ea siitiinyi ak ea sifooli ng'asheega irukuneasa, ak ea sinung'usi heeda diigheanyeakaagu ea deaweedajeagaagu;

DANIELI 9:8

Nea aseasa, Ea Ng'utamiida, geewooschi fuga sina ng'asheega munyas bea baspaseega aba heeda sugoodigaasa ea fuga hees jea ghoah sugoodiga, ea ghweanigaasa aba gideaba sisineey riing'eeda.

Lukka 18:7

Gajeeyeena ASEETA mayghoadaw doobiiwnata fugaaschi loosageaw ayeawusa askweari ea eawa? Gayghwashing'da aba weeta nyaawa?

Lukka 2:37

goobiida masinung'weanduumeeda gweanyeew seedam ea aang'waan. Nea mii gwaheeli gheeda sibata ASEETA, nea gagadoowani nea gooluulda geaw nea gamoora ASEETA eawa ea askweari.

Efeeso 2:3

Aba suh ghayi eara aseasa siipiidi eesa sean jeeda haleanjeeda gasa sasanuukaasa, nea geayaachi geeshta haleanjeeda gasa saseeda ea uhuuda, nea geebean eewoosa diibiga nyarasta, ak geewuurjeewi fuga mwaatkwa.

1 Dimotteo 5:5

Nea dea was masinung'weanda huumwa, sinung'wa heeda nea gaba geaw, nih ghusoadaanyi niidaw ASEETA ak niny goomajeek mooshta ghawooda ea badita ASEETA eawa ea askweari.

2 Dimoteo 1:3

Geabadiischeesi ASEETA eabadayi aba guroorooda miy ghang'eada damandida bea gweargweasuun inyeessa ghaapkaacheey galeagasean aba jeeda mooshteanyu bea ghawooda eawa ea askweari.

1 Yohaana 1:9

Nea iisiduukuuni riing'eegaasa, niny awaam nea doabiiwaat, ak gaygwasamsa riing'eegaasa, ak goohuuneasa aba haleanjeeda sean mwadoabiiwa.

1 SAMWELI 15:11

“Aniini neagiisanyi aba gideaba naanung' ghoah Sawli sugoocheanda; aba gideaba nifuurnean badayda ak ea meana geeshteanyu, ak ea moang'waanya diigheanyeekeasu.” Hean ghwanyareas Samweli; ak gooyeawusa NG'UTAMIIDA eaweesean.