NEHEMIYA 1:11 - Bibliyeeda Ghaydit

¹¹ Ea NG'UTAMIIDA, aleeysiiniit mooshta ghawooda bea siidaang'u bea gadiyeeda, ea mooshta ghawooda bea fugaagu bea gadiyeeda awali gheawungaagu; ak ginung' danyagaada askweareani, ak ginung' danyas baydeayda aba madeedeaba siisi.” Aba gideaba aniini geadawayi gichea ghwali sugoocheanda.

NEHEMIYA 1:11 Mawu Ofanana

GIING'EETA 24:42

“Asi ghamneawa ghaawunyi askweareani hiji bea healadeedean, ak geayi, ‘Ea NG'UTAMIIDA, ASEETA siideanyu haw was Abrahamu, nung' danyagaada aba jeeda bareanyeekeasu eawi,

GIING'EETA 32:11

Geamuscheey lealnean ang'iing'i, aba geatinda orjeediyya, aba geatinda Esawu, aba gideaba aniini ghaawali niny aba gideaba gajiidu ghwahidu ak ghabwareasa eesa sean, gheamadiga ea diibiga.

GIING'EETA 32:28

Hean gwayeesha, “Gheawungaagu maygudu eeguureewaneey Yakobo, gajeeguureewaneey Israeli, aba gideaba ning'alealeewi ASEETA ea buuneeda, ak ea nijooriischi.”

GIING'EETA 40:1

Iimuchu nea ning'ata ng'asheesu goodiiysa sugoocheanda Misri siidaanyi adiiwi difaayi sea siidaanyi sina mukaate ak ghoanyareas sugoocheanda nyaawa bea Misri.

GIING'EETA 40:2

Hean gwanyareeksa Farao fugaaschi asiyeenya hees bea gadiyeeda, was siida haweewa fuga adiiwi difaayi sea siida haweewa fuga sina mukaate

GIING'EETA 40:21

Ng'ata goodeelsa siida haw fura difaayi gadiyeadaanyi, ak ghwayiin gikoombe geatinda Farao;

GIING'EETA 40:23

Ak ea moapkaada siida haw fura difaayi Yosefu, ak ea mudu gwarukusa sugoocheanda iita Yosefu.

GIING'EETA 41:9

Hean gwayeesha siida haw fura difaayi Farao, “Eanean naapkaachi giidiinyeanyeekeasu.

GIING'EETA 43:14

gagasa ghwanung' ASEETA haw ghabwaydaneegwa siida, ak gagooneegwa orjeeda giyeang'wa niirja sea Benjamini. Ama jea gwarooda diibigeasu, gaygwarooda.”

2 DAMANYOOJIGA 6:40

Ak ghamneawa, Ea ASEETEANYU, nung' ghoang'wearu gheanyangaagu nea ginung' gwayiing'shi iidigaagu mooshta simus aba hiji.

ESRA 1:1

Gweayda madeeda bea sugoocheanduumeeda Goreshi was sugoocheanda ng'eanyiida Ajemi, abeeda gwasa, ng'asheanda NG'UTAMIIDA ghayi rukuna ghuuta Yeremiya, hean ghwasat NG'UTAMIIDA guroorooda Goreshi was sugoocheanda Bersiya, ak gwarukuta iita aba ng'eanyiidaanyi sean ambal ak eara ada ghang'oar.

ESRA 7:6

Hean gwascheeng'u Esra nea gwaleabu Babeli. Niny abeeda ng'oorshoocheanda deaweedeeda Musa gil ghayi guh NG'UTAMIIDA was ASEETA Israeli; ak gwanyaksa sugoocheanda niny haleanjeeda sean gasa, aba gideaba geatinda NG'UTAMIIDA was ASEATAANYI gwanda badaydaanyi.

NEHEMIYA 1:6

aleaydiit, ak ginung' ghwajaada gheanyangaagu ak giileeysiit gidamwaash siidaang'u bea gadiyeeda ghamneawa aamoashchi aba madeadaang'u askweari ea eawa aba badayda fuga Israeli was fugaagu bea gadiyeeda, geaduukuuni aba badayda riing'eeda fuga Israeli, ghayi sisinyi aba badaydaang'u. Aniini ea gheeda ghweanigeasu siitiinyi.

NEHEMIYA 2:1

Aba damanda sindeewa Nisani, bea gweaydeaba diktam nea goombal ng'eanyiida sugoocheanda siguura Artashasta, abeeda gwanda madeadaanyi difaayi, hean geageandi difaayi ak ghaadawji sugoocheanda. Ghamneawa aniini ea meandeawani gurmeahiida aba madeadaanyi.

NEHEMIYA 2:8

ea barawajeanda jea deasa Asafu, was furiischoocheanda dimda sugoocheanda, ak gagoonan geeta jea dasina darearjeeka bea dooshinga hoorgajeega gheeda sibata ASEETA, ea ghamarda mujiini, ea gheeda jea deabiida.” Ak gagoonan sugoocheanda gideamuschi; aba geatinda miy bea ASEETEANYU mida badaydeanyu.

NYIIGHEEGA 106:46

Hean ghwanung' ghabwayda saawa fugiga sean ang'waay saawa ghoah soomjoogean.

NYIIGHEEGA 130:2

Ng'utamiida, iinya ghuuteanyu! Nung' ghwayiiy iidigaagu gida aamoashti ghawooda!

NYIIGHEEGA 61:5

Aba gideaba ang'iing'i ASEETA niyiinyi haleanjeeda earadayi, nigoonyean dahearan haleanjeeda fuga awali gheawungaagu.

NYIIGHEEGA 86:6

Ea NG'UTAMIIDA, aleeysiiniit mooshteanyu bea ghawooda; aleeysiiniit shookeasu aba gidaamwaashchi.

GHWASIILDEANGA 1:29

Aba gideaba ghwasit fughareeda, ak ea mealooda gheawalmeeda NG'UTAMIIDA.

GHWASIILDEANGA 21:1

Guroorooda sugoocheanda gwanda geatinda NG'UTAMIIDA gawuurji ghealooda gulda beega, iissa googeal heeda wassean gasa.

YEREMIYA 42:12

Aniini gaydabwaydaneegwa, ak abeeda ghaabwaydaneegwa ak ghaanung' oopiidana jeeda ng'eanyiideang'wa.

MALAKI 3:16

Iidu fugiga awali gheang'da NG'UTAMIIDEAN goobaloola geat gideaba; NG'UTAMIIDA gwayiing'shi nea gooleeysiit saawa, ak geang'waar gitaabooda giipkeata aba madeadaanyi was fugiga awali gheang'da NG'UTAMIIDA nea goopkeadi gheawungaaschiin.

Ebraniya 13:18

Amwaasha ASEETA ghawooda aba badahuukaasa, aba gideaba geesikteawi gideaba geendeawi fughareeda miy, nea geegasayi eesina haleanjeeda sean aba mureeda.